Известные библейские стихи из ማ̈ቶ̈ሳ 5

Поделиться

ኣሲ ፎኢን ፎ̈ኢሳሪ ኣ̈ል ዎ ኣሳ̈ብ ዎይ ፎ̈ኣምፔ̈ኒ ሾካ̇ ቤስ̇ ጋልዳ ጋዲ̇̈ርዶኬ ኦት ጋርታ̇ ጋዲባ̈ሴ። ዪና̇ ኢዝፌ̈ን ዪንታ̇ ኮሽ ኦ̈ሲን ኣሳን ቤቃ̇ሪ ኣፋ ዎ ዪንታ̇ ባ̈ባ̈ ቦንቻ̇ምፔ̈ኒ ዪንታ̇ ፎኢንንዳ̇ ኣሳ ቲ̈ን ፎ̈ኦጋ̈ቤ።

“ዪንቲ̇ ኣሳቦ ፎኢንፌ̈ኔ። ኢንዳ ጋልዳ ዎ ካታሚን ጌ̈ሚታንዳብ ዳንዳኣባሴ።

ቡ̈ዳ ጌ̈ሽ ማ̈ቂ̇ኖን፥ ኢንቲ̇ ጾ̈ሳ̇̇ ቤቂ̇ዛኮታ̇ቦ ኣንጂንቲኖን።

ኣሲ ፊ̈ሻብ ጋፍሲንታ̇ዚንዲፌ̈ንኬ ዋ̈ብ ባ̈ርሲንታ̇ዚንዲፌ̈ኒ ጾ̈ሳ̇̇ ቲ̈ን ጺላ̇ ባዝ ኦ̈ንዳ ኮዪዛን፥ ጾ̈ሲ̇ ኢንታ̇ ሚሺ̇ዛኮታ̇ቦ ኢንቲ̇ ኣንጂንቲ̇ኖን፥

ቴ ዪንታ̇ኮ፥ ዪንታ̇ ጻ̈ላታን ካብቴ ዪንታ̇ ባ̈ዲ̇ዛን ኣንጂብቴ̇፤ ዪንታ̇ ኢጺ̇ዛንቦ ኮሽ ባዝ ኦ̈ብቴ̇፤ ዪንታ̇ብ ኢ̈ት ኦዛንብኬ ዪንታ̇ ዳኪ̇ዛንቦ ዎ̈ሲ̇ብቴ ጋ̈ሬ።

ፌ̈ብ ኮሺ̇ዝ ባዝ ዎይ̈ቦ ጾ̈ሳ̇̇̈ባር ኣማ̇ኒንቲ̇ዛን፥ ጾ̈ሳ̇̇ ካ̈ቲቲን ኢንቴይ ማ̈ቂኖኮታ̇ቦ ኢንቲ̇ ኣንጂንቲኖን።

ኣስ ኢጊንዛን፥ ኢንቲ̇ ጾ̈ሳ̇̇ ናኤ ጌዪ ጼይጊንቲ̇ዛኮታ̇ቦ ኣንጂንቲኖን፥

ኣዛ̇ኒዛን ጾ̈ሳ̇̇ ኢንታ̇ ሚን̈ዛኮታ̇ቦ፥ ኢንቲ̇ ኣንጂንቲኖን።

ጺሊ̇ቲኮታ̇ቦ ጋ̈ሪ ዳኪንቲ̇ዛን፥ ጾ̈ሳ̇̇ ካ̈ቲቲን ኢንቴ̇ይ ማ̈ቂ̇ኖኮታ̇ቦ ኢንቲ̇ ኣንጂንቲኖን።

ኣስ ማ̈ሪዛን፥ ጾ̈ሳ̇̇ ቲ̈ናፖ̇ ማ̈ሪቲ ዲጚዛኮታ̇ቦ ኢንቲ̇ ኣንጂንቲ̇ኖን።

“ቴ ጊሻ̇ቦ ጋ̈ሪ ኣሳን ዪንታ̇ ቆ̈ምባራ ዎይ ዪንታ̇ ዳካ̇ምባራ ኢ̈ታ ባዝ ዎይባራ ማቃባር ዪንታ̇ ሱም ኢ̈ሳ̇ምባራ ዪንቲ̇ ኡፋይቲ̇ብቴ̇። ኣፋ ጾ̈ሳ̇̇ ቲ̈ን ዪንቲ̇ ኤካ̇ዝ ጋቲን ጴች ማ̈ቂ̇ኖኮታ̇ቦ ጴች ኡፋይቲ̇ብቴ̇። ኣባ ጌይንዶ̇፥ ዪንታ̇ፖ ቲ̈ን ዎ ናባን ዪንታ̇ፌ̈ን ዳኪንቲ̇ ሜታ ኤኪ̇ኔ”

