Евангелле паводле Лукі Раздзел 12
Раздзел 12
1 #
Мц. 16:6; Мк. 8:15 Калі сабраўся велізарны натоўп кругом Яго, так што адны на адных націскалі, пачаў спярша Ён гаварыць да вучняў Сваіх: «Сцеражыцеся кіслі фарысейскай, якая ёсць крывадушнасць.
2 #
Мц. 10:26; Мк. 4:22; Рым. 2:16; 1Кар. 4:5 Бо няма анічога скрытага, што не было б выяўлена, ані таксама тайнага, чаго б не ўведалі.
3Бо што вы гаварылі ў цемры, пачуецца ў святле, ды што ў вуха гаварылі ў пакоях, будзе абвешчана на дахах.
4 #
Мц. 10:28; Геб. 13:6 Кажу ж вам, сябрам Маім: не бойцеся тых, што забіваюць цела і пасля гэтага нічога болей не могуць зрабіць.
5А Я перасцерагаю вас, Каго баяцца: бойцеся Таго, Хто па забіцці мае ўладу ўкінуць у пекла. Так, кажу вам: Яго бойцеся.
6Ці ж не прадаюць пяць вераб’ёў за два асарыі? Але ні адзін з іх не забыты перад Богам.
7 #
1Ян. 2:23; Рым. 10:9 Але і валасы на галаве вашай усе палічаны. Таму не бойцеся: вы ж важнейшыя за мноства вераб’ёў.
8 #
Мц. 10:32; Мк. 8:38 Кажу ж вам: кожны, хто прызнае Мяне перад людзьмі, таго і Сын Чалавечы прызнае перад анёламі Божымі;
9 #
Мц. 10:33; 2Цім. 2:12 а хто зрачэцца Мяне перад людзьмі, таго і Ён адкіне перад анёламі Божымі.
10 #
Мц. 12:31; Мк. 3:28; 1Ян. 5:16 І кожнаму, хто скажа слова на Сына Чалавечага, будзе даравана; але хто б блюзніў на Духа Святога, не будзе таму даравана.
11А калі вас павядуць у сінагогі, і да начальства, і да ўладаў, не турбуйцеся, як і што маеце адказаць ці што гаварыць,
12 #
Ян. 14:26
бо Дух Святы навучыць вас у тую гадзіну, што вам трэба казаць».
13Нехта з натоўпу гаворыць Яму: «Настаўнік, скажы брату майму, каб ён падзяліўся са мною спадчынай».
14 #
Ян. 18:36
Але Ён сказаў яму: «Чалавеча, хто ж паставіў Мяне суддзёй і размеркавальнікам над вамі?»
15 #
Мц. 7:14; Мк. 4:19; 1Цім. 6:6 Ды сказаў ім: «Зважайце і высцерагайцеся ўсякай хцівасці, бо, калі хто і мае дастатак, яго жыццё не ў тым, што мае».
16І сказаў ім прыпавесць, кажучы: «Поле аднаго багацея дало шчодры ўраджай.
17Дык ён разважаў у сваёй душы, кажучы: “Што мне зрабіць, бо не маю дзе падзець свайго ўраджаю?”
18Ды сказаў: “Вось што зраблю: развалю свае свірны, і пабудую большыя, і туды збяру ўсе плады мае і даброцце маё,
19 #
Як. 5:5; 1Кар. 15:32 і скажу душы маёй: “Душа, маеш многа даброццяў, назапашаных на шмат гадоў; адпачывай, еш, пі, весяліся”.
20Але Бог сказаў яму: “Бязглузды! У гэтую ноч запатрабуюць душу тваю ад цябе, а тое, што прыгатаваў, чыё будзе?”
21 #
Мц. 6:20; Як. 2:2-5; 1Цім. 6:17 Так бывае з тым, хто для сябе збірае скарбы, а перад Богам не багаты».
22 #
Мц. 6:25; 1Пёт. 5:7 І сказаў вучням Сваім: «Дзеля таго кажу вам: не турбуйцеся дзеля душы вашай, што будзеце есці, ані дзеля цела, што на яго ўздзенеце.
23Бо душа важнейшая за ежу, і цела – за адзенне.
24 #
Мц. 6:34
Паглядзіце на груганоў, якія ані сеюць, ані жнуць, і няма ў іх ані камор, ані свірнаў, і Бог іх корміць; наколькі ж вы больш вартыя за птушак.
25Ды хто з вас сваім клопатам можа дадаць хоць адзін локаць да свайго росту?
26Калі вы нават і найменшай рэчы не можаце, дык чаму пра іншыя турбуецеся?
27 #
1Цар. 10:4-7; 2Пар. 9:3-6 Прыгледзьцеся да лілей, як яны растуць: ані працуюць, ані прадуць; але кажу Я вам: нават Саламон ва ўсёй сваёй славе не быў так апрануты, як адна з іх.
28Дык калі траву, што сёння на полі, а заўтра ў печ кінута, Бог так апранае, дык куды больш вас, малаверы.
29Таму вы не шукайце, што будзеце есці або што будзеце піць, і не турбуйцеся.
30 #
Мц. 6:31
Бо гэтага ўсяго народы свету шукаюць; ваш жа Айцец ведае, што гэта патрэбна вам.
31 #
Мц. 6:33; Мк. 10:30 Дык перш шукайце Валадарства Божага, і гэта ўсё вам прыкладзецца.
