Известные библейские стихи из Zenezi 3

Поделиться

Tawamhã pi'õ te rowede iwẽ na hã 'madâ. Duré i'rã da te 're ihuri mono da hã te 'madâ'â ze na hã sima 'madâ. Tahawa, ma tô 'râwi duré sina rosa'rata, te te 'rẽne wamhã, za simiza'rese na rowaihu'u wẽ na 're ihâimana mono na hã. Tahawa, ma tô 'mata. Ma tô ti'rẽ. Taha pari, ma tô timro ma tisõ. Tawamhã taha zama ma tô duré oto ti'rẽ.

Wahi hã, uburé tisiré abaze norĩ nhipai u, hâimana nhimiza'rese na te 're hâimana, Uburé Danhib'apito 'Re ihâimana u'âsi mono nhimipoto 'remhã. Tahawa te wahi hã pi'õ sadanha ãne: — E tô sena ma tô 'Re ihâimana u'âsi mono hã aima waihu'u 'wa, rob're ãma uburé rowede 're isimasa mono 'rã hã, 'mairẽne aba tõ da.

Wa za duré aima pisutu 'wa, asi'rui wa'aba na asisada 're aihâimana aba mono da hã. Tawamhã ãne zarina te za asihudu norĩ wa'aba zama si'ru na hã sisada 're hâimana za'ra. Ãhã pi'õ nhihudu norĩ hã te za zahadu wapsi siwi ai'rãihâpâ. Tawamhã a hã te za duré pi'õ nhihudu norĩ hã ipara na'rata wi hã 're i'ahâzu mo.

Tawamhã pi'õi ma, te duré oto tãma tinha ãne: — 'Re aiwasã mono sidâpâsi sa'ẽtẽ na 're robzépata mono da hã wa za aima pisutu. Tahawa ai'ra aima 're poto za'ra mono wamhã, te za sé uptabi na isé hã 're i'azépata mo. Ãhã nherẽ, te za aimro siré 're aihâimana mono da hã asima 're iwẽ u'âsi mo. Ta hã te za duré asib'apito na hã aima 're hâimana oto.

Tawamhã duré asu'u za'ẽtẽ 'rowi te za romhuri pire na hã 're iromhuri u'âsi mo, asazéb da, ti'ai ãma 're aihâimana mono ré, apâ asiti'azéb u. E marĩ wa. Ti'a 'manharĩ na dâ'âsina, a hã. Duré a hã ti'ai 'manharĩ wa, te za apâ asiti'a.

Taha pari, te duré Adãhã ma, 'Re ihâimana u'âsi mono hã tãma tinha ãne: — Aimro mreme wapari wa, ma rob'rã hã i'rẽ, te aiwi isawi wa'wa hã. Ãhã u'âbâmhã, wa za ti'ai ma hã pisutu, wasété u'âsi 're sa'wari mono da. Tahawa, te za ti'ai hawi rob're asazéb da, ibâ na aima 're hâimana mono da hã 're iromhuri za'ẽtẽ mo, ti'a 're aihâimana mono ré.

Tawamhã 'Re ihâimana u'âsi mono te sadanha ãne: — E 'wa ma tô ai'uréiwi aihâimana na hã aima waihu'u. E ma tô rowede 'rã te aiwi isawi hã i'mai'rẽ.

Tawamhã duré oto rob're 're ihâimana mono hawi aibâ te te satõrĩ wamhã, ma tô rob're bâtâ pusizém niwĩ ihâimana ãma sõré, hâiwa ãma romhuri'wa isiptete norĩ si hã. Sib'ézé 'wapa 'wa ro'o ré hã ma tô duré tisã, te te nasi irowaimrami mono da hã. Ãne 'Re ihâimana u'âsi mono, ma tô 'manha, ni'wa hã ãhã rowede 'rã da te 're huri mono wa, dadâ'â ãna 're idanomro u'âsi mono zé rowede tẽme 'râwi wisi tõ da hã.

Tawamhã aibâ, ma tô timro hã sisi Ewa na, uburé dana na'rata na za 're hâimana mono dâ'âsina.