قْلّ 2
2
1كٌورٍ، بْشِ، نُن سٍ بِرِن دَا كِ نَن نُ نَ كِ. 2لْشْي سٌلٌقٍرٍ ندٍ عَلَ شَ وَلِ نَشَ كَمَلِ. عَ نَشَ عَ مَلَبُ. 3عَلَ نَشَ تِدٍ سَ نَ لْشْي سٌلٌقٍرٍ ندٍ مَ، عَ شَ قِندِ لْشْي سّنِيّنشِ رَ بَرِ مَ عَ عَ مَلَبُ نَ لْشْي نّ عَ شَ وَلِ كَمَلِشِ شَ قٍ رَ.
بَبَ عَدَ مَ نُن نّنّ مَهَوَ
4تَرُشُي نَن يَ، دُنِحَ دَاشِ كِ نَشّ. مَرِفِ عَلَتَلَ بْشِ نُن كٌورٍ دَا تّمُي نَشّ، 5قْتْنيِ يٌ مُ نُ نَ. سَنسِ يٌ مُ نُ نَ نَشَن بُلَشِ بْشِ مَ بَرِ مَ مَرِفِ عَلَتَلَ مُ نُ تُنّ يٍ رَفٌرٌشِ سِندٍن. عَدَ مَ قَن مُ نُ نَ نَشَن بْشِ رَوَلِمَ، 6كْنْ يٍ نُ لُمَ مِنِ رَ بْشِ بُن، عَ قَ يٍنسٍن يّ يِرٍ بِرِن مَ.
7مَرِفِ عَلَتَلَ نَشَ عَدَ مَ يَءِلَن بّندّ رَ. نَ دَنفِ شَنبِ عَ نَشَ نِي رَ سٌ عَ قَتٍ عَ حْي كُي. عَ قِندِ عَدَ مَ رَ نَ كِ نّ.
8نَ شَنبِ مَرِفِ عَلَتَلَ نَشَ يِرٍ قَنيِ يَءِلَن سٌفٍتٍدٍ مَبِرِ. نَ يِرٍ شِلِ «عٍدٍن.» عَ نَشَ عَدَ مَ لُ مّننِ. 9مَرِفِ عَلَتَلَ نَشَ وُرِ مْولِ بِرِن نَبُلَ مّننِ، وُرِ تٌقَنيِيٍ، وُرِ نَشٍيٍ بٌفِ قَن عَ دٌن دَاشِ رَ. نَ يِرٍ تَفِ وُرِ قِرِن نُ نَ. كٍرٍن شِلِ «سِمَيَ وُرِ.» بٌورٍ شِلِ «قٍ قَنيِ نُن قٍ حَاشِ كٌلٌن وُرِ.»
10شُرٍ نَشَن يٍ رَ سٌشِ عٍدٍن كُي سَنسِيٍ بّ، عَ تٌ دَنفِشِ، عَ عِتَشُنشِ دْشْ نَانِ رَ. 11نَ سِنفٍ شِلِ ثِسٌن. نَ نَن دَنفِمَ هَوِلَ بْشِ بِرِن مَ، شّيمَ نَ دّننَشّ. 12نَ شّيمَ قَن. وُرِ يٍ شِرِ حْشُنمّ قَن نَ نَ، عَ نُن فّمّ تٌقَنيِ نَشَن شِلِ عٌنِشِ. 13نَ شُرٍ قِرِن ندٍ شِلِ فِشٌن. نَ نَن دَنفِمَ كُسِ بْشِ بِرِن مَ. 14نَ شُرٍ سَشَن ندٍ شِلِ تِفِرِ. نَ نَن دَنفِمَ عَسُرِ بْشِ مَ عَ سٌفٍتٍدٍ بِرِ رَ. نَ شُرٍ نَانِ ندٍ شِلِ عٍقِرَتِ.
15مَرِفِ عَلَتَلَ نَشَ عَدَ مَ رَ سَبَتِ عٍدٍن، عَلَكٌ عَ شَ نْ نَ يِرٍ رَوَلِدٍ، عَ مَن شَ مّينِ نَ مَ. 16مَرِفِ عَلَتَلَ نَشَ يَامَرِ سٌ عَدَ مَ يِ رَ، عَ نَشّ، «عِ نْمَ يِ وُرِ بٌفِ بِرِن دٌندٍ نَشَن نَ عٍدٍن كُي، 17كْنْ عِ نَشَ ‹قٍ قَنيِ نُن قٍ حَاشِ كٌلٌن وُرِ› بٌفِ دٌن دٍ، بَرِ مَ عِ نُ نَ دٌن، عِ قَشَمَ نّ.» 18مَرِفِ عَلَتَلَ نَشَ عَ قَلَ، «عَ مُ قَن شّمّ شَ لُ بٍ عَ كٍرٍن. ﭑ قَمَ مَلِمَ قَنيِ دَالِدٍ عَ بّ.»
19بُورُنيِ سُبٍ بِرِن نُن شْنِ بِرِن مَرِفِ عَلَتَلَ نَشَن دَالِشِ بّندّ رَ، عَ نَشَ عٍ شَنِن عَدَ مَ شْن مَ عَ شَ عٍ شِلِ سَ. عَدَ مَ شِلِ نَشٍيٍ سَ عٍ شُن مَ، نٍيٍ نَشَ قِندِ عٍ شِلِيٍ رَ. 20عَ نَشَ شُرُ سٍ بِرِن، شْنِ بِرِن، عَ نُن بُورُنيِ سُبٍ بِرِن شِلِ سَ.
كْنْ نَ وَشَتِ عَدَ مَ مُ عَ مَلِمَ قَنيِ سْتْشِ سِندٍن. 21مَرِفِ عَلَتَلَ نَشَ شِ شْلِ رَدَنفِ عَ مَ. عَ نَشَ عَ رَشِ عَ قَنيِ رَ. عَ تٌ شِ، مَرِفِ عَلَتَلَ نَشَ عَ فَنيَنيِ شْرِ كٍرٍن بَ، عَ قَ مّننِ رَفَلِ. 22نَ شَنبِ، مَرِفِ عَلَتَلَ نَشَ عَدَ مَ فَنيَنيِ شْرِ قِندِ فِنّ رَ، عَ قَ نَ فِنّ قِ عَدَ مَ مَ.
23عَدَ مَ نَشَ عَ قَلَ، «يِ فِنّ قَتَنشِ ﭑ شْرِ نُن ﭑ سُبٍ نَن نَ. عَ شِلِ نّ ‹فِنّ›، بَرِ مَ عَ مِنِشِ شّمّ نّ عِ.» 24نَ قٍ نَ عَ تٌشِ، شّمّ قَمَ نّ كٍلِدٍ عَ بَبَ نُن عَ نفَ شُن مَ، عَ مَسٌ عَ شَ فِنّ رَ، عٍ قِندِ كٍرٍن نَ. 25شّمّ نُن عَ شَ فِنّ مَفٍلِ نَن نُ عَ رَ، كْنْ نَ قٍ يَافِ مُ نُ عٍ مَ.
Выбрано:
قْلّ 2: Soso
Выделить
Поделиться
Копировать
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь
© 2015—Mission Evangélique Reformée Néerlandaise et les Traducteurs Pionniers de la Bible
