Известные библейские стихи из KAOBAK 22

Поделиться

Hibü Abrahamei ho kaonyek la “Jihova-jire” dogo nyenkukei. Tat sühko lauyobü tegü, “BUNYUBOUeibü shongha kho kulabü.”

Kheijinei Mühghaüei laukei, “Kashou, kashou jayangshou Isak, laobou nyi sanouda, hao leian Moria kaodak to hauashi. Hobaje khünei ngei ka la shean lenlabü shongh chenei nyi hao kü la juokbü lembü kuashi.”

Hobaje haoei laukei, “Na to ik tüt. Hobaje hao to ai teküm; Nyi Mühghaü to ngüha leda hoba hatda dogo ngei ngea; aishanga nyi kashou che ong kibü khokei aphokai.”

Hobaje Abrahamei jongaikei, “Küshou, Mühghaüei juokbü lembü shanga san shoushou lamlekulabü.” Hibü haosi ham liko haukei.

hoba ngei no haükulabü hoba haabüyaangbüa ngei kaibü thensilen müha khanshoulitshou tegü hoba molo yungkoa kibü phetsen tegü haatilabü. Hobaje kaibü thensilenei haoeneibü dangbou koukhün kimlabü. Hobaje kaibü thensilen danko kaonyu phang pendou haükulabü; aieilausi nyi kü ngüha lekei.”

Jihsiphai tuisho hauan phaia Mühghaüei Abraham takteikei hoba hao to laukei, “Abraham!” Hobaje Abrahamei jongaiko laukei, “Ngo hanei kia!”

Lausikei BUNYUBOUeibü hangangbüei khuthük ka hao ngako laukei, “Abraham, Abraham!” Hobaje haoei jongaikei, “Ngo hanei kia.”

Hobaje BUNYUBOU hangangbüei Abraham nyibou khuthük ka ngakei, hoba laukei, “BUNYUBOUei lauda: Nyi ho kümsilei kümsi hoba kashou che ong kibü aphokeisi ngei kü nyena thedalanda

Ladang haosi Mühghaüei lenbü kaoen sühkei, Abrahamei khünei laangshongei lemshang yaükei, hoba bu shean jaan phokei. Hobaje haoshou Isak khühan haoeibü lemshang thüka peithetnyu yeptikei.