Matiyu 7
7
1Utūtarū sat iranda ōveteme ma irora ūtū ontarū sat irami; wontarū irami sugkū kūmuntarū iranda; 2ĭm wontampenĭgi irami sugkū kūmūtampenĭgi iranda. 3Mirantie kĭk emnelareki navivon nē ūnĭpmi apmisī, metūmagkū ugi nelumpoi nē ūnĭmtum. 4Im nokowo kanūwi pugi apmisī memagkū, Aremī ya osemsi navivon nē marugi nĭmtum, ĭm sĭ nelumpoi nē ra nimtum kĭk. 5Neteme nempiri, mampum masepen nevī nelumpoi nē marugi nĭmtum kĭk, ĭm penūri kōmagesi nelampalam mesemsi navivon nē marugi nĭpmi eni apmisī. 6Utūvunora ōvun kūri sĭ entie sĭ tumpora mūtūtafugi ōvun nempes nilaswi enugkĭmi ūnimĭnda ōvun numpekasi, kū entawi wavan iranda, mō menelagkaū worelentovo kūm.
7Wosenigi mampugkūm; wosorugi ĭm kĭmi kwagesi; ūtetī montĭpelali irami; ĭt iyi sĭ umnesenĭgi ampĭ; 8miyi sĭ umnesorugi memagesi; umentipelah iran iyi sĭ mori umentetĭ. 9Mē sĭ ra kĭmi ōveteme, nagkū netni ĭtnateman eni onesenĭgi yōūp ampugi nevat? 10ĭm nagkū onesenĭgi noroū ampugi neskil? 11Im nagkū kĭmi mori ōvun narekisat kūmagkili mampunora ōvun netnime enugkĭmi entiame aremī, Itemen ekĭmi ūnpokūp ampunora mori umnesenĭgi entiame nevĭeves kū?
12Popōwo imo sugkū, tiamesū kūmnakiugi ōveteme wonumpi nĭsekomi, wumpi sugkū nĭsekonda; ĭt imo ōvun selnivi nam mōvun profet.
13Wintorĭmpe kĭmi ūnisog būkitampet neworekerĭki, ĭt būkitampet ĭm selat mori umeyep ra neswate nūwaveran, ĭm sikat umampe yūi ūnisog. 14Kō sī būkitampet neworekerĭki Im selamgis mori umampe ra nomūrep, mirora mori umagesi tawi sikat.
15Ukilora ōvun profet mempiri mori umampelum pugkūm ūmnevarugi noveliran pugipugi kō ūnōwanda umnelatop sugkū ōvun wulf. 16Kĭmi kwagkilora ugi ōvun novūan enirora. Oveteme umnesevi weve ra nē nemlowongo kū? 17Kū taū ra topavū sat kū? Nē sū aremĭ umampūo ugi novūan aremĭ; ĭm nē sū ūr imampūo ugi novūan ūr. 18Sĭ nē aremĭ otū ampūo ugi novūan ūr; ĭm sĭ nēūr otū ampūo ugi novūan aremĭ. 19Nē sū mori ūtūmampuo ugi novūan aremĭ wontantevi mūmuntafungi ra nom. 20Kĭmi kwagkilora ugi novūan enirora.
21Tawi omwisū mori ūmanūwi magkū, Novsūromon, Novsūromon wonintorĭmpe ra lō ūnpokūp; irora wokon mori um nokompeli nam eni Itemeneyaū ūnpokūp. 22Sikat wa ūwi po yaū ra dan mori magkū, Novsūromon, Ntivsūromon, kam litorenūwisah nam ra nin enugkĭk, kū? ĭm kam litevelugunora ōvun naviatĭndi ra nin enugkĭk kū? ĭm kam lumpi ōvun numpūrah sikat ĭm horog ra nin enugkĭk kū? 23Im ya anūwi punora magkū, Yaū metūkilokūm, ūve pelah maroko yaū kĭmi ōvun numpindi.
24Miyi sĭ umandĭgi imo nam enyaū menumpi sugkū, ya anūwi magkū iyi sugkū neteme nelekon mori yemetipe nimo eni ra vetūnam; yemebĭp memetepū nōisap; 25ĭm nemetagi yelemsi, mevlugi nimo mori metūtalepasi popōwo yepmatipotni ra vetūnam. 26Miyi sĭ umandĭgi imo nam enyaū motūmnumpi sugkū, ya anūwi magkū iyi sugkū neteme numgĭ mori yemetipe nimo eni ra nareven; yemebĭp memetepū nōisap, 27ĭm nemetagi yelemsi mevlugi nimo mori mumol; talepasi tamas.
28Im pol sugkū Iesū yemenūwi sū imo ōvun numpūn lō dūmavlugi ra nam eni; 29ĭt iyi yemtavsokonda sugkū sĭ mori yemesepen netipe horog eni, ĭm tawi sugkū ōvun somūl.
Aktuálne označené:
Matiyu 7: ERGNT79
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
Erromangan New Testament © British and Foreign Bible Society, 1909,1979.