ማ̈ቶ̈ሳ ጌላ
ጌላ
ዓና̇ ማጻ̈ፊን ጻ̈ፊኖ̈ዲ ሚ̈ን ቃራጻ ቃጺሲዛ ዬሱ̈ሳ ዎሂን ዬ̇ዛ ማ̈ቶ̈ሳ ጌይዛ̈ዳ። ማ̈ቶ̈ሲ ጻ̈ፊኖ ዎጛሊንዳ ሚን ሲላ ጫ̈ቂን ጋልዳ ጻ̈ፊንቲ̇ኖንዲፌ̈ኒ ኣስ ፋዛ ጊዳክ ዬይሬ ጋ̈ሪ ኢሚ̇ኖ ታስፊን ፎቲንታ̇ዚንዳ ዬሱ̈ሳ ጎይባራ ማ̈ቂ̇ኖን ሶ̈ላ̈ሬ። ዪና̇ ዎጛሊንዳ ዬሱ̈ሲ ኣይሁዳንቦ ሙታ̇ ጊዳካይዶን ሳ̈ዝ ኤ̈ሻ̇ ጋልዳ ዎ ኣሳንቦ ዎይ ማ̈ቂ̇ዝ ኮሽ ሶ̈ላ ኤ̈ኔ።
ማ̈ቶ̈ሳ ዎጛሊንዳ ኮሺንቺ ቆፓ̇ር ጊጊሲኖ ማጻ̈ፋ፤ ዬሱ̈ሳ ዬሊቲምፖ ኤራ ኢ ጻማ̇ቂንቲኖንዶ፣ ሴ̈ጣናባር ፋታ̇ኒንቲ̇ኖንዶ፣ ጋሊላ ጋርታ ሳባ̇ኪኖንዶ ታማ̈ርሲኖንዶ፣ ማኖ ኣሳን ፋኖን ዎይ ሶ̈ሊኖፖ ዎሃ ጋሊላፖ ዲንዳር ዬሩሳ̈ላም ሉኪ̇ኖንዲኬ ዓና̇ ኣላሚን ጋልዳ ዶኢኖ ኬሊንባር ውርሲ ሳ̈ሚንቲ̇ን ጋርታ ማ̈ቂ̇ኖ ባዛን ሶ̈ላ̈ሬ፤ ዪንሬ ኣሳን ኢያ ሶቲ̇ኖንዶ፣ ኢ ዓይቂንዲኬ ኢ ዓይቃ ጋማር ዲንዲኖን ዎይ ሶ̈ላ̈ሬ።
ዓ̈ና ማጻፊንዳ ዬሱ̈ሲ ጾ̈ሳ̇ ሂጊ̇ንቦ ቢርሺቺ̇ን ኢማ̇ንዳቦ ዳንዳኢዝ ሲልጣና ኢ̈ብ ዎንዲኬ ጾ̈ሳ̇ ካ̈ቲቲን ጎይ ታማርሲዝ ጴች ኣስታማሪ ማሃር ኢያ ቤይሳ̈ሬ፤ ማ ኢ ዪን ታማ̈ርሲኖ ቲሚርታን ዱማ ዱማ ኢሺን ቤስ̇ ፋጋር ቤይሳ̈ሬ።
1. ኤ̈ 5-7 ጋልዳ ጎዳ ኣማ̇ኒኖ ኣሳን ዎዛርፌ̈ን ዶኢ̈ርኮ፤ ኢንታ ኦ̈ሲን ኣብዝኮ፤ ኢንታ ሲልጣ̈ኒን ኣብዝኮ ማ ውርሲ ጋልዳ ኢንታ̇ብ ኣብዚ ጊ̈ጊንቲ̇ኖ ቤይሲዝ ዬሱ̈ሲ ኢንዳ ጋልዳ ዶኣር ታማ̈ርሲኖ ቲሚርቲን ኤ̈ኔ።
2. ኤ̈ 10 ጋልዳ ታጶ ናምኢ ታማ̈ራን ሉካ̇ሪ ዎጛላ ታማርሳምፔ̈ን ኪ̈ቲ̇ ሚሺ̈ርዶር ኢንታብ ኢሚ̇ኖ ኪ̈ታን ኤ̈ኔ።
3. ኤ̈ 13 ጋልዳ ጾ̈ሳ̇ ካ̈ቲቲ ጎይ ታማ̈ርሲዝ ዱማ ዱማ ሚሳ̈̇ላን ኤ̈ኔ።
4. ኤ̈ 18 ጋልዳ ዬሱ̈ሳ ታማ̈ሪ ጌንቲ̇ን ኣብዝኮ ታማ̈ርሲዝ ቲሚርቲን ኤ̈ኔ።
5. ኤ̈ 24-25 ጋልዳ ዓና̇ ላይን ዉርሲንዲኬ ጾ̈ሳ̇ ካቲቲን ዬ̈ዚን ጎይ ታማርሲኖ ቲሚርቲን ኤ̈ኔ።
ማጻ̈ፊን ጋርታ ዎ ቆፋን
ዬሱ̈ስ ክርስቶ̈ሳ ዜርንዲኬ ኢ ዬሊንቲኖንዶ 1፡1-2፡23
ጻማ̇ቂዛ ዋኒሳ ኦ̈ሳ 3፡1-12
ዬሱ̈ሲ ጻማ̇ቂንቲኖንዲኬ ሴ̈ጣናባር ፋታ̇ኒንቲ̇ኖንዶ 3፡13-4፡11
ዬሱሲ ፌ ኦ̈ሲን ጋሊላ ጋርታ ዣማ̇ሪኖንዶ 4፡12-18፡35
ዬሱ̈ሲ ጋሊላፖ ዬሩሳ̈ላም ሉኪ̇ኖንዶ 19፤1-20፡34
ዬሱ̈ሲ ሜታ ኤኪ̇̇̇̇ኖንዲኬ ዓይቂ̇ኖንዶ 21፡1-27፡66
ዬሱ̈ሲ ዓይቃ ጋርታፖ ዲንዲኖንዲኬ ኣሳባር ቤንቲ̇ኖንዶ 28፡1-20
Выбрано:
ማ̈ቶ̈ሳ ጌላ: ኦጫ̈ቃማ
Выделить
Поделиться
Копировать
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь