Известные библейские стихи из Yowani 1

Поделиться

Si boshi ba bámuhuukasaa na kumwemerera mwa michima yabo, beke áberesise ebuashi bwe'kuba bana ba Ongo.

Mwa ndangiriso, era muhondo se'kubumba chira kandu, Wachinwa ábaa era anátula'o. Kanji mwe'si suku, Wachinwa ábaa àli ala'uma na Ongo, kanji iwánabaa Ongo kanangana.

Obu bulangare, bwéndee bwálomeka mwa musimya. Ne'musimya chiro ákaala kusimya'bo.

Wachinwa áhubire mundu. Era kuba no'mwa kachi-kachi ketu, éte na bonjo bunene na myasi ya kanangana. Twera kunalola no'kwa bulangare bwai bwa ábaa atúsa. Obu bulangare, Ongo Tata yeine iwêresaa'bo eMwana wai we'chihwa.

Ongo ábumbaa ebindu byoshi, kurengera Wachinwa. Rero, kutáli chiro na kandu kasibya ka kábumbwaa busira'i. Mwo'yu Wachinwa, mu mwábaa mutúla ekalamo. Na'ku kalamo, bu bwábaa bulangare kwa bandu.

Ábere mwe'i mishangya, Yowani era kulola ku'Yesu ábaha ofu nai. Era kubura ebandu mbu: «Onola i'Mwana we'Mbuli wa Ongo, ola wénde wákula ebibi bye'bandu bo'mwa butala!

Si mango ábaa era àli muno butala, besha'mo chiro bákamumenyerera, no'ku iwábumbaa'bo. Áikaa no'mwa lubaa lwabo, si banyakabo nabo chiro bákanamuhuukasa.

Wachinwa iwábaa bulangare bwe'kanangana. Obu bulangare bwáikire mwa butala na bu bwénde bwálomekera ebandu boshi.

Ongo átweresaa eMwaso* kurengera Musa. Si ebonjo ne'myasi ye'kanangana byeke, ábiretaa kurengera Yesu Kirisito.