Известные библейские стихи из San Lucas 17

Поделиться

Saa ndi̱kaꞌan Jesús xiꞌin ra, káchi ra saa: ―Kundichi kuáꞌan, xa ndu̱vaꞌa un chi ndáa ni ini un yeꞌe ―káchi Jesús xiꞌin ra.

Vani uxa ichí íkan ra ya väꞌa xiꞌin ndo iin kivi, sundi tá tu vaxi ra uxa saa ichí nuu ndo káꞌan ra xiꞌin ndo: “Ndíko koo ini i xaa kaꞌnu ini un xaꞌa i”, káchi ra xiꞌin ndo, ta xaa kaꞌnu ini ndo xaꞌa ra ―káchi Jesús xiꞌin nda ítaꞌan xiꞌin ra.

Tá xi̱ni iin ra ikán ndu̱vaꞌa ra, saa ndi̱ko koo ra nuu Jesús káꞌan ra, ndee ni káꞌan ra ya vaꞌa xaꞌa Ndioxi. Ñaa si̱kusiti ra nuu Jesús. Nda nuu ñuꞌú ndi̱kuita ndee ra táxi ra tixaꞌvi ndaꞌa ra. Ta ni süvi ra Israel ku ra, ra ñuu Samaria ku ra.

Yakan kua kuenta ni koo ndóꞌo̱. Tá íyo iin ra ñani ndo íkan ya väꞌa xiꞌin ndo, ta kaꞌan ndo xiꞌin ra ná ïkan ka ra saa xiꞌin ndo. Tá tu ndíko koo ini ra xaꞌa ya íkan ra xiꞌin ndo, ta vaꞌa xaa kaꞌnu ni ndo xaꞌa ra.

Saa ndi̱kaꞌan Jesús, káchi ra saa: ―¿Án süvi uxi ku ndo ndu̱vaꞌa? Ta ¿máꞌa inka ka i̱in nda ikán?

Saa ndi̱kuiin Tata yo Jesús káchi ra saa: ―Tá ndáa ni ini ndo xíni ndo Ndioxi, vani loꞌo paꞌa tíin tá káa ndikin siꞌva mostaza saa ndáa ini ndo ra. Ta saa vaꞌa kaꞌan ndo xiꞌin itun sicómoro, vani kúnu ni ndíkaa tioꞌo nu ta keta nu kuꞌun nu ndikaa nu ini nduta ñûꞌu chi kuni soꞌo nu tuꞌun káꞌan ndo ―káchi Jesús xiꞌin nda.

Chi ndiꞌi na kúni sikaku mií, ta na ndáñuꞌu va ku na, tá ndá na síndiꞌi xaꞌa mií ya ndíkun na yeꞌe, na ñaa ku na kuchiñu kaku.

Iin kivi ndi̱kaꞌan Jesús xiꞌin nda ítaꞌan xiꞌin ra, káchi ra saa: ―Ndiꞌi saa ñaꞌñu koo naꞌa, na taa sii inka na ya ikan na ya väꞌa. Ta ndaꞌvi ni na íkan saa, chi vaxi kivi ta tixuꞌvi ni na ikan Ndioxi. Vaꞌa ka án yachi ndi̱tikaa na iin yu̱ú itun molinu sukun na ta kiꞌin ñaꞌa na sikana na ini nduta ñûꞌu ya ndiꞌi xaꞌa na, ya ná täa sii na na vali ndíkun sata i ya kiꞌvi na kuachi.

Tá xa ku̱yati kivi ndiko koo yeꞌe ku Taa ra xa̱a ñuu ivi yóꞌó, ta tá ku̱u tiempo ya ndi̱xika ra Noé saa kuu. Chi saa ku̱u kivi ndi̱xika ra Noé, nda iin na köo ndi̱xika ini kuvi na. Sítindaꞌa na seꞌe na, xíxi na tin xíꞌi va na. Saa i̱kan na nda kivi ndi̱kaꞌan Ndioxi xiꞌin ra Noé kiꞌvi ra ini itun barco. Tá ndi̱kiꞌvi ra ini nu, ta saa si̱kuun Ndioxi savi, ta iin ndi̱xiꞌi yaa naꞌa i̱kan rá.