Matiyu 8
8
1Im pol sugkū iyi yemyep yemne ra numpūo ōvun numpūn lō sikat dūmūri iyi. 2Im sĭ neteme lepros yivelum potipot memtevita iran memenūwi memokū, Narisah, nagkū kemagkū kĭk faneteme woresendumsi irag. 3Im Iesū yēevan memsugkori iyi memnūwi memokū, Ya umagkū, Eti kĭk setevives; marimago yetepū sentevives marugi lepros eni. 4Im Iesū yōmenūwi pugi memokū, Orĭgi; etūtampĭgi pugi sĭ; ko eve mesepen sesi kĭk pugi neteme sakrifis, movugi ĭtemas mori Mōses yepmempasewugi numpūvsok iranda.
5Im pol sugkū Iesū yintorĭmpe ra Kapernaum sĭ sentūrion yivelum pugi memesenĭgi memokū, Narisah, lĭvsaū enyaū umnalē ra nimo ugi neturumurō, ĭm nelĭleki tamas iran. 6Im Iesū yemenūwi pugi memokū, 7Ya ampe menumpi iyi horĭgives. 8Miyi sentūrion yemtamsi memenūwi memokū, Narisah, yaū tawi aremĭ ma kĭk ampelum ūnisog nimo enyaū, kō enūwi sĭ nam ĭm lĭvsaū enyaū anti horĭgives. 9It yaū sugkū, yaū neteme horog, mōvun umpako enyaū, ĭm ya umnempasewugi sĭ memagkū, Eve, miyi umampe; ĭm pugi sĭ, Elum, miyi umampelum; ĭm pugi lĭvsaū enyaū, Umpi imo, miyi umnumpi.
10Im Iesū yemorĭgi memavlugi memenūwi punora mori dūmūri iyi memokū, 11Itnesog, ya umanūwi pugkūm memagkū, sikat wampelum wamne ūnūrū, ĭm neloompeni, montesĭgi dal Ebraham, ĭm Isak, ĭm Yakob, ra lō ūnpokūp; 12kō ōvun netnime ra lō mori wosatevokonda ratilat ra nelebōkevat ĭndōwi, yūi wuntugagerisah ĭm neltirit nugū. 13Im Iesū yemenūwi pugi sentūrion memokū, Eve; koketavnirĭgi meti nĭsekom sugkū; marimago lĭvsaū eni yivĭ horĭgives.
14Im Iesū yive ūnisog nimo eni Piter memokesi dĭneme eni retepon yalē ugi naūwaū. 15Miyi yemelekavi nokoben ĭm naūwaūyevia, miyi yōemtūok memtorugat iranda. 16Im pōarap irora dūmūtori pugi sikat mov naviatĭndi dū-mūve iranda, miyi yemetevelegunora ōvun naviatĭndi ugi sĭ nam memumkororĭgives ōvun namarat omwisū; worampesog nam Isēya profet yepmenūwi memokū, 17Iyi yesepen nevĭ ōvun netūromorō enugkos iran, memuriuki ōvun namarat enugkos.
18Im Iesū yemokesora ōvun numpūn lō sikat dal iyi memenūwi memokū iyi ampe nugkonnūmpe. 19Im sĭ neteme somūl yive pugi memenūwi memokū, Tavsogi, ya onūrok ra nūrū sĭ kū sĭ kemagkū kampewi. 20Im Iesū yemenūwi pugi memokū, Ovun nelni enirora ōvun fokes mōvun sumpelok enirora ōvun menōk ūnēĭ, kō tawi sĭ nūrū eni Netni eni neteme woretipewi numpūn.
21Im sĭ mōmū ra irora iyi yemtavsokonda yemenūwi pugi memokū, Narisah, tenĭmpe yaū mampūm, yo eve ĭm tenemi ĭtemen eyaū. 22Im Iesū yemenūwi pugi memokū, Uri yaū aremĭ ōvun nemás wontenemi ōvun nemás enirora.
23-24Miyi yive ra mumpon bōt, mōvun nūrie eni dūmūri; memetepū sempesempe tamas ran tok sugkū woreselug lō ugi nimpiaū; kō iyi yemalēpo. 25Mōvun uūrie eni dūmūvelum tuūmōiugi, mūmūnūwi mūmōkū, Ah Novsū romon; umkamēōwara; kakelamas. 26Miyi yemenūwi punora memokū, Kūmnemetet irantie? Ah Kĭmi entavniri ūrikis. Miyi yemtūok mevriuri nemetagi, ĭm tok, memetepū nemorinū wokon. 27Mōveteme mori dumugkerĭtwi mūmūnūwi mūmōkū, Sugkū sie iyi mori, ĭt nemetagi ĭm tok umesendiuki nam eni?
28Im pol sugkū iyi yive nugkonnūmpe ra nūrū enirora ōveteme Kerkesa, ōveteme endūrū dūvtĭt iran mov naviatĭndi dūmūve iranda, dūmne ūntenematemas mū mūmlū tamas, tawi sĭ faneteme woravanwi yūi. 29Mirora dūmovrugisah mūmūnūwi mūmōkū, Kemagkū sie iramam? Iesū Netni eni Nōbū: Kokovelum worelaswonekam pol sugkū otū tanepūgon dan kū? 30Im yūi momū isūt, sĭ semsimak ōvun numpekasi dūmtamtak; 31mov navatĭndi dūmosenĭgi mūmōkū, Nagkū kontevelegunekam tenĭmpe kam woreve ūnisog semsimak ōvun numpekasi. 32Miyi yemenūwi punora memokū, Uve. Im pol sugkū irora dūmūve ūnisog ōvun numpekasi; pah, semsimak omwisū dūmalo ĭtnum mūiyep mūmol ūnoris ran tok mūmas ra nū. 33Mōveteme mori dūmavugunora dūmmalō mūmūve ra nimote mūmūtampĭgi sū, niūmūnūwi mūmmōkū ugi mori yemumpi iranda ōveteme mov naviatindi dūmūve iranda. 34Mirorasū ra nimote dūmūvelum ilat worevtĭt iran Iesū, ĭm pol sugkū dūmōkesi dūmūsenĭgi worōwi nūrūsū enirora.
Aktuálne označené:
Matiyu 8: ERGNT79
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
Erromangan New Testament © British and Foreign Bible Society, 1909,1979.