Génesis 11
11
Ba'ax úuch yéetel u x witzil najil Babel
1Ti' le kiino'obo' tuláacal yóokolcaabe' cu t'anic ca'ach chéen jun p'éelili' t'aan. 2Le ca j jóoko'ob te j lakin lu'umo', tu nuptáantajo'ob jun p'éel táax cúuchil tu lu'umil Sinar, ti' j p'áato'ob cajtal te'elo' 3Jun p'éel kiine' tu ya'alajo'ob tu baatzilo'ob: Co'ox beetic ladrillo'ob#11.3 Ladrillo, patbil kat, can ti'itz u ca'aj, cu póoca'al ti' chujcab u ti'al dzu'uytal, cu p'áatal bey tuuniche'. c dzu'uyquintico'ob yéetel káak. Bey túuno' meyajnaj ti'ob bey tuunichil le ladrillo'ob, yéetel asfalto#11.3 Asfalto, bey boox luke' sen tatakqui bejela'e' cu meyaj u ti'al u beeta'al sac bejo'ob. bey bokoltbil luuke. 4Cu dzo'ocole' tu ya'alajo'ob: Nadzaba'ex, co'ox beetic jun p'éel noj caaj yéetel jun p'éel x witzil naj, ca kuchuc tac ca'an. Bey túuno' yaan u yantal ba'ax o'olal c ka'ajsa'al, u ti'al xan ma' u yantal ba'ax o'olal ki'itpajal yóok lu'um.
5Ba'ale' Yuumtzile' j éem u yil le noj caaj bey le x witzil naj cu beetico'ob ca'ach le wíinico'obo', 6ca tu tucultaj: Leti'obe' chéen jun p'éelili' caaj, chéen xan jun p'éelili' u t'aano'ob; let o'olal dzo'oc u chunico'ob le meyaja', bejela'a' túune' ti'olal mix ba'al bíin beetic u p'atico'ob. 7Utz yanil wa ca éemeco'on u ti'al ca c xa'akbes u t'aano'ob, u ti'al ma' u na'aticuba'ob.
8Bey túun úuchic u ki'itbesa'alo'ob tu yóokol lu'um tumen Yuumtzil, ca tu p'atajo'ob u beetico'ob le noj caajo'. 9Te j cúuchilo' Yuumtzile' tu xa'akbesaj u t'aano'ob tuláacal u cajnáalilo'ob lu'um, ti' líikbal u ki'itpajlo'ob ti' tuláacal yóokolcaab. Let o'olal tu kaaba'intaj Babel#11.9 Babel, u káat u ya'al xa'akbesaj tumen Kue' tu xa'akbesaj u t'aan le úuchben máaco'ob tu yóoltajo'ob u beeto'ob jun p'éel sen ca'anal naj. le noj caajo'.
U ch'i'ilancab Sem
(1 Cr 1.24-27)
10Lelo'oba' u ch'i'ilancab Sem. Ca'a p'éel ja'ab máanac ti' le búulcabalilo', cien ja'abo'ob yaan ca'ach ti' Sem ca j síij Arfaxad u paal. 11Cu dzo'ocole' Seme' cuxlaj u láak quinientos ja'abo'ob, yanchaj u j xibil paalal bey u x ch'upul paalal.
12Arfaxade' yaan treinta yéetel cinco ja'abo'ob ti' ca j síij Sela u paal. 13Cu dzo'ocole' Arfaxad cuxlaj u láak cuatro cientos tres ja'abo'ob, yanchaj u j xibil paalal bey u x ch'upul paalal.
14Salae' yaan ca'ach treinta ja'abo'ob ti' ca j síij Heber u paal. 15Cu dzo'ocole' Salae' cuxlaj u láak cuatro cientos tres ja'abo'ob, yanchaj u j xibil paalal bey u x ch'upul paalal.
16Hebere' yaan ca'ach treinta yéetel cuatro ja'abo'ob ti' ca j síij Peleg#11.16 Peleg, u kaaba' jun túul u paal Heber u káat u ya'ale' Jatzlantáanbal, tumen ti' le kiino'obo', u cajnáalilo'ob lu'ume' j ki'itpajo'ob. u paal. 17Cu dzo'ocole' Hebere' cuxlaj u láak cuatro cientos ja'abo'ob, yanchaj u j xibil paalal bey u x ch'upul paalal.
18Pelegue' yaan ca'ach treinta u ja'abo'ob ca j síij Reu u paal. 19Cu dzo'ocole' Pelegue' j cuxlaj u láak docientos nueve ja'abo'ob, yanchaj u j xibil paalal bey u x ch'upul paalal.
20Reue' yaan ca'ach treinta yéetel dos ja'abo'ob ti' ca j síij Serug u paal. 21Cu dzo'ocole' Reue' j cuxlaj u láak docientos siete ja'abo'ob, yanchaj u j xibil paalal bey u x ch'upul paalal.
22Serugue' yaan treinta ja'abo'ob ca'ach ti' Ca j síij Nacor u paal. 23Cu dzo'ocole' Serugue' cuxlaj dos cientos ja'abo'ob, yanchaj u j xiibil paalal bey u x ch'upul paalal.
24Nacore' yaan ca'ach veinte yéetel nueve ja'abo'ob ti' ca j síij Taré u paal. 25Cu dzo'ocole' Nacore' cuxlaj u láak ciento nueve ja'abo'ob, yanchaj u j xibil paalal bey u x ch'upul paalal.
26Taré yaan ca'ach setenta ja'abo'ob ti' ca j síijo'ob u paalal: Abram, Nacor yéetel Haran.
U ch'i'ilancab Taré
27Lelo'oba' u ch'i'ilancab Taré, u taataob Abram, Nacor yéetel Harán. Harane' u taata Lot. 28Harane' j quíim tu caajil Ur tu lu'umil Caldea ma'ili' quíimic Taré u taatae'. J quíim te j caaj tu'ux síijo'.
29Abrame' j dzo'oc u beel x yéetel Sarai. Nacore' j dzo'oc u beel x yéetel Milca u x ch'upul paal Haran, u quiic x Isca. 30Sarai ma' tu páajtal ca'ach yantal u paalal tumen x ma' aalantzil ca'achi.
31Taré jóok tu caajil Ur, tu lu'umil j caldeoilo'ob u ti'al u binbal tu lu'umil Canaán, tu bisaj tu paache' Abram u paal, Lot u yáabil x yéetel Sarai u yilib, ba'ale' le ca j kucho'ob tu noj caajil j Harane' j p'áato'ob cajtal te'elo'. 32Taré yaan ca'ach dos cientos cinco ja'abo'ob ti' ca j quíim tu noj caajil Harán.
දැනට තෝරාගෙන ඇත:
Génesis 11: MAYABI
සළකුණු කරන්න
බෙදාගන්න
පිටපත් කරන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
Texto Maya © Sociedades Bíblicas Unidas, 1992