Известные библейские стихи из SAN LUCAS 19

Поделиться

Nana’ tin Juntal patal an inicchic in che’nec cu aliy axi xe’ets q’uibenec al an hualabtalab ani cu jec’ontha’.

In thajat ulalchic: ―Qui ajatnanchi im bij i Ts’alejil axi te talits abath c’al a Dios. Qui puhuethanchi im bij a t’ec’at Dios ti eb axi jun ejetbethanchix c’al i ichich.

A Jesús toc’tsin: ―Ma xohue’ jec’onthachits axe’ xi inic axi pel in at xits’al a Abraham. Jaye ne’ets ca jec’onthachic axi tin q’uima’.

Tam tim baju a Jesús ba’ al nixe’ xi te’, tam in tsu’u c’uajat a Zaqueo hualq’ui’. Tam in ucha’: ―Thubat quit pa’iy Zaqueo, cum nan ne’ets xo’ quin jilc’on ta q’uima’. Tam thubat pa’iy lej culbel, c’ale quim bats’u a Jesús tin q’uima’.

Tam cubiy a Zaqueo tin tamet jaja’chic, ani in ucha’a Jesús: ―Ajatic, xo’ nan ne’ets cu ts’ejhualiy c’al an ts’ejhuantalchic ma tam ts’ejel jahua’ u cua’al. Max u c’ambith tixc’anchamal jita’ an tumin ne’ets cu huichbanchi ma tse’ huichc’oth.

Tam uchan a Jesús c’al talchic i fariseochic axi al an mulcunel: ―Exobchix, ca ucha’ ca ts’ibc’an an mulcunel. A Jesús in toc’tsiychic: ―Nan tu uchalchic max ca ts’ibc’an an mulcunel, ma nixe’ xi t’ujubchic mo’ol ne’ets quin thajat puhuethanchi im bij a Dios.