Johanes 18
18
Nongen le ngendian ad Jesu. Jesu i da beleng Getsemane.
1Nongen ogo boen, Jesu ma su lao aden su bieni gor, su la ndran Kidron le ndran horo, su irgai le beleng hasel su iao le beleng ogo. 2Judas, i da gin hevani Jesu, i danen logna ogo lie. Jesu ma su lao aden su la goure le beleng ogo bersi ma bersilie. 3Judas gin hedi su polisboi ma su lao asu ndurhian ma asu Pharisi, sul ma mordo ber bahun i da le memesu. 4Jesu i danen longu masigane, i da beg meher ndro i malabo. I la marbohon beleng, i ndemani su: Mu gahi sie? 5Su bodeie: Jesu ber Nasaret. I vong le ndro su: Io ie. Judas, ndremda hevani i, i da le dogrosu. 6Be Jesu gin vong le ndro su: Io ie, su masi su los le boan. 7Jesu i ndemani su lie: Mu gahi sie? Su bode: Jesu ber Nasaret. 8Jesu i vong le ndro su i boi: Io gin bai le ndro mu, io Jesu ber Nasaret, be mu gahi io, su gorbo su giroh. 9Longu ogo gin me, dege Jesu gin bai goru: Io gin bogulue su, uo da gin hengen me ndro io, debosan homo asu na glos. 10Simon Petrus i hedi mordo borla aden, i da ndro i, i rii lao ad ndurhian, i sehi delengan sengen aden, ngarn le lao ogo, aga Malgus. 11Malabo Jesu i vong le ndro Petrus: Hedi mordo borla adem giao, derbe, io de gilmui lumiandrun vain, Bo Domo gin hengen me ndro io, bui? 12Su polisboi ma bos asu, dagara su lao asu Juda, su boro Jesu, su hosi i. 13Su dulieni i hanu le ndro Hanas. Aga nannen Kaivas, ndurhian asu Juda le uru ogo. 14Kaivas, aga ndramed i da gin bai le ndro su Juda, i hian hanu, homo na gmed de su masigane.
Petrus bieni Jesu.
15Simon Petrus, ma hom lao ad Jesu lie, sor ndrbon Jesu. Hom lao ogo ad Jesu i danen ndurhian, i iao le gor aden la born ndro Jesu. 16Petrus i da lobohonum, baghege le babi. Hom lao ogo ad Jesu i da danen ndurhian, i la lobohonum, i vong le ndro bihilao i da bogulue babi ber um, boen i dulieni Petrus le lundie. 17Bihilao i da gin bogulue babi ber um, i vong le ndro Petrus: Uo homo asu lao aden de bui? I bodeie: Bugane. 18Su lao asu Juda masi su gin min mandrmoan. Petrus i la ndro su, baghege le moan.
19Malabo ndurhian i ndemani Jesu longu le su lao aden, ma le henunuen aden. 20Jesu i vong le ndro i, i boi: Io da gin henunuen su le um asu, io de gin gorni hebsa bui. Sidesi io da le um ad Jehova, le numohernou asu, su Juda su da me goure sidesi. 21Desa uo ndemani io, e ndemani su, su gin hirong nongen ordo, su ge, su dansu i hian, longu masi io da gin boi. 22Be i gin vong nongen dagara, hom lao i da baghege ndro i, i rii bormarn ad Jesu, i vong le ndro i, i boi: Uo da vong dagara le ndro ndurhian adu ie? 23Jesu i bodeie: Sehe longu io da gin bosoui momen, hian boi me ndro io, be io da gin vong monen ge, desa uo rii io ie? 24Hanas i rendegien Jesu le ndro ndurhian Kaivas.
25Simon Petrus i da bage le moan, malabo homo i ndemani i: Uo homo asu lao aden de bui? 26Petrus i boi loldi i boi le ndro i, i de danen i bui. Hom lao ad ndurhian, loun ad Malgus, Petrus gin sehi delengan, i bai: Io gin ilndri uo le beleng lie. 27Petrus i boi loldi lie, i bieni Jesu, boen goho i dang.
Jesu le ndro Pilatus.
28Boen su dulieni Jesu le gor ad ndorlaben le madourang. Su Juda su la lundieum ad ndorlaben bui, debosan su segdan, su beg ien ndurmeh ber gous asu. 29Pilatus i dogi le ndro su, i ndemani su, i bodeie: Mu da beg bo gord le ndro ndramed ogo gle sehe longu? 30Su vong le ndro i su bodeie: Ar ndramed ogo i de hom ndremda longu momen bui, iou de daui i gle nemem bugane. 31Pilatus i vong le ndro su: Ghedi i, gob gord le ndro i, dege mu ha lengi. Su Juda su vong le ndro i: Dandu dieni homo na gmed bugane. 32Longu ogo gin me, su beg henunuen du, Jesu i na gmed derbe. 33Malabo Pilatus i la lundieum, i loh Jesu, i ndemani i: Uo King asu Juda ie? 34Jesu i bodeie: Aga hanguruen adem de hanguruen asu? Su da gin bosoui le ndro uo de derbe? 35Pilatus i bodeie: Io homo asu Juda bui, su ndurhian adem, su gin ilgi uo le nemo, su Juda su bo gord le ndro uo, uo gin hinen sehe longu momen? 36Jesu i vong le ndro i, i bodeie: Gor ordo i ber boan ogo bui, be gor ordo ber boan ge, su lao ordo su osbani io, su gob bahun le ndro su, debosan iou glos gle nemesu Juda. Gor ordo i ber boan bui. 37Pilatus i ndemani i: Uo hom King de bui? Jesu i bodeie: Ehe, io hom King. Io gin me le boan ogo, io gobharni le longu ndangen ge, homo ma homo i da voaniso longu ber lang ndangen, ha hirong ngasen ordo. 38Boen Pilatus i boi: Sehe longu i ndangen? Boen i iao le ndro su Juda, i vong le ndro su, i boi: Io de dono danoni heb longu momen aden bui. 39Sidesi le uru ademu io rumburdi homo i da le kalabus. Io beg rumburdi King ogo asu Juda. 40Su lug bohosu manden ge, su loholo su boi: Bugane, iou mbuere, hengen Barabas le ndro su. Barabas i hom daiandramed.
Aktuálne označené:
Johanes 18: LLENT
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
Published by the British and Foreign Bible Society 1956
