Известные библейские стихи из Genesis 15

Поделиться

Ne zutun, tenged te midtuu si Abram te NENGAZEN , mid-isip sikandin te NENGAZEN he metazeng.

Ne hein neiwas haazà, mibpekidlalag ki Abram is NENGAZEN , ke sikandin te, “Abram, kenè ka mahandek, su edlevanan ku sikew wey ebeǥayan ku sikew te utew zekelà he suhul.”

Ne zutun impeǥawas din si Abram ne ke sikandin te, “Lingehè ka ziyà te langit ne vilanga nu is menge vituen emun egkevilang nu.” Ne ke sikandin daan te, “Iring keniyan is menge kevuwazan nu keuzemà su kenà sikandan egkengevilang.”

Ne zutun midtavak kandin is NENGAZEN , ke sikandin te, “Kenà iyan heini si Eliezer ebpekepengevilin su iyan dà ebpekepengevilin te menge azen nu is hustu en he anak nu.”

Ne migkeǥiyan sikandin dutun te NENGAZEN te, “Tentenuzi nu he is menge kevuwazan nu, ne egkehimu zan keuzemà he menge lumelengyawà ziyà te zuma he nasyun. Egkengeuripen sikandan wey ebpesipelahan sikandan seled te 400 he tuig.

Ne midtavak dutun si Abram te, “Sikew is NENGAZEN he Megbevayà, wazà igkeveǥey nu kediey he ibmeupiya te ǥehinawa ku su kenè bes egkehimu he egkevuwad a, ne iyan ebpekepengevilin te menge azen ku si Eliezer he tig-Damascus.”

Ne zutun he andew, midtukud is NENGAZEN te kebpekid-uyun din ki Abram. Ke sikandin te, “Ibeǥey ku te menge kevuwazan nu heini he tanà. Puun diyà te wahig te Ehipto pehendiyà te zekelà he Wahig he Eufrates.

Ke heepat egkelapis is menge kevuwazan nu ziyà te senge nenasyun, ne human dan ed-ulì dini su wazè pa metuman is timpu te kedsiluti ku te menge Amorihanen tenged te menge salè dan.”