លោកុប្បត្តិ 8:21-22

ព្រះយេហូវ៉ា​ទ្រង់​ធុំ​ក្លិន​ក្រអូបពិដោរ នោះ​ព្រះយេហូវ៉ា​មានបន្ទូល​ក្នុង​ព្រះហឫទ័យ​ព្រះអង្គ​ថា​៖ “យើង​នឹង​មិន​ដាក់បណ្ដាសា​ដី​ដោយសារតែ​មនុស្ស​ទៀត​ឡើយ ដ្បិត​បំណង​នៃ​ចិត្ត​របស់​មនុស្ស​តែងតែ​អាក្រក់​តាំងពី​ក្មេង​មក ដូច្នេះ​យើង​នឹង​មិន​សម្លាប់​គ្រប់ទាំង​អ្វីៗដែលមានជីវិត​ទៀត ដូចដែល​យើង​បាន​ធ្វើ​នោះ​ឡើយ​។ ដរាបណា​នៅមាន​ផែនដី រដូវសាបព្រោះ និង​រដូវច្រូតកាត់ ត្រជាក់ និង​ក្ដៅ រដូវក្ដៅ និង​រដូវរងា ថ្ងៃ និង​យប់ នឹង​មិន​ឈប់​មាន​ឡើយ”៕