Luka 6
6
ABAHEMBA NIBAHENDA EBYANGARA OLWA SABATO. — YEZU NAKIZA OW’OMUKONO GWOMIRE.
1Mbe ha lunaku lwa sabato, olwa kabili lwo kutandika#6, 1 Niyo raba sabato eyarubire olunaku lwa kabili lwa Paska., ka yarabire mu misiri z’engano, abahemba be nibahenda ebyangara, nibakutira mu ngaro, nibalya. 2Mbe abandi bo mu Bafarizayo nibabagambira bati: Mukukolera ki ebizibirwe ha lunaku lwa sabato? 3Yezu nabasubiramo nabagira ati: Timukasomaga si ebyo Daudi yagizire, olwo yarumw’enzala, wenene n’abo yaliga ali nabo? 4okwo yatahire mu nzu ya Mungu, naihaho emikate zo kwoleka nalya, naha n’abaliga bali nage, ezaliga zizibirwe kulibwa abatali basaserdoti?#6, 4 Lora Matayo 12, 4. 5Nabagambira ati: Omwana w’omuntu niwe kana sabato yona#6, 5 Lora Marko 2, 27..
6Mbe ha lunaku lundi lwa sabato akataha mw’isomero nayolekerera; honene omwo haliga halimo omuntu ogwo, omukono gwe gw’obulyo gwomire. 7Abandiki n’Abafarizayo baliga bahengire, okwo alakiza ha lunaku lwa sabato, babonereho ekigambo cho kumulega. 8Nawe wenene yamanyaga ebitekateko byabo, nagambira omuntu ayaliga ali n’omukono gwomire ati: Imuka, oimerere hagati. Mbe naimuka naimerera. 9Yezu nabagambira ati: Nkubabuza nti: si ha lunaku lwa sabato haliho omwanya gwo kukola kuzima, hamo kubi? kukiza omwoyo, hamo kugunaga? 10Ka yabalozire bona akabasuganisya, nagambira omuntu ogwo ati: Gorora omukono gwawe. Nagorora omukono gwe, nigusuba kukoba. 11Nawe bonene nibanigahara nibasara, nibagambiranwa okwo balagira Yezu.
KUSORWA KW’EMTUMWA IKUMI N’EBILI. — KWOLEKERERA KWA H’EBANGA.
12Mu naku ezo naimuka kuza mw’ibanga kulembereza, nakesy’obwire mu sala za Mungu. 13Mbe ka bwachere, nayet’abahemba be; nasoramo ikumi na babili muli bonene; abo nabayeta ati: Entumwa, nibo banu: 14Simoni, owe yarukire Petro, na Andrea, mutabani wabo, Yakobo na Yohana, Filipo na Bartolomeyo, 15Matayo na Toma, Yakobo, mwende Alfei, na Simoni, owe bayeta bati: Zelote, 16Yude, mutabani wabo Yakobo, na Yuda Iskaryota, ayamutunzire.
17Nalengetuka nabo, naimerera mu lutanga, n’embaga y’abahemba be, n’ekipipi ch’abantu abaliga barugire Buyahudi yona na Yeruzalemu, na ha mbarama y’enanza, na Tiro na Sidoni, 18abaliga bezire kumuhulira no kukizibwa endwara zabo. Abaliga nibanaranazibwa emyoyo z’obulofu bakizibwaga. 19Kai embaga yona yahigaga kumukoraho, kuba amani garugaga muli wenene nigakiza bona. 20Wenene ka yanagire ameso ha bahemba be, nagira ati:
ABALI N’OMUGISA N’ABALIGABONA. — OBWENDANI. — KULAMULA ABANDI.
Abahabi mu mwoyo muli n’omugisa, kuba n’imwe bakana bukama bwa Mungu. 21Abakurumw’enzala hati muli n’omugisa, kuba muligusibwa. Abakulira hati muli n’omugisa, kuba muliseka. 22Muligir’omugisa imwe ka mulihatw’abantu, bakabasorora no kubagaya no kwanga izina lyanu kuber’Omwana w’omuntu, nibalilenga ibi. 23Lunaku olwo musemererwe, muhirahirwe, kuba empera yanu ni ningi mw’igulu; kuba nibyo nk’ebyo bese bagirire abalagi. 24Nawe imwe abahango, muligabona, kuba mwabwene ebyo kubachuleza. 25Muligabona, imwe abegusire, kuba mulirumw’enzala. Muligabona, imwe abakuseka hati, kuba mulibihirirwa, mulilira. 26Muligabona ka mulisimw’abantu, kuba ebyo nibyo bese bagirire abalagi b’endimi.
