यूहन्‍ना 7

ईसु अर उंका भाई

1ईक्अ पाछ्अ ईसु गलील मं गियो, क्युं क यहूदी उन्अ मारबो छाव्अ छा जिसुं वो यहूद्‍या मं फरबो कोन्अ छाव्अ छो। 2अर यहूद्‍या को झूंपड़्या को तुंवार सांकड़अ छो। 3ई बजेसुं बीका भाई ईसु न्अ खिया, “अण्डअ सुं नखळर यहूद्‍या मं चलजा, जिसुं ज्यो काम तु करअ छ बान्अ तन्अ मानबाळा बी देख्अ। 4क्युं क अस्यो कोई बी कोन्अ ज्यो खुदको जस कराबो कोन्अ छाव्अ, अर लुखर काम करतो होव्अ, थारा बारा मं सारा संसार न्अ जाणबा द।” 5क्युं क बीका भाई बी बीक्अ माळ्अ बस्वास कोन्अ करअ छा। 6ईसु बान्अ खियो, “म्हारी तुंवार मं जाबा बेई हालताणी ठीक बगत कोन्अ आयी। पण थांक्अ बेई सबळी बगत ठीक छ। 7संसार थासुं बेर कोन्अ कर सक्अ पण वो म्हारअ सुं बेर रांख्अ छ, क्युं क म वान्अ यो बताऊ छु क बाका काम बरा छ। 8थे तुंवार मं जावो। म ई तुंवार मं कोन्अ जाऊ, क्युं क म्हारअ बेई ठीक बगत कोन्अ आई।” 9वो ये बाता खेर गलील मं ई रूकग्यो।

झूंपड़्या का तुंवार मं ईसु

10पण बीका भाया न्अ गिया पाछ्अ, वो बी चलग्यो। पण चोड़्अ-धाड़्अ कोन्अ गियो पण छान्असीक गियो। 11अर यहूदी अधिकारी बिन्अ तुंवार मं हेरबा लाग्या। वे पूछ्‍या क, “वो कढ्अ छ?”

12अर लोगबागा मं बीका बारा मं लुखचुप मं नरी बतळ्यावण होई। नरा खेव्अ छा क, “वो भलो मनख छ” पण कोई खेव्अ छा क नही, “वो लोगबागा न्अ बेखाबाळो छ।” 13फेरबी यहूदी नेता का ड़र सुं उंका बारा मं चोड़धाड़्अ कांई बी कोन्अ खेव्अ छो।

14अर जद्‍या तुंवार का आधा दन बीतग्या तो ईसु मन्दर मं जार सखाबा लागग्यो। 15ईप्अ यहूदी नेता अचम्बा मं पड़ग्या अर खिया, “वो कद्‍या बी आपण्अ कन्अ पढ़बा कोन आयो फेरबी ईन्अ अतरी बद्‍या कढा सुं आगी?”

16ईसु वान्अ जुवाब दियो क, “म्हारी सक्षा म्हारी कोन्अ, पण मन्अ खन्दाबाळा परमेसर की छ। 17कोई उंकी मनसा माळ्अ चालबो छाव्अ, तो वो ई सक्षा का बारा मं जाण जाव्अलो क वा परमेसर की ओड़ी सुं छ, या फेर म खुदकी ओड़ी सुं खेऊ छु। 18ज्यो खुदकी ओड़ी सुं खेव्अ छ, वो खुदकोई जस छाव्अ छ, पण ज्यो खुदका खन्दाबाळा को जस छाव्अ छ वोई सांचो छ, अर उंक्अ मायन्अ झूंट कोन्अ। 19मूसा थान्अ निम कोन्अ दियो कांई? फेरबी थाम्अ सुं कोई बी निमा प्अ कोन्अ चाल्अ। थे मन्अ क्युं मारबो चावो छो?”

20लोगबाग जुवाब दिया क, “थारअ मायन्अ दुष्टात्मा छ, थन्अ कुण मारबो छाव्अ छ?” 21ईसु वान्अ जुवाब दियो, “म एक चमत्कार को काम कर्यो अर थे सबळा अचम्बा मं पड़ग्या। 22आरामहाळा दन मूसा का निमा की जस्यान थे थांका मनख को खतनो करो छो। या आज्ञा मूसा सुं नही पण थांका बाप-दादा सुंई चालती आरी छ। 23#यूहन्‍ना 5:9मूसा का निम की आज्ञा कोन टळ्अ ई बजेसुं थे आरामहाळा दन मनख को खतनो करो छो, तो फेर थे म्हारअ माळ्अ ई बजेसुं रोष क्युं करो छो? क म आरामहाळा दन एक मनख न्अ नीका कर दियो। 24मूंडो देखर न्याऊ मत करो, पण ठीक-ठीक न्याऊ करो।”

वो मसी छ कांई?

25फेर यरूसलेम मं रेबाळा थोड़ासा मनख खेबा लाग्या, “यो बोई मनख छ कांई जीन्अ अधिकारी मारबा की जोरी करर्या छ? 26पण देखो यो तो चोड़्अ-धाड़्अ बतळार्यो छ अर यहूदी नेता बीका बिरोध मं कांई बी कोन्अ बोल्अ! या हो सक्अ छ कांई क वे सांच्याई जाणग्या क वो मसी छ? 27ईन्अ तो मे जाणा छा क यो कढा को छ, पण जद मसी आवलो तो कोई बी कोन्अ जाणलो क वो कढा को छ।”

