1
Lwiikö 11:13
BdG2
Zaa, abhʋaa glɩnɩɛ abhlɩ 'kpʋkpʋwaa, a ‑yi'ɛ 'a yuëa ‑li a ‑li a 'nyɛsɛɛ, mɛɛ 'kä zi'e a Dɩba ‑ɔ ‑wʋ ‑mä ghäyɩ 'wʋ, 'n 'ɔ yuëa ‑kɔɔ 'Wugɔmʋʋ 'Wlɩlɩ 'yɩbhänɩɩ, mɔɔ 'naa 'kʋänyɩ bhä ‑gömö 'zʋ ‑a?»
Сравнить
Изучить Lwiikö 11:13
2
Lwiikö 11:9
Nza n nyanyɩɛ 'dɩ nɩɩ, a nɩ zɛla ‑maa wa yeanyɩ 'nyɛ. A nɩ tɛlɩ sɛ ‑maa a yi ghlɩ. A nɩ bhɔtɔ ‑gbïlii, ‑maa wa yi ‑lɛ kälɩ.
Изучить Lwiikö 11:9
3
Lwiikö 11:10
Ɛ'ɛ ‑bhö nyɩasɛ, ‑maa ‑ɔ zɛlaa, 'mö wa nyɛɛ. ‑Ɔ tɛlɩɛ sɛɛ, mɔɔ ghlɩɛ. ‑Ɔ ‑wʋä ‑lɛ ngloluë 'wʋ ‑ɔ bhɔtɔɔ, ɔ za wa kälɩɛ ‑lɛ.
Изучить Lwiikö 11:10
4
Lwiikö 11:2
Zezwii lɛ naa: «A ‑kä Lagɔ bhibhee, a nɩ nʋ nɩɩ: ‑Aa dɩba Lagɔ, nɩkpa 'wuë nɩ 'ghlimanɩ ‑na 'nglɩ. ‑Na'a 'kämanɔɔ nɩ ghlɛ glɔ.
Изучить Lwiikö 11:2
5
Lwiikö 11:4
‑Yaya, 'tatinɩ ‑a'a 'nyinylolii a gbʋʋ 'yi. Ɛ'ɛ ‑bhö nyɩasɛ ‑maa, nɩkpaa ‑kanyɩ 'nyinyloli 'wlu nʋʋ, ‑a 'tatinɩ yɩ gbʋ 'yi. ‑Tɩnyɩ 'yi 'tatinɩ, ‑a nɩ tɩ 'nyinyloli 'mö bhlinɩ.»
Изучить Lwiikö 11:4
6
Lwiikö 11:3
Sɛɛ zila zɩɛ 'yize, ‑a'a 'saa ‑a 'kää lii, nyɩanyu.
Изучить Lwiikö 11:3
7
Lwiikö 11:34
Nɩkpɛ a 'yila, yɩ 'kä ‑bhɩɛ 'napɛ. ‑Na'a yilaa ‑kä sasɛ lɩɩ, ‑na 'wuë lɩlɛ 'mö ‑n nɛmöä. ‑Maa 'n yɩ ‑kä 'klʋ yuluu, ‑na 'wuë 'yuylukwë 'mö ‑n nɛmöä.
Изучить Lwiikö 11:34
8
Lwiikö 11:33
«Nɩkpɛ a ‑mɔɔ 'kä 'napɛ 'yi ‑dɩ 'wë, ‑ɔ 'kɛ zizaa, ‑ɔ 'kɛ'ɛ ‑käka zɛmö 'zʋʋ, ɔ'ɔɔ ‑bhölɩ. ‑Maa wa ‑kä 'napɛ 'yi ‑dɩɩ, ghäyɩ wa bizee, nzɩɩ ‑wa plɛɛ ‑mä ‑budu 'mö 'käa sasɛ sɛ yɩlɩɩ.
Изучить Lwiikö 11:33
Домой
Библия
Планы
Видео