Известные библейские стихи из Yowani 12

Поделиться

Akaba emundu áhonda ábe muanda wanyi, byěmire anyíkulikire. Ne'chisiki cha nyingába'mo, mu nai angánaba. Na akaba emundu ànganyikorera, kuika Tata anámwerese etunda.

«Ola ùsimire ekalamo kai akáesa'ko. Si ola ukákahomba mango àchiri muno butala, yeke akálanga'ko kwa kubona ekalamo ke'suku ne'mango.

Kubinali, nábabura kwa enjimi ye'bulo, akaba ìtangatowera mwa lutaka na yáfa, eri ingánaendekera kushiba njimi oshâo. Si akaba ìngafira'mo, aola yera ìngeka bifuma binene.

Nyono náikire muno butala nga mundu ola wàrechire ebulangare. Rero, ola wànyêmerere àtangachiba mwa musimya.

«Si akaba emundu àngaba omvíre emyasi yanyi, kanji anáne ekuilánga mwa muchima wai, atá nyi nyingámuchinjibusa. Bushi ndaíkire muno butala kwa kuchinjibusa ebandu, si náikire'mo, chasiya nyìbanunule.

Chasinda, Mariya era kutola chimbi cha litere cha marashi ma chichiro chinene busese. Amu marashi, mábaa makúnganyisibwe mwa bwaso bwe'muchi we'narito oshâo. Era kumakaba Yesu kwa bihando, chasinda era kutangirisa ámahangula ne'mviri sai. Ebumba bwa'mu marashi, bwera kwêhula mwa nyumba yoshi.

Bushi no'ku, bera kutolanga emangarara na bátenga mwa musi báye kumuhuukasa. Bera kuenda báteta na murenge munene mbu: «Hosana! Ono wěshire kwe'sina lya Enawetu iwàahanyirwe!» Kanji i'na Mwami we'Baisiraeli!

Yesu era kubǎkula mbu: «Rero echihangi chaíkire mira, cha nyono nyi Mwana we'Mundu* nyingérusibwa mwe'tunda!