Yohana 1

1Ha mbuki muhayo gwavagiho, na muhayo gwavagiho hamwa Mulungu, na muhayo gwavagi Mulungu. 2hogwene gwavagi ha mbuki hamwa Mulungu. 3Finhu fyose fyatundilwe nago, na vuduhu nago kuduhu ninga kimo hochene chatundilwe. 4Na mugati nawe vuzuvuku wavagimo, na vuzuvuku wavagi mwanga gwa vanhu. 5Na mwanga gulimulika mu giti, na giti yikagwanukulile.

6Wigelaga munhu atumizivilwe na Mulungu, lina lyakwe Yohana. 7Mwenuyu wizaga kuvi vusangilwaho, asangilwe kunguno ya mwanga, kigele vose vasanizye mugati nawe. 8Mwenuyo wavagi akavile mwanga, sumbwa asangilwe kunguno ya mwanga: 9mwanga gwa loleyene, hogwene gulivezya vanhu vose, gwadima kwiza mu liwelelo. 10Wavagimo mu liwelelo, na liwelelo lyatundilwe nawe, alisi liwelelo lyavagi likamumanikizye. 11Wizaga ha chakwe chene, na vakwe vene vakamwanukulile. 12Alisi hovene vamwanukulaga wavapaga vukovozi kuvi vana va Mulungu, hovene 13valilisanizya lina lyakwe; hovene vakavyalilwe ngʼo ku magazi ninga ngʼo ku kikowa cha nda ninga ngʼo ku kikowa cha munhu, sumbwa vavyalilwe na Mulungu. 14Na muhayo gwavagi munhu na wikalaga mugati niswe, na twaluvonaga lukumo lwakwe, lukumo kitisi lwa mwana umo inene hamwa nse, okalile kisa na hanayene. 15Yohana alisangilwa kunguno yakwe, wahamukaga, uhaya, Uyo ali mwenuyo nayombile: homwene akwiza hanuma yane, wavagiho hambele 16yane, kwisi wavagi kumbele na nene. Na ku vokale wakwe iswe vose twapivagwa kisa kwigulya na kisa. 17Kwisi ngʼhama yaletagwa na Mose, alisi kisa na hanayene yizaga na Yesu Kristo. 18Kufuma kale kuduhu umo wamuvonaga Mulungu; Mwana avyalilwe inene, homwene alimo mwitango lyamwa Vava, mwenuyu wamufumbulaga.

19Na wenuvu vuli vusangilwaho wamwa Yohana, aho Vayahudi vavatumizaja vahozya na Valeviti kufuma 20Yerusalema, kigele vamuvuzye, Veve uli nani? Na uyu wazumaja na akakanile, wazumaja ati, Nene nkavile Kristo. 21Navo vamuvuzaja, Haho kinahe, uli Elia? Nawe wayombaga, Nkavile mwenuyo. 22Uli mufumbuzi? Nawe witavukaga, Byololo. Haho vamuwilaga, Veve uli nani? kigele tuvitavuke venavo vatutumizaja; veve uliyombaki kunguno yako mwenekili? 23Wayombaga, Nene ndi muzwi gwa umo alihamuka mwibalangu, Muyigelanizye nzila yamwa Guku, kitisi mufumbuzi Yesaya wayombaga. 24Na avo vatumizivilwe na Vafarisayo. 25Vamuvuzaja, vumuwila, Kuki lelo uloja, ulu ukavile Kristo ninga Elia ninga mufumbuzi? 26Yohana wavitavukaga, uhaya, Nene ndiwoja na minzi, 27alisi mugati ninwe imile mwenuyo inwe mukamumanikizye homwene aliza hanuma yane, nane nkasikile isima kumutungula mikova ya filatu fyakwe. 28Genaya gakwilaga mu Betania kumwambu na Yordani kwenuko Yohana wavagiko aliwoja.

