Luka 10
10
ABAHEMBA MAKUMI MUSANZU NA BABILI. — EKIGAMBO CHO KUSEMERERWA.
1Mbe kumara ebyo Omukama naihamo abandi makumi musanzu na babili, nabatuma babili babili kwebembera obusyo ye mu byaro byona na buli hantu, eyo wenene yayendaga kuza. 2Nabagambira ati: Igesa ni lingi, nawe abakozi ni bake. Mbe nimusabe Omukama w’igesa atume abagesi mw’igesa lye. 3Nimugende; lora, ine nabatuma nk’abana b’enabalega hagati y’emisege. 4Mutwar’ensaho n’omufuko n’enketo, kai mutabwacha muntu mu muhanda. 5Buli nzu eyo mulatahamoga, mwatandika kugira muti: Omulebo gube mu nzu munu. 6Mbe omwo hakaba halimo omwana w’omulebo, omulebo gwanu gwachulera hali wenene; nawe akaba atalimo, gwabasubira. 7Mu nzu egyo yonene mwikaremo nimulya nimunwa ebikuba bili hali bonene; kuba omukozi ahikire omuhero gwe. Mutafuruka kuruga mu nzu kuza mu nzu endi. 8Na buli charo echo mulagendamo, bakabakunda, mulye ebyo balibaha. 9Mukize abarwere abali honene okwo, mubagambire muti: Obukama bwa Mungu bwerire hehi n’emwe. 10Nawe buli charo echo mulizamo, bakabayanga, murugemo muze mu maguliro gacho, mugire muti: 11N’enkungu y’echaro chanu eyatukungukira, tukugibakunkumulira; nawe mumanye binu: obukama bwa Mungu bwerire hehi. 12Nkubagambira okwo ha lunaku luliya Sodoma elikizibwa kukira echaro echo. 13Oligabona, iwe Korozaini! oligabona, iwe Betsaida! kuba amahano agakozirwe mul’imwe gakiba gakolerwe Tiro na Sidoni, bakubere kara bali mu masato na mw’izu nibenaranaza. 14Nawe Tiro na Sidoni bilisasirwa mu kulamurwa kukira imwe. 15Iwe Kafarnahumi, okalehibwa kuhika mw’igulu, oligatirizibwa kuhika kuzimu#10, 15 Lora Matayo 11, 24.. 16Akubahulira akumpulira; kai akubagaya akungaya. Kandi akugaya ine, akugaya ayantumire.
17Mbe makumi musanzu na babili bakasuba nibasemererwa, nibagira bati: Mukama wetu, n’amasitani gona gakatuhulira mw’izina lyawe. 18Nabagambira ati: Mbwene isitani nilihanantuka mw’igulu nk’olulabyo#10, 18 Ebigambo ebyo bya Yezu bikumanyisya okw’obuhicha bw’amasitani bwasingarika. Isitani n’abantu balyo balisingwa Omuchunguzi n’abahemba be.. 19Lora, nabaha obuhicha bwo kulibatira enzoka n’ebimina, n’amani gona g’abahate; tihaliho ekilibanaza. 20Nawe nimuleke kusemererwa muli ebyo, obwo amasitani gakubahulira; nawe musemererwe obwo amazina ganu gayandikwa mw’igulu. 21Mu katungu ako napampuka ha bw’Omwoyo Mutakatifu, nagira ati: Kasinge Tata, iwe Omukama w’igulu n’ensi, obwo ebyo wabiserekire ab’obwenge n’abakeruke, okabisokorera banamuto. Nikwo, Tata, kuba nibyo byakusemerera bityo iwe omwene. 22Byona nkabihabwa Tata; tihaliho akumanya ech’Omwana ali; niwe Tata wenka; kai n’echo Tata ali, niwe Omwana wenka n’owe Omwana yayenzire kusurulira. 23Ka yachokere ha bahemba be, nagira ati: Ameso agakubona ebyo imwe mukubona gali n’omugisa. 24Kuba nkubagambira nti: Abalagi n’abakama bengi bakayegonga kubona ebyo imwe mukubona, nawe tibabibwene, no kuhulira ebyo mukuhulira, nawe tibabihulire#10, 24 Lora Matayo 13, 17..
OMUNASAMARIYA MUZIMA. — MARTA NA MARIA.
25Aho omubuya w’ebilagiro naimuka kumuroza nagira ati: Mwolekerezi, ngire nta, niho mbone obulame obutahwaho? 26Wenene namugambira ati: Mu bilagiro hayandikirwemo ki? okusoma ota? 27Nasubamo nagira ati: Oyendega Omukama Mungu wawe n’omutima gwawe gwona, n’omwoyo gwawe gwona, n’amani gawe gona, n’obwenge bwawe bwona, n’abezanu nk’ewe omwene. 28Namugambira ati: Watenga kuzima; nogire otyo, olibona obulame. 29Nawe ogwo, obwo yayendaga kweyoleka okw’ali muzima, nagambira Yezu ati: Kai owezasu ni ga? 30Yezu nasubamo namugambira ati: Omuntu ogwo yaliga nalengetuka kuruga Yeruzalemu kuza Yeriko, nakwatw’abasuma, nibamunyaga, nibamuhutaza, nibagenda, nibamusiga nayenda kufwa. 31Mbe aho omusaserdoti omo naraba mu muhanda ogwo; namulora nayegendera. 32Nikwo n’omuhereza wo mw’eklezia wena namubona narabaho. 33Nawe Omunasamariya ogwo, ayaliga ali mu lugendo, nahika aho yaliga ali; namubona, namwitirw’ekisa. 34Namwirira hehi, namusemba obuhuta bwe, nasesamo amazuta n’evini, namuhanamya ha farasi ye, namusagara mu nzu y’abageni, namurwaza. 35Ka bwachere, nakwata sumuni ibili naziha kana nzu, nagira ati: Nomurwaze; mbe ebyo olimuha byona nibikira binu, ndibikulihira ka ndisuba kwiza. 36Mbe mu basatu abo okuchwa ota? ayaliga ali wezabo omuntu kikwatw’ abasuma n’oha? 37Wenene nagira ati: Ayamugirire ekisa. Yezu namugambira ati: Roko, n’ewe wena ogire otyo#10, 37 Omunasamariya ogwo nicho kilenganisyo kizima ch’obwendani, kai niwe akususanisya koto Yezu wenene ayasasire abantu bona abahutazibwe sitani. Akeza hal’itwe natutahya mw’Eklezia katolika, ahiche kukiza obuhuta bwetu..
38Mbe ka bagenzire, wenene naza mu lusozi lumo, niwe n’omukazi omo, izina lye Marta, namwanankura mu nzu ye. 39Wenene yaliga ali na muhara wabo, izina lye Maria, ayaliga aikere hehi mu maguru g’Omukama nahuliriz’ekigambo che; 40Marta nazongoka n’emilimo mingi z’iteka. Naimerera nagira ati: Mukama wange, tokubihirirwa obwo muhara wetu yansindikir’emilimo nenka? Mbe nomugambire ampwere. 41Omukama nasubamo namugambira ati: Marta, Marta, okuzongoka nohahibwa bingi. 42Nawe ekisasire ni kimo. Maria yasoraho omugabo ogusingire, ogwo batalimwihaho#10, 42 N’etwe tugire nka Maria; tuleke kuzongoka n’amagambo go mu nsi gonka, nawe tutayebwa kuhiga ebilyo by’omwoyo, niby’ebigambo bya Mungu..
Aktuálne označené:
Luka 10: KED1946
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
First published in 1946 by the White Fathers. Published online with the permission of the White Fathers.