ፌ̈ና ዪርክ ዪርክ ዎቲዛን፥ ሳ̈ዚ ዎይ ኢንቴ̇ይ ማ̈ቂ̇ዛኮታ̇̇̇ቦ ኣንጂንቲ̇ኖን።

“ዪንቲ̇ ኣሳቦ ማጺናፌ̈ኔ። ማጺኖ ፌ ቃ̈ን ኣሼጌይን ዎዛ̈ርታ̇ር ኢያ ማሂ ቃ̈ጺሳንዳ̇ ዳንዳኢ̈ራ? ዛ̈ና ቶጚን ኣሳ ቶህባራ ዬንቲ̈ርዶኬ ዎሃ ኣባካባር ማ̈ዲባ̈ሴ።

ዪ̈ኮታ̇ቦ ኣፎ ዪንታ̇ ባ̈ባ̈ዲ ዉርሲ ማዛ ኢ ጋልዳ ባዮ̇ንዲፌ̈ኒ፥ ዪንታ̇ሬ ዉርሲ ዪንታ ̇ጋልዳ ማዛ ባዮ̇ ኣስ ማ̈ቂ̇ብቴ።

ዪ̈ኮታ̇ቦ ዪንታ ሶ̈ሊንዳ̇፥ ኣዓ ጌይርኮ̇ ‘ኣዓ’ ዎይ ኣቴ̇ጌይን ‘ዋኣኬ’ ጌይርኮ̇ ‘ዋኣኬ’ ጌብቴ። ዪኒ̇ፖ ኣቲ̇ኖ ሶ̈ሊን ዎይ ሴ̈ጣናፖ ዬይዝ ሶ̈ላ።

“ ‘ኣሳ ኣ̈ፍ ኬ̈ሲኖ ና̈ሳቦ ኢ ኣ̈ፊን ኬሶ̇፥ ና̈ሳ ኣች ኬ̈ርሲኖ̈ቦ ኢ ኣቺ̇ን ኬ̈ርሶ’ ጌይኖን ዪንቲ̇ ሲስኪ̇ኔ። ዎቲናካር ቴ ዪንታ̇ክ ጋ̈ዚንዳ፥ ዪንታ̇ብ ኢ̈ት ኦ̈ኖ ኣሳቦ ኢ̈ት ኦ̈ ማሃፒ̇ቴ̇፥ ኔ ቢዢን ኡሻቺ̇ን ባቂ̇ኖቦ ጉጃር ዓዲ̇ርሲን ቢሪንር ቤይሳቤ።

ኔ ኣ̈ፍ ኡሻቺ̇ን ኔ̈ና ናጋራ ኦ̈ሳ̈ርኮ፥ ኔ ኢዞ ዎ̈ጫ ኬሳ̇ ፋይቤ። ኔ ኣሲቲን ዎይ ሜናብ ቴይቂ̇ባ̈ሶ ታማ ጋርታ̇ ጌላናፖ̇ ኔ ጋሊ̇ን ጋልዳፖ̇ ፔታ̇ኒንዳ̇ ያዚን ኔ̈ብ ኮሼ̇። ኔ ኩሽ ኡሻቺ̇ን ኔ̈ና ናጋራ ኦ̈ሳ̈ርኮ፥ ኔ ኢዞ ቃጻ̇ር ቶጛቤ። ኔ ኣሲቲን ዎይ ሜናብ ቴይቂ̇ባ̈ሶ ታማ ጋርታ̇ ጌላናፖ̇ ኔ ጋሊ̇ን ጋልዳፖ̇ ፔታ̇ኒንዳ̇ ያዚን ኔ̈ብ ኮሼ̇።