Известные библейские стихи из KAHTAMYENGHAN 1

Поделиться

Tüophei me Kahwange i, “Teman-e kahta teman kih-e, teman lepu me linghah; hüyange yengching nyah tangme hüyange wang awha tangme, hüyange ching yinmok tangme hüyange kahtoknyu üshei tangme hüyange kahtok me lih-e kempu üshei tangme iman nokpu ne mengtüoh,” Hüyange Kahwange yoi kih-e kahta linge ngai, Kahwang lepu me lye I ngaine tam; netan hüyange sheko lye iman ngaine tam.

Hüyange Kahwange iman moimantam hüyange Kahwange iman te i, “Jaluntüoh hüyange maawe ngaitüoh, hüyange kahtoknyu maane tamme hatüo tükke oktüoh; hüyange yengching nyah tangme, hüyange wang awha tangme, hüyange kahtoknyu me popu üyin ngohpu shemin lamphe tangme, nokpu ne mengtüoh.”

Üwangne aope Kahwange wang phang linge ngaiya peih

kahtoknyuwa hango ülam yenangpe ükeng me ngoh hüyange wangnyak-a ülam hango yenangpu tangme ngoh, hüyange Kahwang yaha-a yeng tang me mokh powe ngoh yangki.

Hüyange Kahwange i, “Wangngai ngoh tüoh”; hüyange wangngai ngai.

Hüyange Kahwange Iye lingpu üshei nge, hüyange leitüoh, tüolan yeonge meiye ngoh. Hüyange wangnyak hei wangngai ngoh, hatüowa wok shepupa nyih.

Kahwange wangngai-a meiye nge; hüyange Kahwange wangnyak mepu wangngai tam.

Hüyange Kahwange i, “Leitüoh, Kahtoknyu üshei me ngohpu üli lickpu phümha weangyong üshei hüyange pee üshei ümeken me üli lickpu pelick ngoh nang, Taowe numante phanang; numan jingne hatüowa hahying ne ngohlak.

Kahwange wangngai te Nyih she nyik, hüyange wangnyakte Iye Nyak she nyik. Hüyange yaning linne tai hüyange napning ngai, tüopa-a üwangpa nyih ne meng.

Hüyange Kahwange i, “Yeng yo me khwngmong ngaitüoh, hüyange tüo kaiye yeng mepu yeng tamme ngaitüoh.”

Hüyange kahtoknyu yinmok üshei te, hüyange wang awha üshei te hüyange kahtok me powe kempu üshei te ümeken me üyin ngoh, Taowe phümha weangyong ühüng hahying jingne phanang.” Hüyange hüke ngoh.

Hüyange Kahwange i, “Wangnyak mepu wangngai tamlak jingne khwngmong me wangngai ngai tüoh; hüyange juheiwan hüyange nyih hei wangpeng itpu yepinlak ngoh tüoh

Hüyange Kahwange i, “Kahtokke phümha weangyong ngai tüoh, üli lick pheipu üphao, hüyange iman üli lick pheipu pee ülam lili kahtok me ngaitüoh.” Hüyange hatüo hüke ngai.

Hüyange Kahwange khwngmong linge, khwngmong ütangye me ngohpu yeng mepu khwngmong üphangye me ngohpu yeng tam; hüyange hüke ngai.

Hüyange kahtok-e phümha weangyong, yoi yoi ülam me üli lickpu ülick lickpu pee, ülam lili lickpu ülick hanghe me yoi yoi üli lick ngoh nang, hatüo ngaine tam. Hüyange Kahwange hatüo meinangki she lei.

Hüyange Kahwange wangngai üyong ni ling, nyihning teelak jingne wanghe, hüyange yaning jingne leatnyu; lye üne-o shanhalan-o ling.

Hüyange Kahwange i, “Wangmai me ngohpu yeng üken ja me jemtüoh, hüyange eawahpu kahtok ngaitüoh.” Hüyange hatüo ngai. Kahwange kahtok te Kahtoknyu she nyik; hüyange yeng shaijempu te Iye Yengching she nyik; hüyange Kahwange tüopa-a meinang she lei.

Hüyange Kahwange yinmoknyuha moiman tam me i, “Ülick wangmanne licktüoh, hüyange ngaitüoh hüyange yengching me yeng-a maatüoh; hüyange kahtoknyu me awhalan jalun tüoh.”

Hüyange Kahwange i, “Kahtoknyu we üyin yinmok yoi ülam lili tampu yinmok, kahtok me lih-e kempu, hüyange phao yinmok yoi ülam lili ngaitam tüoh.” Hüyange hüke ngai.

Hüyange Kahwange i, “Yengwo yinmok ülam lili maatüoh, hüyange awhalan khwngmong kaiye kahtok ütang yeme putüoh.”

Hüyange Kahwange kahtoknyu yinmok yoi ülam lili, hüyange tampu yinmok yoi ülam lili hüyange kahtok me kempu shemin lamphe yoi ülam lili ling. Hüyange Kahwange hatüowa meinangki she lei.