Известные библейские стихи из Yòwanìrzɛ̀ 8

Поделиться

Yerzù à mà òhwìrzɛ̀nɛ̀ hvɛ hwatò, à mà òhwa nanù ema, “Imba ndì na hwèlì etùlù ya e rze. È mɔ̀ ema a nò nɔŋgi a rza tanɛ lì ɛ̀ndɛ ò jìtìtì, ndi à ò hwɛnɛ etùlù ya lòŋgɛ.”

Àŋga nanù e hwiya e jɔ̀kɛ̀, ndèŋgànɛ̀lɛ̀ èŋge jɔ̀kɛ̀ yɔ ndì ye ŋgba wònjà.”

Hwàŋga hwatò hwa Lohwà ema hwà mà lòkɛ̀ Yerzù mɔ̀ à mà hwa òhweyà nanù ema, “È alɛ̀mbɛnɛyi tɛ hwèyòkòlelì hwe ami, ò ma e hwèlì ndi Hwà-òkòwèlì hwa ami hwa jɔ̀kɛ̀.

O èŋgànɛ̀lɛ̀ rzɔ è Ŋmanà wà mùnyanà wa ama Lohwɛ̀ a o rzòlòhwì tɛ wònjà nanù òma ò hwɛmɛhwi wònjà na e jɔ̀kɛ̀.

Wɔ̀ hwà mà tìmba hvɛ lì mò ijòwa mene miijòwelì. Rzìi à tɛ̀mɛ̀, a hwa òhweyà nanù ema, “O hwèlì tɛ mɔ̀kɔ wa anyu anù ema a rza òhvɛ wòhwe, inyɛ mɔ̀ à hwɛ e wa wòrzò ò lì mò aŋgba lìŋyàyi”

Yerzù à mà hwa alàhwɛ̀ nanù ema, “Nà e òhweyà ndi e jɔ̀kɛ̀, tɔ̀ ima mòtò ema a gbèe wòhwe a hwèlì ndi mòkòme ò wòhwe.

Yerzù rzìi a tɛ̀mɛ̀nɛ ò ŋmanyu, a rzi ɛnɛ hvɛ tɔ̀ mòtò lì aka tɛ òŋgò mòlanà mɛnɛ. A mò ijòwa nanù ema, “Mòlanà òne wɔ̀ hwa hwèlì e? Tɔ̀ mòtò tɔ̀ mɔ̀kɔ a rza ò tùulɛ̀ e?” Oŋgò mòlanà à mà mò alàhwɛ̀ nanù ema, “Wa èluhwe kòkò, tɔ̀ mɔ̀kɔ.” Yerzù rzìi a mò òhweyà nanù ema, “Tɔ̀ imba hvɛ na rza ò tùulɛ̀. Ɛ̀ndɛ nàŋgɛ ò hwɛmɛ lòŋgɛ lì aŋgɔ̀ la wòhwe.”