Matthew Lefi 18
18
1-6Y pryd hwnw y dysgyblion á ddaethant at Iesu gàn ofyn, Pwy fydd y mwyaf yn Nheyrnasiad y Nefoedd? Iesu á alwodd ato blentyn, ac á’i gosododd ef yn eu canol hwynt, ac á ddywedodd; Yn wir, meddaf i chwi, oddeithr eich cyfnewid, a’ch gwneuthur fel plant, nid ewch chwi byth i fewn i deyrnas y nefoedd. Pwybynag, gàn hyny, á ddelo yn ostyngedig fel y plentyn hwn, á fydd fwyaf yn Ngheyrnasiad y Nefoedd. Na, pwybynag á dderbynio un cyfryw blentyn, yn fy enw i, á’m derbyn i: ond pwybynag á faglo un o’r rhai bychain hyn, á gredant ynof fi, gwell fyddai iddo pe crogid maen uchaf melin o gylch ei wddf, a’i suddo yn yr eigion.
7-14Gwae y byd oblegid maglau! Maglau yn wir raid fod; èr hyny, gwae y maglwr! Am hyny, os dy law neu dy droed á’th fagla, tòr o ymaith, a thafl oddwrthyt: gwell i ti fyned i fewn i’r bywyd yn gloff neu yn anafus, nag â chenyt ddwy law neu ddau droed dy daflu i’r tân tragwyddol. Ac os dy lygad á’th fagla, tỳn o allan, a thafl oddwrthyt: gwell i ti fyned i fewn i’r bywyd yn unllygeidiog, nag â dau lygad genyt, dy daflu i dân uffern. Edrychwch na ddirmygoch yr un o’r rhai bychain hyn: canys yr wyf yn sicrâu i chwi, bod eu hangylion hwy, yn y nefoedd, yn wastad yn gweled wyneb fy Nhad nefol; a daeth Mab y Dyn i gadw yr hyn à gollasid. Beth dybygwch chwi? Pe byddai gàn ddyn gant o ddefaid, a chyfeiliorni o un o honynt, oni âd efe y nawdeg a naw àr y mynyddoedd, a myned i chwilio am y gyfeiliornedig? Ac os dygwydd iddo ei chael hi, y mae yn cael llawenydd mwy oddwrth hòno, nag oddwrth y nawdeg a naw y rhai nad aethant àr gyfeiliorn. Felly nid yw ewyllys eich Tad yn y nefoedd, gyfrgolli yr un o’r rhai bychain hyn.
15-18Am hyny, os trosedda dy frawd yn dy erbyn, dos ac argyhoedda ef rhyngot ti ag ef ei hun. Os gwrendy efe arnat, ti á ennillaist dy frawd; ond os efe ni wrendy, cymer un neu ddau gyda thi, fel drwy dystiolaeth dau neu dri o dystion y sicrâer pob peth. Os diystyra efe hwynt, dywed i’r gynnulleidfa; ac os diystyra efe y gynnulleidfa hefyd, bydded ef i ti fel pagan neu dollwr. Yn wir, meddaf i chwi, bethbynag á rwymoch àr y ddaiar, á fydd rwymedig yn y nef; a phethbynag á ryddâoch àr y ddaiar, á fydd wedi ei ryddâu yn y nef.
19-20Drachefn, yr wyf yn dywedyd wrthych, bethbynag y cyduna dau o honoch àr y ddaiar iddei ofyn, á ganiatêir iddynt gàn fy Nhad, yr hwn sydd yn y nefoedd. Canys llebynag y mae dau neu dri gwedi ymgynnull yn fy enw, yr ydwyf yn eu canol hwynt.
21-22Yna Pedr gàn ddynesu, á ddywedod wrtho, Feistr, os trosedda fy mrawd yn fynych yn fy erbyn, pa sawl gwaith y rhaid i mi faddau iddo? á raid i mi seithwaith? Iesu á atebodd, Yr wyf yn dywedyd wrthyt, nid seithwaith, ond seithddengwaith seithwaith.
23-35Yn hyn y mae Gweinyddiaeth y Nef yn debyg i frenin, yr hwn á benderfynai wneuthur cyfrif â’i weision. Wedi dechreu cyfrif, dygwyd un yr hwn oedd yn ei ddyled ef o ddeng mil o dalentau. Ond gàn na feddai y gwas hwnw fodd i dalu; ei feistr, i gael tâl, á orchymynodd ei werthu ef, a’i wraig, a’i blant, a’r cwbl à feddai. Yna y gwas, wedi syrthio i lawr, á ymgrymodd o flaen ei feistr, ac á lefodd, Bydd ymarôus wrthyf, fy arglwydd, a mi â dalaf i ti y cydawl. A’i feistr á dosturiodd wrtho, ac a’i gollyngodd ymaith, gàn faddau y ddyled. Ond y gwas hwn, wrth fyned allan, á gyfarfu ág un o’i gydweision, yr hwn oedd yn ei ddyled ef o gànn ceiniog, ac a’i llindagodd ef, gàn ddywedyd, Tal i mi yr hyn sy ddyledus arnat. Ei gydwas, gàn syrthio i lawr, á ymbiliodd ag ef, gàn ddywedyd, Bydd ymarôus wrthyf, a mi á dalaf i ti. A ni wnai efe, ond yn ddiannod á berodd ei garcharu ef, hyd oni thalai y ddyled. Pan welodd ei gydweision hyn, bu ddrwg dros ben ganddynt, a hwy á aethant, ac á fynegasant iddeu meistr yr hyn oll à ddygwyddasai. Yna ei feistr, wedi peri ei alw ef, á ddywedodd wrtho, Tydi was drygionus: mi á faddeuais i ti yr holl ddyled hòno am i ti ymbil â mi. Oni ddylesit tithau dosturio yr un modd wrth dy gydwas, ag y tosturiais innau wrthyt ti? Felly ei feistr, wedi digio, á’i traddododd ef i’r #18:23 Ceidwaid carchar, jailers.geolwyr, i aros yn eu dwylaw hyd oni thalai y ddyled. Felly y gwna fy Nhad nefol i bob un o honoch chwithau, na faddeuo o’i galon iddei frawd.
දැනට තෝරාගෙන ඇත:
Matthew Lefi 18: CJW
සළකුණු කරන්න
බෙදාගන්න
පිටපත් කරන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
Yr Oraclau Bywiol gan John Williams 1842. Cafodd y testun ei ddigideiddio gan Gymdeithas y Beibl yn 2021.