Известные библейские стихи из Johannese 15

Поделиться

Uvanga napârtôvunga vaineliksak, ilipse akkerôvose. Uvamnêtsainartok, uvangalo tâpsomanêdlunga, paungaᴋarniarpok unuktunik, piginanga piniarungnanginapse sumik.

Ilumnêtsainaritse, uvangalo ilupsingnêdlunga. Sôrlo Akᴋerok paungaᴋarungnangimat ingminik, napârtomêtsainangikune vaineliksame; taimainivosetauk, ilumnêtsainangikupse.

Ilumnêtsainarupse, oᴋausikkalo ilupsingnêtsainarpatta, pijomajapsingnik tuksiarniarpose, tunitsiviolâlapselo.

Anerilaungilapsinga, anerilauᴋpapsele, isumagivluselo, paungaᴋariartorᴋovluse, paungaᴋarniselo soᴋoserᴋonago; Atâta tuksiarvigigupsiuk atimne, tamattominga tunijerᴋovlugo ilipsingnut.

Nagligosungnersaujoᴋangilaᴋ imaitomit, inôserminik tunijomit ilannârijane pivlugit.

Akkerᴋut uvamnêtut ilûnnaita paungaᴋarpangitut pêjarniarpait; ilûnnaitalo paungaᴋarpaktut piungininginik pêjaiviginiarpait, paungaᴋarnersauᴋovlugit.

Tamadja perᴋojara, nagliktigêrᴋovluse, sôrlo nagligigapse.

Tamakutigûna Atâtaga nertortauniarpok, paungaᴋarnialerupse unuktunik, ilinniarteolerluselo uvamnut.

Uvanga napârtôvunga vaineliksak idluartok, Atâtagalo vaineliksatalingmik perorsêvilerijôvok.

Ilumnêtsainangitok egitauniarpok akkerᴋotut, panersârlunelo, katitauniarpullo egitaulutiglo ikomamut, ikoalajuksauvlutik.

Taimâk oᴋarvigivapse, ᴋuviasuteᴋarnera ilipsingnêtsainarᴋovlugo, ᴋuviasungniselo nâmaksivalliaᴋovlugo.

Perᴋojakka malikupsigik, naglingnimnêtsainarpose, Sôrlo uvanga Atâtama perᴋojangit malikapkit, naglingninganêtsainarlungalo.

Mattominga perᴋovapse, nagliktigêrᴋovluse.

Silaksoarmiut ilagigupsigik, silaksoarmiut pitik nagliginajarpait; silaksoarmiulle ilaginginapsigik, anerimalaurapsele silaksoarmiunit: tamanna pivlugo silaksoarmiut ômigivâse.