John 14
14
NAKATA 14
Apkutauyuk Angutiptingnun
1Jesus ukaktuk, “Ihumaluktailuhi umatipfingni. Ukpekpagluhi Godmun, uvamnullu. 2Angutima igluani igluhagiektuk amigaitunik. Igluhagiegngitpan ukautiniagipfi innikhagliugiaktugniagama pivluhi? 3Innikhagliuktiniagupfi aullakaalunga kaitkigniaktunga aitkuvluhi uvamnun naiyuktamniitkuvluhitauk. 4Aullavikhama apkutaa ilihimayakhi.” 5Thomas ukallaktuk, “Atanek, aivikhangnik ilihimangnginapta kanuk apkut ilihimangniakkitugu?” 6Jesusim ukallautiyaa, “Ilaa uvanga apkutauyunga, ilumugniuyungalu, inugutauyungalu. Inuk Angutimnun tikilimaitpiaktuk, uvapkunli kihipkun. 7Ilihimavagupfinga Angutigalu ilihimangniaktakhi. Talvangaanin tamna ilihimayagaluakhi tautukhugu.” 8Philipim ukallautiyaa, “Takupkaktiguptigut Angutingnik naamakhunguyugut.” 9Jesusim ukallautiyaa, “Ilipfingniikaakpaktungali ilitagingitagaluangma, Philip? Inum tautuguminga tautuktaalu Angutiga. Kanuk ukakkin, 'Angutin takupkaguk'? 10Uvanga Angutimniinama, Angutigalu uvamniiman ukpegngitpin? Hapkua ukaktatka ilipfingnun ukangngitatka uvapkun. Angutiga kihimi uvamniituk havakhuni ihumaminik. 11Uvanga Angutimniinama, Angutigalu uvamniiman ukpekpagluhi, ukpegittilunin havaangit pivlugit. 12Ilumuktumik ukautigipfi, inum ukpegiguminga havaanma ayyikutaanik piniaktuk, hapkunangalu angikiyanik havangniaktuk Angutimnun ainialegama. 13Humillikalu tukhiagupfi atipkun piniaktunga Angutiga nagugiyaukuvlugu engnimini. 14Humillikalunin tukhiagupfi atipkun piniaktunga.
Ukagiaktuk Anengnimik
15“Ilipfi nagugigupfinga pitkuyatka malikniaktahi. 16Uvangalu Angutiga tukhiagviginiagiga tunikuvluhi ikayuktikhamik allamik ilagikuvluhi talvangaanin nungulaitumun. 17Ilumugnium Anengniga tamna, nunaum inungita pilimaitagaluangat takuyuinamitku ilitagingitkivlugulu. Ilipfili ilihimayagaluakhi tapfuma naiyuglegmahi ilipfingniilekhunilu. 18Anuakhukhimaitumik kimagunaitapfi. Ilaa ilipfingnun kaitfaaniamiyunga. 19Kakugunuangukan nunamun inungita takuyunaektangma, ilipfili takuniaktagaluapfinga. Uvanga inugama ilipfitauk inuniaktuhi. 20Talvani ilihimangniaktuhi Angutimniinama, ilipfi uvamniinapfilu, uvangalu ilipfingniinama.
21“Inum pitkuyatka ilihimagumigit maliglugit, tamnauyum nagugiyanga. Inumlu nagugiguminga tamna nagugiyauhunguyuk Angutimnin. Aahin tamna naguginiagiga takupkailunga uvamnik tapfumunga.” 22Judasim (Iscariongitum) Jesus ukallautiyaa, “Atanek, hug takupkainiakkin ilingnik uvaptingnun taimaliukhimaitumik nunaum inungingnun?” 23Jesusim kiuyaa, “Inum nagugiguminga ukauhitka tuhaaniaktain, Angutimalu naguginiaktaa tikiniaktakkullu iglugikuvlugulu tamna. 24Inumli nagugingitkuminga ukauhitka tuhaayunaitain. Ukauhillu tuhaayahi kaitaungitugaluit uvamnin, Angutimninli tiliyimnin. 25Hapkuningalu ukautigipfi ilipfingniitgaluaktillunga, 26Ikayuktili, Anengniuyuk Naguyuk tamna, Angutima tiliniaktaa atipkun. Tapfuma ilihautiniaktaahi tamainik itkaumaktihimaluhi ukakpaktamnik ilipfingnun.
27“Naamagniga aitutigiyaga ilipfingnun tunihimaitumik nunaum inungititun. Umatipfingni ihumaluktailuhi ekhitailuhilu. 28Ukautivagapfi, 'Aullakaalunga kaiyyutiginiamigipfi' tuhaavaktuhi. Nagugigupfinga kuviahungniaktuhi Angutimnun aullalegama, Angutiga uvamnin ataniukiyauman. 29Hivuani uminga ukautigipfi aullaguma ukpekuvluhi. 30Allanik ukakpallaagunaektunga ilipfingnun, nunaum inungita ataningat kailengman. Uvangali atanegingitagaluaga tamna. 31Hapkua tamaita piyauniaktun nunaum inungit ilihimakuvlugit uvapkun Angutiga nagugigapku tuhaalegamalu Angutima pitkuyainik. Takki makittitti taavungauta.
Aktuálne označené:
John 14: Sperry
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
©1972 Canadian Bible Society