27Nawe nkubagambira, imwe abakumpulira, nti: Mwende abahate banu, mukolere kuzima ababahasire. 28Musime abakubazuma, musabire abakubabehereza. 29Kai omuntu akakuter’oluhi h’etama limo, mutegereho n’elya kabili; kandi omuntu akakusakura omugutu gwawe, iwe nomuhe n’enkanzu yona. 30Buli akukusaba omuhe; kai akukwaka echawe, otasuba kukimutonga. 31Kandi okwo mukwenda abantu babagirire, nikwo n’emwe mubagirire mutyo. 32Mukayenda abakubayenda, muli n’empera ki? kuba n’abaheni bona bakwenda abakubayenda. 33Kandi mukakolera kuzima abakubakolera kuzima, muli n’empera ki? kuba n’abaheni bona bakugira batyo. 34Mukalisy’amasiri abo mukutegezaho kusubibwa, muli n’empera ki? kuba abaheni bona bakulisiz’amasiri abaheni, nibayenda kukolerwa batyo. 35Mbe nimwende abahate banu; mukolere abandi kuzima, muhe, mutakutegeza kusuba kuhabwa kintu; kai empera yanu eliba mpango, kandi muliba bana b’Asingire, kuba wenene ni mufura w’abatakusima n’ababi. 36Mbe mugir’ekisa, nk’okwo Iso wanu ali n’ekisa. 37Muleke kulamula, n’emwe mutalilamurwa; muleke kuha abandi entambala, n’emwe bataligibaha; mukize abandi, niho n’emwe mulikizibwa. 38Mugabe, n’emwe muligabirwa: endengo nzima, eigatirwe, esingisibwe, negerera, baligisesa mu kifuba chanu. Kuba endengo eyo muliba mulengeremo abandi, nimwo n’emwe balibalengera.
39Hatyo nabagambira olugani ati: Omuhume akuhicha ata kuhabura omuhume wezabo? tibakugwa mu lina bona? 40Omwolekererwa takukira omwolekerezi we#6, 40 Omwolekererwa akutaho amani ahiche kwingana n’omwolekerezi we. nawe buli muntu akumanya koto, k’akwingana n’omwolekerezi we. 41Okulorera ki olumambo mu liso ly’owezanu, kai iwe otakubona omugamba oguli mu liso lyawe? 42Kai hona okuhicha ota kugambira owezanu oti: Mwana wetu, ka nkwiheho olumambo mu liso lyawe, kai iwe otakubona omugamba mu liso lyawe? Muzigi we, notandike kwiha omugamba mu liso lyawe, niho oihe olumambo mu liso ly’owezanu#6, 42 Lora Matayo 7, 5.. 43Kuba tihaliho iti izima elikuraba ebirabo bibi; kai hona iti ibi tilikuraba ebizima. 44Kuba bul’iti likumanywa ha byo likuraba. Kuba tibakutongora amatini ha mahwa, kai tibakusoroma emizabibu ha masugu. 45Omuntu muzima akwiha ebizima mu nsabo ye nzima y’omutima gwe, kandi omuntu mubi akuleta ebibi byo mu nsabo ye mbi; kuba omunwa gukutenga ha bizwire mu mutima. 46Okunetera ki oti: Rugaba, kai otakukola ebyo nkugamba? 47Buli akwiza hal’ine akahulira ebigambo byange, akabihicha, nkuboleka owe akususana nage. 48Akulenganisibwa n’omuntu ayayombekire enzu, nasimba ifwo muno, nata oluhazu ha lukiri; mbe amenzi ka gagwerere, omugera nigwatira ha nzu egyo, nawe tigwahikize kugitengesya, kuba yaliga eyombekire ha lukiri. 49Nawe akuhulira, akabura kukola, akulenganisibwa n’omuntu ayayombekire enzu ye h’etaka, etali na luhazu, eyo omugera gwayatireho n’ihuma lingi, aho n’aho negwa, hatyo obukambuke bw’enzu egyo nibuba buhango muno.
Aktuálne označené:
Luka 6: KED1946
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
First published in 1946 by the White Fathers. Published online with the permission of the White Fathers.