32Не бойся, малы статак, бо даспадобы было Айцу вашаму даць вам Валадарства.
33 #
Мц. 6:19
Прадайце, што маеце, і дайце міласціну. Спраўце сабе капшукі, што не нішчэюць, скарб бязмежны ў нябёсах, куды злодзей не набліжаецца і дзе моль не з’ядае;
34бо дзе скарб ваш, там будзе і сэрца ваша.
35 #
Мц. 25:1; 1Пёт. 1:13; Эф. 6:14 Хай паясніцы вашы будуць падперазаныя і светачы запалены ў руках вашых,
36 #
Адкр. 3:20
а вы самі падобны да людзей, што чакаюць гаспадара свайго, калі ён вернецца з вяселля, каб, калі надыдзе і пастукае, адразу адчыніць яму.
37 #
Мц. 24:46; Ян. 13:4 Шчасныя тыя слугі, якіх гаспадар прыйдзе і знойдзе, што яны не спяць. Сапраўды кажу вам: ён падпярэжацца, і скажа ім узлегчы за сталом, ды, абыходзячы, будзе паслугаваць ім.
38 #
Мк. 13:35
І, ці ён прыйдзе ў другую варту, ці ў трэцюю варту прыйдзе і такімі іх знойдзе, шчасныя тыя слугі.
39 #
Мц. 24:43; 2Пёт. 3:10; 1Тэс. 5:2; Адкр. 3:3 А гэта ведайце, што, калі б гаспадар дома ведаў, у які час злодзей прыйдзе, чакаў бы яго і не дазволіў бы яму падкапацца ў дом свой.
40 #
Мц. 24:44; Мк. 13:33; 2Пёт. 3:12; 1Тэс. 5:2 Так і вы будзьце гатовы, бо Сын Чалавечы прыйдзе ў гадзіну, у якую вы не спадзеяцеся».
41Затым гаворыць Яму Пётра: «Госпадзе, ці нам гаворыш гэта для параўнання, ці, можа, усім?»
42 #
Мц. 24:45; 1Кар. 4:2 І сказаў Госпад: «Хто, думаеш, ёсць верны і разумны аканом, якога гаспадар паставіў над слугамі сваімі, каб даваў ім у час меру пшаніцы?
43Шчасны той слуга, калі гаспадар прыйдзе і знойдзе, што ён так робіць.
44 #
1Цім. 3:13; Адкр. 3:21 Сапраўды кажу вам: над усім, чым валодае, паставіць ён яго.
45 #
Мц. 24:48; 2Пёт. 3:3 А калі той слуга скажа ў сэрцы сваім: “Гаспадар мой марудзіць з прыходам”, ды пачне біць паслугачоў і паслугачак, есці, піць ды напівацца,
46 #
1Тэс. 5:3
прыйдзе гаспадар паслугача таго ў дзень, у які не спадзяецца, і ў час, якога не ведае, і адлучыць яго, ды прызначыць яго долю разам з нявернымі.
47 #
Ян. 9:41; Дзеі 17:30; Як. 4:17 Той жа паслугач, які ведаў волю гаспадара свайго, але не прыгатаваўся і не рабіў паводле волі яго, будзе строга пакараны.
48 #
1Цім. 1:13
А той, які не ведаў і рабіў вартае кары, будзе пакараны меней. Ад кожнага, каму болей дадзена, болей спытаюць, і ад таго, каму многа даручана, болей патрабаваць будуць.
49Агонь прыйшоў Я кінуць на зямлю і чаго хачу? Каб ён ужо гарэў!
50 #
Мц. 20:18; Мк. 10:38; Ян. 12:27 Я маю быць хростам ахрышчаны, і як жа Я пакутую, пакуль гэта не споўніцца!
51 #
Мц. 10:34; Ян. 7:43; Дзеі 14:4 Ці ж думаеце, што Я прыйшоў супакой прынесці на зямлю? Не, кажу вам, але раздзяленне.
52 #
Мц. 10:35; Мк. 13:12 Адсюль вось будуць пяцёра ў адным доме падзеленыя: трое супраць двух, а двое супраць трох.
53 #
Міх. 7:6; Мц. 10:21 Раздзеляцца бацька з сынам, а сын з бацькам, маці з дачкой, а дачка з маці, свякроў з нявесткай сваёй, а нявестка з свекроўю сваёй».
54Далей прамаўляў і да людзей: «Калі вы бачыце хмару, што падымаецца з захаду, зараз кажаце: “Набліжаецца навальніца”, і так стаецца.
55А калі вецер дзьме з поўдня, кажаце: “Будзе спякота”, і так стаецца.
56Крывадушнікі, аблічча зямлі і неба ўмееце распазнаць, чаму ж гэтага часу не ўмееце распазнаць?
57Дык чаму самі сябе не судзіце па справядлівасці?
58Калі ідзеш з супраціўнікам тваім да начальніка, дык па дарозе старайся вызваліцца ад яго, каб ён не павёў цябе да суддзі, а суддзя не аддаў бы цябе кату, а кат не кінуў бы цябе ў вязніцу.
59Кажу табе, не выйдзеш адтуль, пакуль не разлічышся да апошняга аса».
දැනට තෝරාගෙන ඇත:
Евангелле паводле Лукі Раздзел 12: ББЧ
සළකුණු කරන්න
බෙදාගන්න
පිටපත් කරන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
© МХРБ «Біблейскае таварыства ў Рэспубліцы Беларусь», 2017