Известные библейские стихи из Lwiikö 18

Поделиться

Zezwii gbää sa'a 'ɔ ‑gänɩwaa a dɛ 'wëë, 'n ɔ yuëë 'nine 'pänɩ ɔ 'kʋä 'dɩ 'mö zʋ nɩɩ, Lagɔ a bhibhebhibhe dɔ'wʋ, swɩ nɩ tuë 'kwädlɩ yɔwʋ 'kunɩ.

‑Lɛ yɩ ‑gömö, 'n ‑Alowli yi'ɛɛ nɩɩ: «‑Zijlitunyɔ 'la ‑ɔɔɔ ɔbhlɩ 'mö zlɔnɩɩ, ɔ yɩlɩ'ɛ nglɔ 'la a wɛlɩɩ 'klʋʋ, mɛɛ 'kä zi'e Lagɔ ‑ɔ zlɔnɩɛ 'mö, ɔ ‑nʋa ɔ ‑sɛɛ ‑lɛ, wa nʋä 'kwädlɩ mä'ä dʋdʋ 'wʋ ‑bi 'wʋ, 'n wa 'winɔɔ zila 'wuë 'mö 'möö, mɔɔ 'naa 'kä bhä wa wɛlɩ 'klʋ yɩlɩ ‑a? ‑Maa ɔ 'kʋä 'wʋ yi a dɔ'wʋ, a pä bhä dlɩ nɩɩ, ‑lɛ 'mö a 'kä bhä gwälɛ ‑a? N nyanyɩ 'dɩ nɩɩ: Ɔ 'kʋä 'wʋ yi ɔ 'kʋä ‑li 'la 'wuë ngli ‑sɛ a dɔ'wʋ, ‑lɛ 'naa 'kä 'mö gwälɛ. ‑Maa nɩkpɛ a 'Yu ‑kä yii, nɩkpa a ‑muëë 'tɛɛnɔɔ dlɩɩ, ɔ yuë bhä mä'ä dʋdʋ 'wʋ ghlɩ ‑a?»

Zezwii lɛ naa: «'Saa 'tɛɛnɩɛ nɩkpɛ kɛ'mö tenyii, Lagɔ a dɔ'wʋ yɩ'ɩɛ 'mö 'tɛɛ 'lɩlɩlɩ.»

‑Maa sɛ ɔ 'plɩplɩnɩɛ sa'a ‑mä 'mö 'yize, ‑zijlitunyɔ 'nɩ yiloo 'klʋ. Sa'a ‑këë, 'n ‑zijlitunyɔ a'bhë yia'aa nɩɩ: 'Ɔ! ‑Tiamö abhlɩ, Lagɔ a 'bɛyɩ, na gbʋ 'nɩɛ ‑mä ‑wʋ, n'n zʋ'ɛ nɩkpɛ 'klʋkpamö. ‑Maa 'kuzlenglɔ nɩ, 'nyɩɛ ɔ yɔlɔaa tenyii zaa, 'ɔ wɛlɩɩ n 'kɩɛ ‑ka 'klʋ yɩlɩ n 'kɩ 'wlu ‑dɩ. ‑Maa 'n n 'nɩ ‑sɩbhä 'zʋʋ, mä'ä ɔ 'kää 'mö 'tʋtʋnɩ 'yize, ɔ ‑tɩɩa'a na a bhäla gbʋ 'wʋ sɛ bhlɩ.»

‑Tiamö n nyanyɩɛ dɛ'ɛ 'dɩ nɩɩ, ‑ɔnyɩ dlɩɩ 'nɩ 'yu a ‑nɛ a sɛ 'zʋ, 'pɩwʋ mää Lagɔ 'kämanɩɛ, ɔ 'naa 'kä ‑mä 'bhle ghlɩ 'lɩlɩlɩ.»

‑Maa Zezwii, ɔnyɩ ɔ wäzɩnɩɛ 'yuë 'tikïyiea yɔwʋ, ɔ lɛ naa: «A nɩ ‑sɛ yuëa kɛ yɔwʋ, wa ‑kaa yɔwʋ yi, ‑maa a nɩ tuë 'yio 'wʋ ‑sɛ. Ɛ'ɛ ‑bhö nyɩasɛ, ‑maa nɩkpa a ‑muëë ‑wʋä wa saa, 'pɩwʋ mää Lagɔ 'kämanɩɛ, mʋa 'kää ‑mä 'bhle ghlɩ.

Ɔ lɛ naa: «Sɛ ‑n 'tɛɛnɩɛ Lagɔ dlɩ a za, ‑n yɛ yɛmanɩ. Zaa, ‑na'a yilaa nɩ do.»

Zezwii lɛ naa: «'Saa ɔ n laa ‑ɔ ‑gä kɛ? ‑Ɔ 'kää kɛ ‑gää, ɔ'ɔɔ ‑bhölɩ 'n ɛ 'nɩ ‑bhö Lagɔ a 'yize mɔɔ.