Известные библейские стихи из เห่ขุทวาลู่ 15

Поделиться

คูอับราม หยื่อเอ่ จอแปแหร่ ตูจูเพร อาขว่าอาคยา, จอแปแหร่ แด่ เฮ๊อ ลู ฮู๊ แกแยจ๊อแกแยเต เตเพร.

เบ๊อะ คูอับราม เมแลเปล๊ หนิแก คูโลท โทเนอ, อา แม๊เถอะลว๊า เต เต๊อเจ่อ เร๊อ จอแปแหร่ ตูจูเพร เฮ๊เบ่ตา ลู เน๊อ, “เก๋อ คูอับราม, ซิอิเช แต่ เตอเจ๋อ แต่เหม่ นี๋. แว เก่ ตอกอเตเก เร๊อดื่อ เน ปา, โท๊โต่ แว เก่ เด๊อะโป่ เน เตเมหนิ คว๊าเก่ เด๊อ อาแร๊ดุเล๊อ เออเนอ ปา.”

จอแปแหร่ เอ๊เถ่ คูอับราม เด๊อ เหล่สื่อกลอ เร๊อ อา เฮ๊ ลู เน๊อ, “แม๊แถ่ เด๊อ ม๊อเลเนอ, เน เก่ แด๊เบ๊ เร๊อ แด๊ แม๊แม๊ ล๋อ เฉ่ เนอเต๊เห่.” โทเร๊อ อา เฮ๊ ลู เน๊อ, “เนพู๊เนเหลอ เนกลุยเนแล เก่ โอ่โหร่โอ่เอ๊ แซ่เจ๊อเน๊อ เฉ่ เด๊อ ม๊อเล เนอเต๊เห่ ปา.”

ตื๊อดื่อเร๊อ จอแปแหร่ ตูจูเพร อ๊อแล ลู เน๊อ, “เนหลู่ คูเอลีเยเซอร์ เออ อา พย๊าหนิแจ่ เน๊อ เนอู่เจเต๊เหย่ โต่, ตื๊อแพ๊ เนพู๊เร๊อดื่อ เน๊อ เนเหน่ เตเพร เก่ พย๊า เนอู่เจเต๊เหย่ ปา.”

เร๊อ จอแปแหร่ เฮ๊ตา ลู เด๊อ เตโอ่เมอแหม่ อากูเนอ เน๊อ, “ซิเง ตาเต เร๊อดื่อ เน๊อ เนกลุยเนลุ๊ย เต๊เห่เนอ, อา เก่ จว๊าทวา ซิเผระ เด๊อ อูเทออูเก่กู ปา. เหย่ซี เก่ จว๊าทวา อูหลู่ เบ๊อะเนอ ปา, เร๊อ อู เก่ เมจาเมจือ เหย่ซี อาหน่า ลุยเย เจ๊อ ปา.

หม่าแน๊เรอ คูอับราม เฮ๊ฉื่อ คยาแซ๊ เน๊อ, “เก๋อ แบ่เจ่ จอแปแหร่ ตูจูเพร, เน เกเร เด๊อะแจ่ แว เตเมหนิ คว๊าเก่ เด๊อ อาแร๊ดุเล๊อ หม่าอิเต ปา? แวพู๊ โอ่ เกอ เตเพร๊โต่ อาขว่าอาคยา, เพร เด๊อ อา เก่ พย๊าหนิ แวอู่เจเต๊เหย่ เนอหม่า ตื๊อแพ๊ วีดามัสกัสพู๊ คูเอลีเยเซอร์ เด๊อ อา ทวา แวหลู่ เออเตเพร แพ๊.”

เบ๊อะเนอ เตอเนอเร๊อ จอแปแหร่ ตูจูเพร อ๊อแล อาโหง่ เน๊อ คูอับราม เร๊อ อา เฮ๊ ลู เน๊อ, “เป๊อแถ่ เด๊อ อียิปต์เก่กือ แลโหมะ เนอเร๊อ อา โต่ เด๊อ ยูเฟรติส เทอแลโหมะดุ เนอ, แว อ๊อแลนอแล เฮ๊อ เน๊อ เก่เออ แว เด๊อะ เน๊อ เนกลุยเนลุ๊ย ตากาแล เต๊เห่ เฮ๊อ.

โทเร๊อ แว โอ่ป่อ โต่ เด๊อ อาโมไรต์ เมวเจ่อพู๊ เออเต๊เห่ อา เม เตซื๊อเตปล๊า ดุ แหน่เจ๊อเฮ๊อ ปา ตื๊อหม่า แว เก่ เมจา เหว่เถ่แก โหน่ เหย่ซีปา อาขว่าอาคยา, เนกลุยเนแล ตากาแล ลุยทือ ตือทือ ปา ตื๊อหม่า เหย่ซีกา โต่คยา แลแค เบ๊อะ เก่กูเออ ปา แพ๊.”