Marko 8
8
YEZU NAKANISY’EMIKATE LWA KABILI. — OLUNYAMO LWO MW’IGULU. — ITUMBYO LY’ABAFARIZAYO.
1Mu naku ezo embaga ka yasubire kukana, kai batali n’echo kulya, nayeta abahemba be nabagambira ati: 2Nkusasira embaga enu, kuba bamazire naku isatu bali n’ene, batali n’ebyo kulya; 3nkabasindika kutaha mu maka gabo batalire, bakuramatira mu muhanda, kuba abandi muli bonene barugire hara. 4Nawe abahemba be nibamusubiramo bati: Kai mw’iswa munu tukwiha hai emikate zo kwigusy’abantu abo bona? 5Nababuza ati: Muli n’emikate zingaha? Nibagira bati: Musanzu. 6Nalagira embaga kwikara ha nsi. Nakwata emikate musanzu, nakampiza, nahinzura, naha abahemba be, bagabe; nibagabira embaga. 7Hona baliga bali n’otufwi tuke; twona natubarika, nalagira kugaba. 8Nibalya nibeguta; nibatwar’ebihinzu ebyasagire amebo musanzu. 9Nawe abalire baliga bali kuti bihumbi bina; nabasindika kugenda.
10Mbe aho n’aho nahanama mu bwato n’abahemba be, nagenda mu nsi ya Dalmanuta. 11Abafarizayo nibarugayo nibatandika kuhakana nage, nibamusaba olunyamo mw’igulu, bamuroze#8, 11 Lora Matayo 16, 1.. 12Mbe nazuba mu mwoyo, nagira ati: Oluzaro lunu lukusabira ki olunyamo? Koto nkubagambira nti: Oluzaro lunu tilulihabwa olunyamo nangu. 13Mbe ka yabalagire, nasuba kuhanama mu bwato nagenda ha ngego endi. 14Nibayebwa kutwar’emikate, mu bwato baliga bali n’omukate gumo gwonka. 15Nabalagira nagira ati: Mulore mwekenge h’etumbyo ly’Abafarizayo na h’etumbyo lya Herode. 16Bakatekateka nibagambirana bonene bonka bati: N’obwo tutali na mikate. 17Yezu namanya nabagira ati: Mukutekatekera ki okwo mutali na mikate? Timukamanyire, kai timukasombokerwe, si muchali n’omutima gwanu guhumire kuhika na hati? 18Si muli n’ameso, kai mutakubona? kai muli n’amatwi, mutakuhulira? kai timukwizuka? 19Olwo nahinzur’emikate itanu ha bantu bihumbi bitanu, mukehayo ebitukuru bingaha bizwire ebihinzu? Nibamugira bati: Ikumi na bibili. 20Olw’ emikate musanzu ha bantu bihumbi bina, mukehayo bitukuru bingaha by’ebihinzu? Nibamugambira bati: Musanzu. 21Nabagambira ati: Kubaki kai mutakasombokerwe?#8, 21 Itumbyo likumanyisya hanu obwolekerezi bubi bw’abahate ba Yezu, nk’okwo wenene yagambire omwene: lora Matayo 16, 11–12.
OMUHUME NAKIZIBWA. — KWIKIRIZA KWA PETRO. — KUTEGULA OMUSALABA.
22Nibahika Betsaida, nibamuletera omuhume, nibamusaba amukwateho. 23Nakwata omukono gw’omuhume, namuhurucha mu maka, nat’amachwanta mu meso ge, namutaho emikono ze, namubuza ati: Okubona kintu? 24Nalora namugambira ati: Nkubona abantu nibalibata nibasusana nk’amati. 25Kandi nasuba kut’emikono ze ha meso ge; natandika kubona, nasuba kuba muzima, nabona byona kuzima. 26Namusindika kuza mu ka, nagira ati: Notahe mu ka, k’olahika mu charo, otagambira muntu n’omo.
27Yezu nagenda n’abahemba be mu byaro bya Kaizariya ya Filipo; mu muhanda nabuza abahemba be nagira ati: Abantu bakundenga oha? 28Nibamusubiramo nibagira bati: Yohana Batista; abandi Eliya, abandi kuti omo mu balagi. 29Aho nabagambira ati: Kai imwe mukuneta muti ki? Petro nasubamo namugambira ati: Iwe oli Kristu. 30Nabazibira mani batamugamba mu bantu.
31Natandika kubolekerera okw’Omwana w’omuntu ali no kusasibwa bingi, no kwangwa abagurusi n’abakuru b’abasaserdoti n’abandiki, no kwitwa, no kuzoka, harabireho naku isatu. 32Nafumorera ha bweru ebigambo ebyo. Petro namutwara, natandika kumuchahalira. 33Wenene nayekebuka, nalora abahemba be, nafuta Petro nagira ati: Nosube enuma yange, sitani we, kuba tokunulirwa ebya Mungu, nawe eby’ abantu#8, 33 Lora Matayo 16, 23.. 34Nasumbya embaga n’abahemba be, nabagambira ati: Omuntu akwenda kunduba, ayeyange omwene, ategule omusalaba gwe, andube. 35Kuba akwenda kukiz’omwoyo gwe, akugunaga; nawe alinag’omwoyo gwe ha bwange na ha bw’Evanjeli, aliguchungula. 36Kuba omuntu kutwar’ensi yona kukumuletera ki, akanag’omwoyo gwe?#8, 36 Lora Matayo 16, 26. 37Hamo omuntu alitaho ki cho kuchunguza omwoyo gwe? 38Kuba omuntu alikolerw’ensoni ine n’ebigambo byange mu luzaro lunu lusihani n’oluheni, Omwana w’omuntu wena alimukolerw’ensoni olw’aliza mw’ikuzo ly’Ese n’abamalaika batakatifu. 39Mbe nabagambira ati: Koto nkubagambira okwo haliho abandi abali hanu abataliroz’olufu#8, 39 Lora Matayo 16, 28. batabwene obukama bwa Mungu nibwiza n’amani#8, 39 Lora Matayo 16, 28..
Aktuálne označené:
Marko 8: KED1946
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
First published in 1946 by the White Fathers. Published online with the permission of the White Fathers.
