Известные библейские стихи из Jaan 1

Поделиться

‑Mülü kä 'fɩɔ 'nyierea' 'iin 'klɩ, ü toroa' 'iin plɛ nɩ, 'i nrörö 'üün Nyɔsʋaa 'tasɩrɩa 'jü 'lɩ.

Nyɔsʋaa 'Papawii bä kä ‑plɩɩ 'fɩɔwʋ 'plä nya 'mä 'kä kolo. Nyɔsʋaa 'Papawii nyra Nyɔsʋa kʋ kä ‑wälɩ; Nyɔsʋaa 'Papawii bä kä Nyɔsʋalɔ.

‑Srɩlɩ pala 'jöjrüükpü 'lɩ, 'jöjrüükpü 'nyɩ 'lɩ ‑srɩ ‑a 'kʋɛɛ.

Nyɔsʋaa 'Papawiili nya srörö nyɔɔ 'lɩ, 'ɔnya kʋ ana ‑tɔrʋpɩɔ. Anya 'jä 'ɔa 'wliklɩ 'bʋabʋakʋ; 'wliklɩ 'bʋabʋakʋlʋ Tʋ ‑nyɩa' 'ɔa 'Jʋ 'doo 'doo. ‑Gbinanakʋ ‑bɛ 'cɩcasa 'si 'ɔɔn 'lɩ.

'Ii diia 'fɩɔ ‑srörö kälɩ 'inya nrörö, ima 'nyɩ 'lɩ ‑a bä, dɩjɔ 'doo ‑nëmä nrörö ‑a nrörö. 'Ii 'lɩ 'klä bä kä, 'klä nya bä nyüüa ‑srɩ.

‑Srɩ ‑gbaa' kä nɩ, Jaan 'jääa' Jesu ‑bɛ 'ɔ jaraa' 'ɔa 'pɛlɩ nɩ, 'ɔ ‑nëma: «‑Jää Nyɔsʋaa ‑Bablëëjʋlɔ 'baa' 'lɩ 'pläa ‑balʋ.

'I bä kä 'pläa 'mlɩ, 'ii 'plä ‑srörö kälɩ 'änya nrörö, ‑maa 'plä 'nyɩ 'imɩ ‑a jre. 'Inya ji 'ia 'mʋgbɛa ‑glügbö 'klɩ, ‑maa 'ia ‑glügbönyüü 'nyɩ 'iin 'lɩ ‑a 'kʋɛɛ.

'Iili ni, 'iibä kä 'tasɩrɩa ‑srɩ. ‑Srɩlɩ jöa' 'pläa 'mlɩ nɩ, 'ii pala nyüüa 'fɩɔ ‑gälɩ.

'Iibä, ‑Dɔ jara Moisë kälɩ; Nyɔsʋaa ‑gbinanakʋ nyra 'cɩcasa nya jara Jesu 'Kriisë kälɩ.