Евангелле паводле Лукі Раздзел 11
Раздзел 11
1 #
Мц. 6:5
І сталася, калі быў Ён у нейкім месцы, молячыся, як скончыў, сказаў Яму адзін з вучняў Яго: «Госпадзе, навучы нас маліцца, як і Ян навучыў сваіх вучняў».
2 #
Мц. 6:9
А Ён гаворыць ім: «Калі моліцеся, кажыце: “Ойча наш, Які ў нябёсах, свяціся імя Тваё, прыйдзі Валадарства Тваё. Станься воля Твая як у нябесах, так і на зямлі!
3Хлеба нашага штодзённага дай нам сёння.
4 #
1Пёт. 5:8; 2Пёт. 2:9; 1Кар. 10:13; Эф. 4:32 І даруй нам грахі нашы, як і мы даруем кожнаму нам вінаватаму, і не ўводзь нас у спакусу, але збаў нас ад злога”».
5Затым гаворыць ім: «Хто з вас будзе мець прыяцеля, і пойдзе да яго апоўначы, і скажа яму: “Прыяцелю, пазыч мне тры хлябы,
6бо прыбыў да мяне мой прыяцель з дарогі і не маю чым яго прыняць”;
7а той знутры адкажа, кажучы: “Не дакучай мне; дзверы ўжо замкнёны, і дзеці мае са мной у ложку, не магу ўстаць і даць табе”.
8Кажу вам: нават калі не падымецца і не дасць яму дзеля таго, што з’яўляецца яго прыяцелем, дык дзеля яго дакучлівасці ўстане і дасць, колькі яму трэба.
9 #
Мц. 7:7; Мк. 11:24; Ян. 14:13; Як. 1:5; 1Ян. 3:22 Дык і Я вам кажу: прасіце – і будзе вам дадзена; шукайце – і знойдзеце; стукайце – і будзе вам адчынена.
10Бо кожны, хто просіць, атрымлівае; і хто шукае, знаходзіць; і таму, хто стукае, будзе адчынена.
11 #
Мц. 7:9
І калі ў кагосьці з вас, як у бацькі, сын папросіць хлеба, ці падасць яму камень, калі папросіць рыбу, ці ж замест рыбы дасць яму змяю?
12Або калі папросіць яйка, ці ж дасць яму скарпіёна?
13 #
Дзеі 2:4; Як. 1:17; Геб. 12:9 Таму, калі вы, хоць і благія, умееце даваць дзецям вашым добрыя дары, дык наколькі ж больш Айцец з неба дасць Духа Святога тым, хто просіць Яго».
14 #
Мц. 9:32
І раз выгнаў Ён дэмана, і быў ён нямы; і сталася, калі дэман выйшаў, нямы пачаў гаварыць. І дзівіліся людзі.
15 #
Мц. 9:34; Мк. 3:22 А некаторыя з іх казалі: «Моцаю Бэльзебула, князя дэманаў, Ён выганяе дэманаў».
16 #
Мц. 12:38; Мк. 8:11; Як. 1:14; 1Кар. 1:22 А іншыя, выпрабоўваючы Яго, патрабавалі ад Яго знака з неба.
17 #
Мц. 9:4; Мк. 3:23; Ян. 2:25 Але Ён, ведаючы іх думкі, сказаў ім: «Кожнае царства, падзеленае ў самім сабе, не выстаіць, і дом на дом упадзе.
18А калі і шатан падзелены ў самім сабе, дык як утрымаецца царства яго? Бо вы кажаце, што Я праз Бэльзебула выганяю дэманаў.
19А калі Я праз Бэльзебула выганяю дэманаў, дык сыны вашы праз каго выганяюць? Таму яны будуць суддзямі вашымі.
20 #
Мц. 3:2
Але калі Я пальцам Божым выганяю дэманаў, значыць прыйшло да вас Валадарства Божае.
21 #
Мц. 12:29; Мк. 3:27 Калі ўзброены асілак ахоўвае дом свой, дык у бяспецы тое, што ён мае.
22 #
Клс. 2:15; Геб. 2:14 А калі дужэйшы ад яго прыйдзе і пераможа яго, дык забярэ ўсю яго зброю, на якую спадзяваўся, і здабычу яго падзеліць.
23 #
Мц. 6:24; Мк. 9:40; Лк. 9:50 Хто не са Мною, той супраць Мяне, і хто не збірае са Мною, той раскідае.
24 #
Мц. 12:43; Дзеі 5:16 Калі нячысты дух выйдзе з чалавека, бадзяецца па бязводных мясцінах, шукаючы спачынку, і, не знаходзячы яго, кажа: “Вярнуся ў дом свой, адкуль выйшаў”.
25 #
1Кар. 3:16
І, калі прыходзіць, знаходзіць яго вымеценым і прыбраным.
26 #
Ян. 5:14; 2Пёт. 2:20; Геб. 6:4 Тады ідзе і бярэ з сабой сем іншых духаў, горшых за сябе, ды, увайшоўшы, яны пасяляюцца там, і апошнее робіцца таму чалавеку горшае за першае».
27І сталася, калі Ён гэтак навучаў, адна жанчына з натоўпу, узвысіўшы голас, сказала Яму: «Шчаснае ўлонне, якое вынасіла Цябе, ды грудзі, якія выкармілі Цябе».
28 #
Мц. 7:21; Як. 1:25 А Ён сказаў: «Тым болей шчасныя тыя, што слухаюць слова Божае ды захоўваюць яго».
