Génesis 10
10
U ch'i'ilancab Noé
(1 Cr 1.5-23)
1Lelo'oba' u ch'i'ibalo'ob u paalal Noé: Sem, Cam yéetel Jafet, le ca j dzo'oc le búulcabalo' yanchaj u paalalo'ob.
2Lelo'oba' u paalal Jafet: Gomer, Magog, Madai, Javán, Tubal, Mesec yéetel Tiras. 3Lelo'oba' u paalal Gomer: Askenaz, Rifat yéetel Togarma. 4U paalal Javane': Elisa, Tarsis, Quitim yéetel Rodanim. 5Lelo'oba' u ch'i'ibalo'ob Jafet máaxo'ob cajlajo'ob tu jáal ka'anab, tu jujun múuch' caajilo'ob bey u yotochnáalo'ob je'el bix u t'aano'obe' bey cajlico'ob tu lu'umo'ob.
6Lelo'oba' u paalal Cam: Cus, Mizraim, Fut yéetel Canaán. 7U Paalal Cuse': Seba, Havila, Sabta, Raama yéetel Sabteca. U paalal Raamae': Seba yéetel Dedán. 8Cuse' u taata Nimrod lela' yáax wíinic yanchaj u páajtalil j lu'um. 9Tumen bey tu yóoltilac Kuo' Nimrode' j kuch u beetcubáa jun túul nojoch aj dzoon. Ti' cu taal le t'aana'. Tumen bey tu yóoltilac Yuumtzilo' tu beetajubáa jun túul nojoch aj dzoon, je'el bix Nimrode'. 10Lelo'oba' u nucuch caajilo'ob u méektáano'ob, Babel, Erec, Acad yéetel Calne, tu lu'umil Sinar. 11Tu lu'umil Sinar jóok Asur u ti'al u líiksic u nucuch caajilo'ob Nínive, Rehobot-ir, Cala 12yéetel u nojoch caajil Resen, le yaan tu táancoch bejil u noj caajil Nínive tac Cala.
13Ti' u ch'i'ibal Mizram j taalo'ob le j ludeob, le j anameob, le j lehabitaob, le j naftuhitaob, 14le j patruseob, le j casluhitaob yéetel le j caftoritaob ti' leti'ob u taal le j filisteob.
15U yáax paal j Canaane' Sidón, cu dzo'ocole' Het. 16Ti' u ch'i'ibal Canaán u taal le jebuseo'ob, le j amorreob, le j gergeseob, 17le j heveob, le j araceob, le j sineob, 18le j aravadeob, le j zemareob yéetel le hamateob. Cu dzo'ocole' láaj ki'itpajo'ob u yotochnáalo'ob le j cananitaob. 19U cúuchil u cajtalo'ob le j cananitaob kuch tac tu lu'umil Gerar, cu chúunul tu nojoch caajil Sidón tac tu caajil Gaza; tu tojil u nucuch caajilo'ob Sodoma, Gomorra, Adma yéetel Zeboim tac tu caajil Lasa. 20Le máaco'oba' ti' u ch'i'ibal Cam u taalo'ob, tu jujun múuch' caajilo'ob bey u yotochnáalo'ob je'el bix u t'aano'obe' bey cajlajico'ob tu lu'umo'ob.
21Sem, u sucu'untzil Jafet, yanchaj xan u paalal. Tuláacal u paalal Heber láaj ti' u ch'i'ibal Sem u taalo'ob. 22Lelo'oba' u paalal Sem: Elam, Asur, Arfaxad, Lud yéetel Aram. 23U paalal Arame' leti'elo'oba': Uz, Hul, Geter yéetel j Mas. 24Arfaxade' u taata Sala, Salae' u taata Heber. 25Cu dzo'ocole' Hebere' yanchaj u láak ca'a túul u paalal; jun túule' tu kaaba'intaj Peleg; ti' le kiino'oba' u cajnáalilo'ob le lu'uma' tu jatzuba'ob; u yíidzin Pelegue' tu kaaba'intaj Joctán. 26Joctane' u taata Almodad, Selef, Hazar-mavet, Jera, 27Adoram, Uzal, Dicla, 28Oval, Abimael, Seba, 29Ofir, Havila yéetel Jobad. Tuláacal lelo'oba' u paalal Joctán. 30Ca j cajlajo'ob te j lu'umo'ob cu jaycuba'ob cu cáajbal tu lu'umil Mesa tac tu lu'umil Sefar, lela' u witzilo'ob j lakin. 31Le máaco'oba' ti' u ch'i'ibal Sem u taalo'ob, tu jujun múuch' caajilo'ob bey u yotochnáalo'ob, je'el bix u t'aano'obe' bey cajlajico'ob tu lu'umo'ob.
32Lelo'oba' u j otochnáalo'ob u paalal Noé, je'el bix u jejeláas ch'i'ibalo'obe' yéetel u lu'umo'ob. Cu dzo'ocol le búulcabale', j ki'itpajo'ob tuláacal tu'uxo'ob ca tu cáajbeso'ob nucuch caajo'ob tuláacal yóokolcaab.
දැනට තෝරාගෙන ඇත:
Génesis 10: MAYABI
සළකුණු කරන්න
බෙදාගන්න
පිටපත් කරන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
Texto Maya © Sociedades Bíblicas Unidas, 1992