29Hawangaluke Yohana wamuvonaga Yesu aliza kuwakwe na wayombaga, Lolagi Kadilana ka Mulungu 30hokene kaliwinja vukenaguzi wa liwelelo! Uyu ali mwenuyo nene nayombile kunguno yakwe: hanuma yane aliza munhu homwene wavagiho hambele yane, kwisi wavagi kumbele na nene. 31Nane navagi nkamumanikizye, alisi kigele afumbulwe ku Israeli, kunguno yeniyi nizaga koja na minzi. Na Yohana wasangilagwa, 32uhaya, Nene namuvonaga Roho wikaga kitisi nhunda kufuma kwilunde na wamwikalilaga. 33Na nene navagi nkamumanikizye; alisi uyo wantumizaja koja na minzi wambwilaga, Homwene ulimuvona Roho alika na alikala kwigulya nawe, homwenuyu aloja na Roho Nsondo. 34Na nene nayiwine na nasangililwe ati, mwenuyu ali Mwana wa Mulungu.

35Hawangaluke Yohana wimagako hangi hamohene na vavili va vahemba vakwe. 36Na wamuvonaga Yesu aliyumbayumbaho, na wayombaga, Lolagi Kadilana ka 37Mulungu! Aho vahemba avo vavili vamwigagwa aliyomba, vamulondaga Yesu. 38Na Yesu wikevelaga, na aho wavavonaga valimulonda, uvawila, Inwe mulikovaki? Navo vamuwilaga, Rabi, nguno yago: muhembeki, veve ulikala kuhe? Nawe wavawilaga, Mwize 39Muvone! Navo vizaga na vavonaga uko wikalaga, na vadilaga hawakwe lusiku lwenulo, na yavagi kitisi saa ikumi. 40Na umo mugati na venava vavili hovene vamwigagwa Yohana na vamulondaga wavagi Andrea, muduguye wamwa Simoni Petro. 41Na mwenuyu wamuvonaga hambele Simoni, muduguye mwenekili, na wamuwilaga, Iswe twamuvonaga Mesiya, nguno yago: Kristo; 42na vamufilaga kumwa Yesu. Nawe wamulolaga, uhaya, Veve uli Simoni mwana Yohana, veve ukwitanwa Kefa, nguno yalyo: Petro (Itale).

43Hawangaluke Yesu wakovaga kuvuka kuja ku Galilaya na wamuvonaga Filipo, na Yesu wamuwilaga, 44Undonde nene! Nawe Filipo wavagi muna Betsaida, mwenumo vikalage Andrea na Petro. 45Na Filipo wamuvonaga Natanaeli, umuwila, Iswe twamuvonaga mwenuyo kunguno yakwe Mose watonile mu ngʼhama na vafumbuzi, Yesu, mwana wamwa Yosefu, uyo wa Nazareti. 46Natanaeli wamuwilaga, Ku Nazareti kalikovola kufuma kanhu kasoga? 47Filipo wamuwilaga, Nzugu uvone! Yesu wamuvonaga Natanaeli aliza kuwakwe na wayombaga kunguno yakwe, Lolagi, Mwisraeli wa loleyene mugati nawe muduhu vugulugulu! 48Natanaeli wamuwilaga, Veve ulinimanicha kufuma kuhe? Yesu witavukaga, umuwila, Nakuvonaga veve aho Filipo atali kukwitana, aho wikalaga hansilili na mukuyu. 49Natanaeli wamwitavukaga, Rabi, veve uli Mwana wa Mulungu, veve uli mutemi wa Israeli. 50Yesu witavukaga, umuwila, Veve ulisanizya kunguno nakuwilaga ati, nakuvonaga hansilili na mukuyu? Veve ukuvona mahanya kukila genaya. 51Na wamuwilaga, Yalole, yalole ndimuwila inwe, mukulivona ilunde lyalugukile na vamalaika va Mulungu valilina na valiwika kwigulya na Mwana wa Munhu.

Выбрано:

Yohana 1: Nym51

Выделить

Копировать