28जद्‍या ईसु मन्दर मं सक्षा देता होया जोरसुं खियो क, “थे सांच्याई मन्अ जाणो छो अर या बी जाणो छो क म कुण छु अर कढा को छु। पण म खुदकी मरजी सुं कोन्अ आयो। ज्यो मन्अ खन्दायो छ वो सांचो छ, अर थे बीन्अ कोन्अ जाणो। 29पण म बीन्अ जाणू छु, क्युं क म बी कन्अ सुं आयो छु अर वो मन्अ खन्दायो छ।”

30फेर वे बीन्अ पकड़बा की जोरी करबा लागग्या, पण कोई बी बीक्अ हाथ कोन्अ लगायो, क्युं क बीकी बगत हालताणी ताणी कोन्अ आई छी। 31पण जळा मं सुं नरा मनख बीक्अ माळ्अ बस्वास कर लिया। अर बोल्या क, “जद्‍या मसी आवलो, तो ई मनख सुं बी साऊटा चमत्कार करअलो कांई?” यो मसी ही होणो चायजे। जद्‍याई तो अतरा चमत्कार करअ छ।

ईसु न्अ पकड़बा क ताणी पेरादारा न्अ खन्दाबो

32फरीसी लोगबागा न्अ ये बाता छान्अ-छान्अ बतळाता होया सुण्या अर महायाजक अर फरीसी ईसु न्अ पकड़बा क ताणी मन्दर का पेरादारा न्अ खन्दाया। 33ईसु बोल्यो, “म थोड़ी बगत ओर थांकी लार छु, फेर म म्हारा खन्दाबाळा कन्अ चल जाऊला। 34थे मन्अ हेरला पण म थान्अ कोन्अ लादूंलो, क्युं क जड़्अ म जार्यो छु थे बड़्अ कोन्अ आ सको।”

35यहूदी अधिकारी आमा-सामा बतळाबा लाग्या क, “यो कढ्अ जावलो? जण्ढ्अ यो आपान्अ कोन्अ लाद्अलो? यो यूनानी नगरा मं जावलो कांई जड़े आपणा लोगबाग रव्अ छ, अर कांई यूनान्या न्अ बी सक्षा देव्अलो? 36वो अस्यान खेर्यो छ क ‘आपा बिन्अ हेरअला पण वो आपान्अ कोन लाद्अलो’ अर ‘जड़े वो जाव्अलो बड़े आपा कोन जा सकां।’ ईको कांई मतबल छ?”

जिन्दगी का पाणी की नन्दी

37फेर तुंवार क आखरी दन मं ज्यो खासम-खास दन छो, ईसु ऊबो होर जोरसुं खियो क, “कोई तसायो होव्अ तो म्हारअ कन्अ आव्अ अर पिव्अ, 38अर ज्यो म्हारअ माळ्अ बस्वास करअ छ। जस्यान सास्तर खेव्अ छ क, ‘उंक्अ माईन्अ सुं जन्दगी का पाणी की नंद्‍या बह्बा लाग जाव्अली।’” 39ये बचन ईसु पवितर-आत्मा का बारा मं खियो छो, ज्यो बीक्अ माळ्अ बस्वास करबाळा न्अ मलबाळो छो। क्युं क उं बगत ताणी आत्मा कोन्अ दियो गियो छो, क्युं क ईसु हालताणी बीकी महमा ताणी कोन पूंछ्‍यो छो।

लोगबागा मं फूट पड़बो

40या सुण'र जळा मं सुं थोड़ा सी खिया क, “सांच्याई यो मनख परमेसर की ओड़ी सुं बोलबाळो छ।”

41अर दूसरा खिया, “वो मसी छ!”

पण ओर दूसरा खिया, “मसी गलील सुं कोन्अ आवलो! 42सास्तर अस्यान खेव्अ छ क मसी दाऊद का वंस मं होवलो अर बीको जनम बैतलहम गांव मं हेवलो, जण्ढ्अ राजो दाऊद रेव्अ छो।” 43अस्यान ईसु की बजेसुं जळा मं फूट पड़गी। 44कोई-कोई बीन्अ पकड़बो छाव्अ छा, पण बीक्अ कोई बी हाथ कोन्अ लगायो।

यहूदी अधिकारयां को बस्वास कोन्अ करबो

45जद मन्दर का पेरादार पाछा आया तो महायाजक अर फरीसी बासुं पूछ्‍या, “थे बीन्अ क्युं कोन्अ ल्याया?”

46मन्दर का पेरादार जुवाब दिया क, “कोई बी मनख कद्‍या बी अस्यान की बाता कोन्अ खियो!”

47फरीसी बान्अ खिया क, “थे बी बखाबा मं आग्या कांई? 48अधिकारयां मं सुं अर फरीस्या मं सुं कोई बी बीक्अ माळ्अ बस्वास कर्यो छ कांई? 49पण ये लोगबाग ज्यो मूसा का निमा न्अ कोन जाण्अ, वे सरापित छ।”

50 # यूहन्‍ना 3:1,2 ज्यो नीकुदेमुस पेली ईसु कन्अ आयो छो अर वो बा फरीस्या मं सुं एक छो, वो बान्अ खियो, 51“आपणा निम कोई मनख न्अ ज्यो वो कर्यो छ, बीन्अ बीकी सुण्या बनाई दोषी ठेराव्अ छ कांई?”

52वे बीन्अ खिया, “तु बी गलील को छ कांई? सास्तर बांचर देख, गलील सुं कोई बी परमेसर की ओड़ी सुं बोलबाळो कोन्अ आवलो।” 53फेर सबळा आप-आप क घरा चलग्या।#7:53 फेर सबळा आप-आप क घरा चलग्या। या आयत एकात हाथ सुं मण्ढी पोथ्या मं कोन्अ।

Выбрано:

यूहन्‍ना 7: डि एच डि

Выделить

Копировать