मत्ती 6:16-18

“जेबे तुस्से ब्रत करो, ता पाखंडिया साहीं तुस्सा रे मुंहा पर दुआसी नी हूणीं चहिए, क्यूंकि स्यों आपणा मुंह फुलाई रख्हा ऐं, ताकि लोक तिन्हा जो ब्रत रखणे वाल़े जाणें, हांऊँ तुस्सा किन्हें सच्च बोल्हा कि, स्यों आपणा इनाम पाई चुके, जो तिन्हा जो लोका री बड़ाई करणे ते मिल्या। पर जेबे तू ब्रत करहे ता आपणे मूंडा पर तेल मल होर मुंह धोई ले। ताकि तेरे ब्रता रे बारे मन्झ तेरे स्वर्गीय बापू रे सिवाए केसियो पता नी लगे, होर जो तू जो लुके छुपे करहा, तुस्सा रा बापू जो सब कुछ देख्हा तेस तुस्सा जो इनाम देणा।”