SAHRUOTHUNA BIEHMAASA
BIEHMAASA
Sahruothuna caa-uv hingta Khazing ta alyi hne avuo a sanapa kaw, cawsaa thukinapa, chuelyi lie suena hne te-angna hruo a pathunapa kaw hne Khazing ta cawsaa cunglie tuokhaatama re a hrie tanapa kaw kha a ri. Sahruothuna hing che hning ta che khu pata a cuo.
1. Chue 1 taata 11 te chunglie hing chuelyi sana kaw hne cawsaa sana kaw a ri. Adam hne Evi kaw, Kain hne Abel kaw, Noah hne tiypa-aa kaw hne Babel (Babilon) Ingsuo kaw zaw kha a aw.
2. Chue 12 taata 50 te chunglie hing Israel mingphang za thukinapa kaw a ri. A suokhanapa ca a zangna hne Khazing ri aa ngiena kawlieta a ming pathuopa Abraham kaw ta a cuo. Cakhutaata a sacapaa Isak kaw, a samingta Jakob (Israel zaw ama tapuopa) kaw hne Israel mingphang phang hraa hlyihning a padaatuv Jakob sacapaa pahraa hlyihning kaw ta a kya paziy. Jakob sacapaa zaw chungtaata Josef kaw kha a hlyi vie ta a ri. A paa Jakob, a sacapaa hrangpa zaw bangkhuo hne ama ingchungkhue zaw Izipt ruo luo amaa penapa kaw kha aa pazue pata a ri.
Hingpa caa-uv hingta cawsaa kaw kha a ri raalaa pata, a ri khing cepa ca Khazing rehrienapa kaw ta a cuo. Khazing ta hmangting bangkhuo hing a sa ta pata pathu te Khazing ta a cawsaa zaw cunglie kawpacuona a hnyi pari aa tapa biekuona ta a pachuo sa. Hingpa caa-uv lie a hruothu taata a chuona te lie a biepuv cepa ca aa hmuo lipa a tuetuv zaw duo a tetuv, a cawsaa zaw luochiy yi te a byatuv hne ama chuobie a patung a paphyiletuv a cuopa Khazing ta a cuo. Hingpa hluoning caa-uv hing mingphang phang kha ama zangnapa hne capa ama zangnapa a hring pari khu riypa byatuv cuo riypata ama capepa tana a cuo.
Bietluopuv
Alyi hne avuo hne cawsaa sana 1.1—2.25
Suena hne te-angna hruothuna 3.1-24
Adam taata Noah te 4.1—5.32
Noah hne tiypa-aa 6.1—10.32
Babel Ingsuo 11.1-9
Shem taata Abram te 11.10-32
Mingpa tie: Abraham, Isak, Jakob 12.1—35.29
Esau ciypathla tie 36.1-43
Josef hne a uvnu zaw 37.1—45.28
Israel ming Izipt ruo chunglie 46.1—50.26
දැනට තෝරාගෙන ඇත:
SAHRUOTHUNA BIEHMAASA: LNT
සළකුණු කරන්න
බෙදාගන්න
පිටපත් කරන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
Lutuv Holy Bible © Bible Society of Myanmar, 2023.