Pinongurugan 1

Pinongurugan nu Kinoringan nu wonuo tu

1Timpuun-i, winangun nu Kinoringan langit om tana'. 2Dai po ousai om sungoi-a sungoi opogon, sobana ko otuong so siombo-ombo ya, nga minsid-insid Atod nu Kinoringan#1:2: nga minsid-insid Atod nu Kinoringan; intawa: nga minsid-insid kuasa nu Kinoringan; intawa: om minsid-insid uos kiat so Kinoringan; intawa: om minsid-insid uos opogon sobana. so saau nu sungoi. 3Mutongaro yo Kinoringan nu, “Ourug-o onawau,” koo, om onawau-o sono.#2 Kur 4:6 4Owoworongan Kinoringan nu onawau oono, om popusondiango yo Niyo onawau om otuong-i. 5Ingorani yo Niyo onawau-i nu “Runat”, om otuong-i “Awi”. Umawi yo sono om sumuab-o. Iri yo runat koido.

6Mutongaro yo Kinoringan nu, “Ourug-o ido poonapad momiduo nu sungoi so dilanggau om so diipak,” koo, om nourug-o sono iri. 7Soko ono yo pinongurugan nu Kinoringan nu poonapad poputondiang nu sungoi so dilanggau om so diipak. 8Indadi, ingorani yo Niyo poonapad oono nu “Langit”. Umawi yo sono om sumuab-o. Iri yo runat koduo.#2 Ptr 3:5

9Mutongaro yo Kinoringan nu, “Muimpon-o kiawi' sungoi so diipak nu langit so ido tontong, su' osiowan tana',” koo, om nourug-o sono ono. 10Indadi ingorani yo Niyo tana' oono nu “Tidong” om kosungoyan-i “Raat”. Owoworongan Kinoringan nu kiawi' oono. 11Mutongaro po Kinoringan nu, “Potuuo yo su tana' nu boroginis tutumuu' mulinsou om mubua',” koo, om nourug-o sono ono. 12Soko iri po, tinumuu' yo sono boroginis nu mulinsou om mubua'. Owoworongan Kinoringan nu kiawi' oono. 13Umawi yo sono om sumuab-o. Iri yo runat kotolu.

14-15Mutongaro yo Kinoringan nu, “Ourug-o pongonawau so wonuo tu, popupinig nu runat om awi. Pongonawau oono ponondu'an nu runat, toun om rami-rami suat so ugama,”#1:14-15: rami-rami suat so ugama; intawa: intod. koo, om nourug-o sono ono. 16Soko ono yo pinongurugan nu Kinoringan nu duo pongonawau maayo, ono yo runat mongonawau umpak nu runat om wulan mongonawau umpak nu awi, om minongurug po Iyo nu korombituon. 17Kiawi' pongonawau oono nipolak nu Kinoringan so langit mongonawau nu wonuo, 18tumogu' umpak nu runat om awi, om popupinig nu onawau om otuong. Owoworongan Kinoringan nu kiawi' oono. 19Umawi yo sono om sumuab-o. Iri yo runat koopat.

20Mutongaro yo Kinoringan nu, “Ourug-o sosuku miau so sungoi, om bombolog#1:20: bombolog; intawa: pumpulu sontulud-tulud,” koo. 21Indadi minongurug-o sono Kinoringan nu kulos-kulos#1:21: kulos-kulos; intawa: sotua ongo aayo so raat, om onu yo po miau so sungoi, om sosuku bombolog. Owoworongan Kinoringan nu kiawi' oono. 22Indadi, borokati yo Niyo pinuwaal Niyo oono nu, “Sokag kou yo, ponuo muyu yo raat-o, om bombolog-o nga sumuang-o,” koo. 23Umawi yo sono om sumuab-o. Iri yo runat kolimo.

24Mutongaro yo Kinoringan nu, “Ourug-o sosuku kulos-kulos osiau otuyu, maayo opodok so pilolongkop nu tana' tu,” koo, om nourug-o sono ono. 25Soko ono yo pinongurugan Niyo nu kiawi' oono, om owoworongan Iyo nu ono.

26Mutongaro yo Kinoringan nu, “Mongurug Toko yo nu lobuw poogioon so Toko su' mogkuasa nosiro nu sosuku pait, bombolog om kulos-kulos, osiau otuyu, maayo opodok so wonuo tu,” koo.#1 Kur 11:7 27Indadi mongurugo yo Kinoringan nu lobuw pinoogio so Iyo. Inurug Niyo nosiro nu kusoi om woinoi.#Mat 19:4; Mrk 10:6 28Borokati yo Niyo nosiro nu, “Rumayat kou yo solusuk-monolusuk so pilolongkop nu wonuo tu. Suu'on Ku kou mogkuasa nu pait, bombolog, om kiawi' kulos-kulos wokon.#Pgn 5:1-2 29Nitaak Ku so kou boroginis nu tutumuu' mulinsou om mubua', ookanon muyu. 30Nga kiawi' kulos-kulos osiau om sosuku bombolog taakan Ku nu rikut om tonoman muroun-o ookanon nosiro,” koo, om nourug-o sono ono. 31Owoworongan Kinoringan nu kiawi' pinuwaal Niyo oono. Umawi yo sono om sumuab-o. Iri yo runat koonom.

Выбрано:

Pinongurugan 1: TomPWPgLgPn

Выделить

Копировать