Matthew Lefi 17
17
1-8Ar ol chwe diwrnod, Iesu á gymerodd Bedr, ac Iägo, ac Iöan brawd Iägo, o’r neilldu i ben mynydd uchel, ac á weddnewidiwyd yn eu gwydd hwynt. Ei wyneb á ddysgleiriai fel yr haul; a’i ddillad oedd cỳn wỳned â’r goleuni. Ac yn ebrwydd yr ymddangosodd iddynt Moses ac Elias yn ymddyddan ag ef. Pedr, àr hyn, gàn gyfarch Iesu, á ddywedodd, Feistr, da yw i ni aros yma; gwnawn yma, os mỳni, dri bwth; un i ti, ac un i Foses, ac un i Elias. Tra y llefarai efe, wele! cwmwl goleu á’u cysgododd hwynt, ac allan o’r cwmwl y daeth llef, yr hon á ddywedai, Hwn yw fy Mab, yr anwylyd, yn yr hwn yr ymhyfrydwyf; gwrandewch arno ef. Y dysgyblion wedi clywed hyn, á syrthiasant àr eu hwynebau, ac á ddychrynasant yn ddirfawr. Ond Iesu á ddaeth ac á gyfhyrddodd â hwynt, gàn ddywedyd, Cyfodwch; nac ofnwch. Yna gwedi codi eu golygon i fyny, ni welent neb ond Iesu.
9-13Fel yr oeddynt yn myned i waered o’r mynydd, Iesu á orchymynodd iddynt, gàn ddywedyd, Na fynegwch i neb beth á welsoch, hyd oni chyfodo Mab y Dyn oddwrth y meirw. Yna y dysgyblion á ofynasant iddo, gàn ddywedyd, Paham y dywed yr ysgrifenyddion bod yn raid i Elias ddyfod yn gyntaf? Iesu gàn ateb, á ddywedodd wrthynt, Er cwblâu y cyfan, rhaid i Elias, yn wir, ddyfod yn gyntaf. Ond yr wyf yn dywedyd wrthych ddyfod o Elias eisioes, èr nad addefasant ef, ond á wnaethant iddo fel yr oeddynt yn gweled yn dda. Felly y gwnant i Fab y Dyn hefyd. Yna y dysgyblion á ddëallasant mai am Iöan y Trochiedydd yr oedd efe yn llefaru.
14-18Gwedi eu dyfod at y dyrfa, daeth ato ddyn, yr hwn, gàn benlinio, á ddywedodd, Syr, tosturia wrth fy mab; oblegid y mae yn cael ei boeni yn dost gàn loerigrwydd; mynych y syrthia i’r tân, a mynych i’r dwfr, a mi a’i cyflwynais ef i dy ddysgyblion; ond ni allasent hwy ei iachâu ef. Iesu gàn ateb, á ddywedodd, O genedlaeth annghrediniol a throfâus! Pa hyd y byddaf gyda chwi? pa hyd y goddefaf chwi? Dygwch ef yma ataf fi. Yna Iesu á geryddodd y cythraul, ac efe á ddaeth allan; a’r bachgen á iachâwyd yn y màn.
19-21Yna y dysgyblion á ddaethant ato o’r neilldu, gàn ddywedyd, Paham nad allasem ni fwrw y cythraul hwn allan? Iesu á atebodd, O herwydd eich hannghrediniaeth; canys, yn wir, yr wyf yn dywedyd wrthych; pe byddai genych ffydd, ond fel gronyn o had cethw, gallech ddywedyd wrth y mynydd hwn, Symud i’r fàn yna, ac efe á symudai: ïe, ni byddai dim yn annichon i chwi. Y rhywogaeth hyn, pa fodd bynag, nid â allan, ond drwy weddi ac ympryd.
22-23Tra yr arosent yn Ngalilea, Iesu á ddywedodd wrthynt, Mab y Dyn á draddodir i ddwylaw dynion, y rhai á’i lladdant ef: ond y trydydd dydd efe á gyfodir drachefn. Hwythau á dristâasant yn ddirfawr.
24-27Gwedi eu dyfod i Gapernäum, y casglyddion á ddaethant at Bedr, ac á ddywedasant, Onid yw eich athraw chwi yn talu y #17:24 Dau ddrachma; yn nghylch pymtheg ceiniog.didrachma? Yntau á ddywedodd, Ydyw. Gwedi ei ddyfod i’r tŷ, cyn iddo siared, Iesu a ddywedodd wrtho, Beth yw dy farn di, Simon? Oddar bwy y mae breninoedd y ddaiar yn codi teyrnged neu dreth? oddar eu meibion eu hunain, ynte oddar ereill? Pedr á atebodd, Oddar ereill. Iesu á atebodd, Gan hyny, y mae y meibion yn ryddion. Er hyny, rhag i ni roddi tramgwydd iddynt, dos i’r môr a thafl linyn, tyn allan y pysgodyn cyntaf à facher, a gwedi agoryd ei safn, ti á gai #17:24 Dau ddidrachma.stater; cymer hwnw a dyro fo iddynt drosof fi a thithau.
දැනට තෝරාගෙන ඇත:
Matthew Lefi 17: CJW
සළකුණු කරන්න
බෙදාගන්න
පිටපත් කරන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
Yr Oraclau Bywiol gan John Williams 1842. Cafodd y testun ei ddigideiddio gan Gymdeithas y Beibl yn 2021.