Matthew 10
10
1La klīlāla ḵīs mālū‐gwa‐gīyū disciples, la zawk kā tloqī masā kūdīsī ḵā yāksāmī baq‐wanāyā, kās lōdā līk, hī mīs kās ēgya‐nāqila masīḵ nāwhā zih‐kūlumā gla wa nāwhā zīzāh‐kūlumā.
2Ga mīs glī‐glakum sa mālū‐gwa‐gīyū apostles: hī mīs gālī, Simon, yiḵā glīkula sawās Peter, glū Andrew zāyēs; James yiḵ ḵwanūq‐as Zebedee, glū John ḵīs zāya;
3Philip glū Bartholomew; Thomas, glū Matthew ḵā hātlā‐kulilgis; James yiḵ ḵwanūqas Alphæas, glū Lebbæus;
4Simon yiḵā Cananæan glū Judas Iscariot ḵā lāḵod‐otla ḵā āk.
5Ga mīs mālū‐gwa‐gīyū yālākums Jesus, nīk yuk, qālā lā lāḵ uḵ‐āsa sa Gentiles, gla wī da town‐a Samaritans qālā yhī ḵād lakulī‐sāk:
6Hī lā la‐āsī da yhisē lāmādūs guq‐as Israel.
7Lāḵīs lā‐īnāyūs, glīḵsāla, nīkya, gāḵ mī da īkē awīnāqīs īyhātla.
8Ek‐īdā mas lāḵā zih‐kā, qilāh‐īdā mas lāḵā tlilī, ēk‐īdā mas lāḵā lepers, lāwūdā lāḵā demons: wūtl ma ā kūs lō‐kl, zaw‐la wūtl umḵ.
9Qālā la‐ā‐kulāḵ gold, glū lāḵī dāla, glū lāḵī tlinḵē lāḵūs klī‐klābāt ākūs
10Kīyōs ḵād gawulq lāḵīs la‐ās ūs, kīs ḵād mātlīs dādazawā‐qūs, kīyōs ḵād tībāyū, kīyōs ḵād sīkyā‐kānū: kā ī da īāḵulā‐īnūḵ wāḵs hītlau ī lāḵīs hamā‐yī.
11Yiḵī da gūqilē ūs lānā‐whā‐kl la‐ās‐kl, wudklāla ungwī da hītlau; hī mī sis lī‐ḵs kīs ma īḵ lā.
12Gil mī sis la‐īkl lāḵā gūq, īāḵ‐kyāla lāk.
13Wa gil mī sī da gūq hītlau, gāḵ‐la yhīs kyamākulē ūs naukī lāk: gil mīs kīs hītlau, ītsīs‐tun dā ḵīs kyamākulē ūs naukā‐ya.
14Wa yiḵī da nāwhā kla kīs ēk‐ākyim dādā‐lūtl kīs ḵād hūklīla ḵīs wātldum ūs gil mī sis lā‐wils lāḵā gūq glū bō sa town kyitlū dā ḵīs dīdik‐sīzā yūs.
15Aula tin nīk‐yūtl, kīḵs ēkya‐kāwāyī kla kā Sodom glū Gomorrha lāḵā dādalī‐ta unḵ klā, kā ī da town.
16Doqātlāla, yālākun klūs hī qīxa lāmādū gīgyil‐kīḵ āklānum: hī mī sis lāgī‐klūs naukād kyas klū‐kl hī qīxā sītlum‐ī, ēk la hī qīx‐ī da hamū
17Yāklaula kā baqānum: kāks zawk dāḵwī klā ūs lāḵā dī‐dādalītā‐īnūḵ, lāk dāḵw klī whisā klū‐kl lāḵīs kī‐kāpīka‐wāzī;
18Lāk dāḵw‐kl ḵa ās lā‐yū‐kl lāḵā hī‐hānāgāzī gla wa gī‐gakumā‐yī kā un, kās kālā gītlī klūs as gla wa Gentiles.
19Gil um‐kl wī sis zawē nā‐whā‐kl lāk, qālā awīlil‐kulā ḵīs yākundās kla ūs gla wīs wātldum kla ūs: kā īḵs zawē mī kla lūtl lāḵīk kās wātldum klūs.
20Kāḵs kīsā‐ī sū dī da yākuntālē, hē‐ā sī da Spirit‐ā sīs Umpa‐ūs ḵwā yēkun‐takayā kūtl.
21Lātā klī da numwiyūt zaw‐kla sīs numwiyūt kā tlilēs, glū klī da ūmpa sīs ḵwanūq: la klī gin‐ginānum kla klīsā‐kl ḵīs ūmpī, kās tlilā masī kluk.
22Lā tā klis klīzitl kla sa nāwhā kā un glīkum‐ī: wa yiḵī da lābund klā, kīs yāh‐īdi‐kl, hī mīs qāqila‐āq klī.
