Известные библейские стихи из LUKAX 14

Поделиться

“Phan pui tix kaux kaux hoek ka Aux, ang koeng ka miex tix, keeing tix, moeng tix, kawn praix tix, puxaik tix, nan tix mai khawm ju tix kawx, nawh ang pon ti mawh kawncau Aux heue.

Pui mawx ang ah, pa ang klawm khaox lhak tokaux tix mai hawt khaix Aux, ang pon ti mawh kawncau Aux heue.

Mawh kheu pui mawx ang ah, pa yaog tokaux tix lhaong, tak sang yeen nawh tiem mai pui mawx ang ah, pa yuh tokaux tix tiem, tak sang yaog nawh lhaong heue.”

Mawh kheu nan ka daux pex, pui mawx ang ah pa ang tik ang grham ceu pa koe tokaux tix khawmuik, ang pon ti mawh kawncau Aux heue.

Mawh kheu ka daux pex koe pui mawx, pa simie ti yuh nyiex lhaong, pa ang ngawm phao ka mai sawn ti yaox grawh grawng sang uik miex ding mai grawh grawng nawh koe mau sang kub ti yuh tom hoik lie, ang kub lie? Phan ang mawh nan, khaix hoik kaw nawh num, ha nawh ang pon yuh tom hoik, pui khawmuik tak ne raw ka nawh, ah nin, pui in jah ti sum mai ang pon yuh tom hoik heue.

Viang mawh nan yam yuh maix pawie, kok pui hot pui sibhawm mai pui laux maung mai pui laux caong mai pui dug ngai khankix, mai maix tak pon bwanson heue. Mawh kheu kix ang pon deeh pawk bwanson maix heue. Daux bawg yam deeh kaoh pui rahsee khankix sax maix tak sang deeh pon bwanson heue.”

Kih kienie mawh pa mhawm, viang mawh kih kawx, phan pa laoh nawh hoik grai, tak sang deeh teei pa chix kieh nawh laoh yuh ka mawx? Ang mhawm son haktiex, viang mawh son pum phon kawx ang mhawm. Pui tik nawh plak praix khaing. Kaw pa koe yhaok ti mhong, kieh nawh mhong heue.”