29 #
Мц. 12:38; Мк. 8:11 А калі сабраліся людзі, пачаў казаць: «Род гэты ёсць род нягодны; шукае знака, і знак не будзе дадзены яму, толькі знак Ёны прарока.
30 #
Ёна 3:4
Бо як Ёна быў знакам для нініўцаў, так Сын Чалавечы будзе знакам для роду гэтага.
31 #
1Цар. 10:1-10; 2Пар. 9:1-12; Мц. 12:42; Рым. 9:5 Царыца з поўдня падчас суда паўстане разам з людзьмі гэтага пакалення ды асудзіць іх, бо яна прыбыла з канца зямлі паслухаць мудрасці Саламона, а вось, тут большы за Саламона.
32 #
Ёна 3:5; Мц. 12:41; Ян. 5:22; Дзеі 17:30; Адкр. 20:11 Мужы з Нінівы стануць на судзе з гэтым пакаленнем і асудзяць яго, бо яны на заклік Ёны навярнуліся, а вось, тут большы за Ёну.
33 #
Мц. 5:15; Мк. 4:21 І ніхто, запаліўшы свечкі, не ставіць у сховішча або пад пасудзіну, але на падсвечніку, каб бачылі святло яе ўсе тыя, што ўваходзяць.
34 #
Мц. 6:22
Светач цела – вока. Дык калі вока тваё будзе чыстае, дык і ўсё цела тваё будзе светлае; а калі вока тваё будзе нягодным, дык і ўсё цела тваё цёмным будзе.
35Дык глядзі, каб святло, якое ў табе, не сталася цемрай.
36Калі ж усё цела тваё светлым будзе, не маючы ані часткі зацемненай, дык усё будзе светлым, быццам свяцільнік у ззянні сваім асвятляе цябе».
37І, калі Ён гаварыў, адзін фарысей запрасіў, каб Ён паабедаў у яго; і, увайшоўшы, Ён узлёг.
38 #
Мц. 15:2; Мк. 7:2 Але фарысей здзівіўся, бачачы, што Ісус не памыў рукі перад абедам.
39 #
Мц. 23:25; Ціт. 1:15 І гаворыць Госпад яму: «Цяпер вы, фарысеі, абмываеце тое, што звонку чары і місы, але тое, што ўнутры вас, – поўнае сквапнасці і беззаконня.
40Неразумныя! Ці ж Той, Хто стварыў знешняе, не стварыў таксама нутра?
41Лепш давайце людзям міласціну з таго, што ўнутры, і вось, усё будзе вам чыстым.
42 #
Святар. 27:30; Мц. 23:23; Ян. 5:42 Але гора вам, фарысеі, што даяце дзесяціну з мяты, і руты, і з усякай гародніны, а не звяртаеце ўвагі на справядлівасць і любоў Бога. Трэба і гэта выканаць, і таго не забываць.
43 #
Мц. 23:6; Мк. 12:38 Гора вам, фарысеі, што любіце першыя лаўкі ў сінагозе і прывітанні на рынку.
44 #
Мц. 23:27
Гора вам, кніжнікі і фарысеі, крывадушнікі, бо вы, як магілы, якіх не відаць, і людзі, ходзячы па іх, не ведаюць».
45Адзін з заканазнаўцаў, адказваючы, гаворыць Яму: «Настаўнік, так гаворачы, Ты нас зневажаеш».
46 #
Мц. 23:4; Мк. 7:7 А Ён гаворыць: «І вам, заканазнаўцы, гора, бо вы накладаеце на людзей цяжары невыносныя, а самі нават пальцам вашым не кранаеце грузу.
47 #
Мц. 23:29; Дзеі 7:52 Гора вам, што будуеце магілы прарокам, а вашы бацькі пазабівалі іх.
48Сапраўды, вы сведчыце і згаджаецеся з учынкамі бацькоў вашых, бо яны іх пазабівалі, а вы [ім магілы] будуеце.
49 #
Мц. 23:34
Дзеля таго і мудрасць Божая сказала: “Пашлю да іх прарокаў і Апосталаў, і з іх адных пазабіваюць, а другіх пераследаваць будуць,
50 #
Мц. 25:41
каб спагнана была кроў усіх прарокаў, пралітая ад стварэння свету, з роду гэтага,
51 #
Род. 4:8; 2Пар. 24:20, 21; Мц. 23:35 пачынаючы ад крыві Абэля аж да крыві Захарыі, які загінуў між ахвярнікам і святыняй”. Канешне скажу вам: будзе спагнана з роду гэтага.
52 #
Мц. 23:13; Мк. 7:13 Гора вам, заканазнаўцы, што вы ўзялі ключ разумення! І самі не ўвайшлі, і тым, што ўваходзілі, перашкодзілі».
53І, калі Ён казаў ім гэта, фарысеі і кніжнікі пачалі гвалтоўна наступаць на Яго і закідваць пытаннямі пра многае,
54 #
Мк. 12:13
падпільноўваючы Яго і шукаючы, каб падлавіць у чым-небудзь з Яго вуснаў, каб абвінаваціць Яго.
දැනට තෝරාගෙන ඇත:
Евангелле паводле Лукі Раздзел 11: ББЧ
සළකුණු කරන්න
බෙදාගන්න
පිටපත් කරන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
© МХРБ «Біблейскае таварыства ў Рэспубліцы Беларусь», 2017