23Gil um‐kl wī sis yāksum sū‐kl lāḵā num town‐a, hītl‐tsaula lāḵā ogwila town‐a: kāḵ gin aulīk nīk yūtl‐klāḵs, kīs mī klā kūs wīlḵ tūd kluḵ tī‐town as Israel, ko gāḵ klī da ḵwanūqa sa baqānum.
24Kīsa ī da disciple awīlā kāwī sa kākōklā masāk, kīs um ḵa ā wīsī da īāḵulilgis‐ā sīs gīkumā‐yī.
25Hītl‐ā um lāḵ kā ī da disciple kō hīlāḵ qīx lāḵīs kākōklā mas, gla wī da īāḵulilgis hī qīx īs gīkumā‐yī: gilk dāḵw mī lāḵī glīḵ‐īda ḵā gīkumā‐yā sa gūq Beelzebub, wīzau klī wāḵāko klī da numā‐ītl watās?
26Wa qālā kitlilas: kā īḵs kīyosa ī nō‐qā, kā kīs kla īs nītl‐īdā matsū‐kl; glū qalā‐kluq, ḵā kīs kla īs kauglitl‐kl.
27Yiḵun wātldum ūtl lāḵā padikilā, nīk lats lāḵā nāqila: gla wīs wudglitl‐ūs lāḵīs puspayūs, yākun‐tālā lats lāḵ īogwēsa sa gūq.
28Qālā kitlilā sa tlilā masā ḵā oqīnā‐yī, kīyōsa ā glas qīh‐īda āts tlilā mas ḵā baq‐wanāyi: hīglas kyilum lāḵ‐īda yākyā masā ḵā oqīnā‐yī gla wa baq‐wanā‐yī lāḵ hell.
29Kīsa‐ī lāḵū‐yūwī da mātl zisqāna kā ī da num skum bit? kīyos‐a ī num‐kl tīkāḵā‐kl yiḵ kīs kla kauglitl‐kl sīs Umpa ūs.
30Lā tūḵ da sayēḵ sūs yhumsā kūs hūzūqmā.
31Wa qāh dāḵw la kitlilūtl, awīlā kāwīk dāḵwa ā kūs as kīnum‐ī zisqānā.
32Yiḵī da nītlā klā un lāḵ baqānum, hī mī sin lā‐kl nīlum‐kl ogwākā‐kl kun Umpa yiḵā hē lī da īkē awī‐nāqīs.
33Wa yiḵī da hāyāmā klā un lāḵ baqānum, hī mī sin hāyā‐mūlum‐kl ogwākā‐kl lāḵun Umpa yiḵā hē lī da īkē awī‐nāqīs.
34Qālā nīnkī‐kulin gāḵs kyamā‐kulā lāḵwā awī‐nāqīsīḵ: kīsin gāḵs kyamā‐kulā, hī dī da qīḵā‐yū.
35Kāḵ gin gāḵīk kun wāksī‐stin dā masī ḵā baqānum gla wīs ūmp, gla wī da ḵwanūq kīs lā tlāwhila nūq sīs abump, hī mī sī da ḵwangwāwī kīs lā tlāwhila nūq sīs ābāza‐wī.
36La klī da baqānum hī um klīklisā pūd klī da gāyūtl lāḵīs gūq.
37Yiḵī da tlāwhilā nūqā kāwī nūq klā sīs ūmp gla wīs abump gāḵun kīs hītlū kā un: gla wī da tlāwhila nūqā kāwī nūqa sīs ḵwanūq gāḵun kīs hītlū kā un.
38Hī mī sī da kīsa dāgūstūd ḵīs kayūyaula, kās lāskamā‐yī gāḵun, kīs hītlū kā un.
39Yiḵī da khā klā ḵīs baqānum gītl yhisā mas klīk: wa yiḵī da yhisā mas kla ḵīs baqānum gītl kā un khā klīk.
40Yiḵī da dādālā‐kla ūtl dādālā‐kl gāḵun, wa yiḵī da dādālā kla gāḵun dādālā‐kl ḵī da yālākum nūqā un.
41Yiḵī da dādālā klā ḵī da prophet kā īs prophet īnāyī la klī hatlākā sū klis hatlākum‐ā ḵā prophet; gla wī da dādālā kla ḵā ēk baqānum kā īs ek‐īnāyī baqānum la klī hatlākā sū klis hatlākum‐ā ḵā ēk baqānum.
42Hī mī sī da wāk um kla au‐um‐kl nākā mas‐ts num mīḵ kla qāstā wāpā lāḵ numūqī lāḵun gin‐ginānum kā īs disciple īnāyī, lin aul nīk yūtl, kīsā lasa ā yhisā mas ḵā hatlākum klāk.
Aktuálne označené:
Matthew 10: Kwak
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
Historical texts first published by the British and Foreign Bible Society 1882-1897. These texts were digitised for the Canadian Bible Society.
