Известные библейские стихи из Kuuɗe Nelaaɓe 1

Поделиться

ammaa to Ruuhu Ceniiɗo jippake dow mooɗon, on keɓan baawɗe, nden on laatoto seedantooɓe yam haa Urusaliima, haa lesdi Yahudiya fuu bee Samariya e haa keerol duniyaaru fuu.”

Yeesu jaabi ɓe: “Baabiraawo am bee baawɗe mum ta'i wakkatiiji e saa'iiji man, on mbaawataa anndugo ɗi

Yaake o ɗon bee maɓɓe, o wi'i ɓe: “Taa cotte Urusaliima, ammaa ndeene ko Baabiraawo iinani on, bana mbi'mi on. Ngam Yuhanna waɗani yimɓe baptisma bee ndiyam, ammaa onon, on njaɓan yeeso seɗɗa, baptisma bee Ruuhu Ceniiɗo.”

Ɓaawo boneeji ɗi o yari, o waŋgani ɓe o geeto fakat bee alaamaaji ɗuuɗɗi laaɓɗi. Baakin nyalɗe cappanɗe nayi, ɓe ngi'i mo, ɓe mbolidi haala laamu Allah.

Nde o timmini wolwugo bolle ɗe'e, o eeŋgi. Ɓe ɗon ndaara, haa ruuldere suddi mo.

Nde pukara'en ɗon tijjo heedi asama haa Yeesu ɗon eeŋgo, law worɓe ɗiɗo ɓorniiɓe limce daneeje mbaŋgani ɓe, mbi'i ɓe: “Onon Galiili'en, koni on ɗon ndari, tijjo dow? Yeesu oo, mo eeŋgi, acci on, o loroto bana on ngi'i o dilliri asama.”