Marko 15
15
Yesu ha ikitala cha Pilato
1Vuuchele imitondo, Watambika Wakulu weka zundo hamonga na Wavyele na Wananzuma na uluhengo lose lwa nhaguso; wamdaza Yesu, wamgala kwa Pilato. 2Pilato kamuuza, “Gweye gwegwe mndewa wa Wayuda?” Yesu kamwidika kalonga, “Ona vivo vuulonga.” 3Na Watambika Wakulu wamkengemeka nghani. 4Baho Pilato kamuuza kabili, “Hwidika mbuli? Tegeleza gose gowokukengemeka!” 5Bali Yesu halongile mbuli, avo Pilato kakangawala.
6Na kwa kizowe cha sikunghulu kawafungulilaga mfungigwa yumwe iwolonda. 7Kukala munhu twaga jake Baraba, kafungigwa hamonga na wanhu wene kwinula nghondo ya kukoma wanhu. 8Avo wanhu bwando wachola hakitala wolonda, Pilato yawatendele kamba viyazowele. 9Na heyo kawedika kalonga, “Molonda niwafungulile mndewa wa Wayuda?” 10Kilumbo kavimanya kamba Watambika Wakulu wamulava kwa kumonela migongo. 11Komu Watambika Wakulu wadiswagiza dale ja wanhu, giladi yawafungulile Baraba. 12Pilato kedika kabili kawalongela, “Avo nimtendeze yuno imkemaga mndewa wa Wayuda?” 13Watowa nyangi, kuno wolonga, “Muwambe mbiki!” 14Pilato kawauza, “Wiho ulihi uyatendile?” Wabasiliza nyangi nghani wolonga, “Muwambe mdibiki!” 15Pilato kalonda kuwanogeza wanhu, yomana kuwafungulila Baraba; komu Yesu kamulava, yatowigwe vibongho, imala yawambigwe mumsalaba.
Sanzagala da misonga
16Na ija minjolinjoli imgala, imwingiza kunzingo ya idiboma, wadikema dale jose ja iminjolinjoli weilundize. 17Wamvaza nguwo ndunghu, waluka sanzagala da misonga, wamvaza mditwi. 18Wandusa kumulamusa, “Hongelaga Mndewa wa Wayuda!” 19Imala wamsuna mditwi na mulanzi, wamtemela mizite, wamfugamila mavindi kuno womgwila. 20Vuwamalile kumfyosa, wamvula ija inguwo indunghu na kumvaza nguwo zake; wamgala kunze giladi wamuwambe mumsalaba.
Yesu kawambwa mdibiki hiko Golgota; Yesu viyadanganike
21Wamgoga munhu yobita kulawa kumgunda, yuyo Simoni wa Kirene, iyo tata wawo Aleksandro na Rufo; wamdodoheza yamgalile biki jake. 22Wamgala hanhu hakemagwa Golgota, kihindukizo chake, Zege da Pala. 23Wamwingha ugimbi uhanganywe na mahoka, bali heyo hangʼwele. 24Vuwamalile kumuwamba mdibiki, wazigola nguwo zake, wazitendela kibafuti, chondayasole kula munhu. 25Ikala saa ndatu vuwamuwambile mdibiki. 26Hachana hake hakala na jandiko ja nhaguso yake digamba, “Yuno yuyo Mndewa wa Wayu da.” 27Na mibazazi mibili wawambigwa hamonga na heyo, imonga ukulume na imonga ukumoso. 28Baho divikizwe dija dilonga, “Kapetigwa kamba miyawo waja iwabananzi.”
29Na wenekubita nzila wamuliga, kuno wotigisa matwi gawo wolonga, “Gweye mwene kuditula dingʼanda da Mulungu na kudizenga viyagwe kwa siku ndatu! 30Iihonye mwenyecho, uhulumuke mbiki!”
31Vivo na waja Watambika Wakulu wamfyosa hamonga na Wananzuma, wolonga, “Wayagwe kawahonya, bali mwenyecho hadaha kwihonya. 32Yuno yahawa Kristo mndewa wa Israeli, nayahulumuke sambi baha mumsalaba, tumone giladi tumtamanile!” Na waja wawambigwe mmibiki hamonga na heyo, wamuliga. 33Viivikile saa sita, hakala na ziza kulu muisi yose kuvikila saa kenda. 34Na saa kenda Yesu kalava nyangi yolonga, “Eloi, Eloi, lama sabaktani,” kihindukizo chake, “Mulungu wangu, Mulungu wangu, vilihi vuunyasa?” 35Wayagwe wemile iho vuwagahulike, walonga, “Tegelezeni, komkema Elia!” 36Imonga wawo kakimbila mbwisa, kachufika mwani msiki, kaunanika hasota ya mulanzi, kamwinghiza kalonga, “Lekeni tulole kamba Elia kokwiza kumuhulumusa!” 37Imala Yesu kalava dizwi kulu, na mhumuzi imulawa.
38Baho guwo kulu ja hekalu didegeka kulawa uchana kuvika hasi, nyenza mbili. 39Komu yuja mkulu wa minjolinjoli yemile ula kwa ula bahaja, viyawene mhumuzi viimulawile vija, kalonga, “Baye nhogola, munhu yuno kakala Mwana wa Mulungu.” 40Hakala baho watwanzi, wemile kutali wolola; mmwanza wawo yuyo Maria Magdalena, Salome na Maria iyagwe, mama wawo Yakobo Mdodo na Yose. 41Iwo wawo wamkoleleze, wakala womsanghanila viyakalile hiko Galilea; na watwanzi wayagwe bwando, wanenu hamonga na heyo kuchola Yerusalemu.
Yesu viyazikigwe
42Viivikile ichungulo siku hiyo, wakala okisasala kilumbo cha sikunghulu. 43Keza Yosefu wa Arimatia yakalile imonga wa uluhengo wa nhaguso, na heyo mwenyecho kakala youbeta undewa wa Mulungu; kaitopa mmoyo, kamgendela Pilato, kampula yagolelwe mtufi wa Yesu. 44Pilato kakanganya viyahulike kamba kaziga kudanganika; kamkema imkulu wa minjolinjoli, kamuuza kamba kadanganika kweli? 45Viyalongelwe na yuja imkulu, kamwingha Yosefu mtufi wake. Na heyo kaugulila sanda, kauhulumusa mumsalaba, kaugela muna isanda, kautambalika muna dikabuli disongoligwe mdibwe; kabimbilisa dibwe, kaugubika umulango wa dipanga. 46Na waja kina Maria Magdalena na Maria mamo wake Yose walola hayekigwe.
දැනට තෝරාගෙන ඇත:
Marko 15: ZAM75
සළකුණු කරන්න
බෙදාගන්න
පිටපත් කරන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
New Testament in Zaramo © United Bible Societies, 1975.