Известные библейские стихи из Ijɔ̍ɔn 15

Поделиться

“Ami re̍ka ɔchi̍ kpakpa, ala̍ re̍ka a̍bɔ̄ yī ɔchi̍ ɔla̍ā a̍nɛ. Ɔ̄chɛ nīi ge̍ hɔ̄ la ami nīi ami titi hɔ̄ la ɔ̄chɛ ɔ̍lɔma̍, ɔlɔjā ge̍ē wa̍ īkpō mwɛbɛ. Wu̍chē oji̍ nɛ, ami i̍ ge̍ tū ni̍, ala̍ i̍ ge̍ē ya̍ lɛlɛ̄lā wɔ̄bɔ̄bɔ̄ yī ala̍ ē mɛ ni̍.

Ala̍ ā hɔ̄ ngmo̍tu̍chɛ̄ ba̍la ami gɛ; ami titi ge̍ē hɔ̄ ba̍la ala̍. Wu̍chē oji̍ nɛ, a̍bɔ̄ yī ɔchi̍ ɔha̍lɔha̍ i̍ ē wa̍ īkpō wɔ̄bɔ̄bɔ̄ yī nū mɛ ni̍. A̍bɔ̄ nīi ge̍ ku la ɔchi̍ kpakpa ma̍, anu̍ ē wa̍ īkpō a̍nɛ. I̍ngi̍ngɔ̍ɔ nīi iyī ala̍ titi lɛ a̍nɛ: ɔ̍chi̍kpa̍kpa̍ ala̍ hɔ̄ la ami, nɛ̄ni̍ ala̍ i̍ ge̍ē wa̍ īkpō mɛ ni̍.

Ala̍ ge̍ hɔ̄ la ami nīi lɛlā yī u ge̍ hɔ̄ la ūkpɔ̄tū yī ala̍, ɔ̍lɔma̍ ala̍ ā chikpo̍ yī ɔjāha̍-ɔjāha̍ nīi ku̍ ala̍ ɔkɔ ma̍ gɛ; ala̍ ge̍ē lɛ ɔjā ɔ̍lɔma̍.

I̍ ala̍ hu um ohōhu a̍ni̍, ami hu ala̍ a̍nɛ. N hu ala̍ nīi ala̍ ge̍ē gāa ge̍ē wa̍ īkpō nīi ē ri̍yɛchɛ ma̍ ē mwɛbɛ. Bū la ɛbɛ ɔla̍ā, ɔjāha̍-ɔjāha̍ nīi ala̍ ge̍ che Ɔwɔ A̍dā ikpo̍ bū la riyī yī u, o̍ ge̍ē de ē de ala̍.

Ɔ̄chɛ ge̍ de ɔhɔ̄leyī yī nū nāa de wu̍chē yī aɛ̍ɛya anu̍, ɔhɔtū ɔna̍ gba̍a hɔ̄ abɔ̍ɔ nīi gla ɔla̍ā ta̍ ma̍?

A̍bɔ̄ yī ɔchi̍ ɔla̍ā nīi i̍ ge̍ē wa̍ īkpō ni̍ ma̍, o̍ ē kpo̍ wā hɛ̍ hunū. A̍bɔ̄ nīi ē wa̍ īkpō ma̍, o̍ gbla̍a aa̍ hwɔhi hwɔhi, hɛ̄ɛbɛ nīi e̍ ē lɛ cha̍cha̍ ē jɔ̍ɔkɔ ē wa̍ īkpō gāa iyɔ̄bū iyɔ̄bū.

Lɛlā yī u nīi n ka hīka ala̍ ge̍ē ya̍ ma̍ hɔ̄ ma̍ a̍nɛ: Ala̍ ā yɔ̍ɔhɔtū yī ɔ̍nyīnū lɔkɔ nīi ami yɔ̍ɔhɔtū yī ala̍ ma̍.

Bū la īkpō ɔwɔ̍ɔ̄wa̍ mwɛbɛ yī ala̍ nīi rīgā yī A̍dā yī u hi̍yɛchɛ a̍nɛ. Bū la ɔpɔ̄pū ɔla̍ā nīi ala̍ ge̍ē bī re̍ka a̍chi̍kpo̍ yī u a̍nɛ.

“Ami re̍ka ɔchi̍ kpakpa a̍nɛ. A̍dā yī u re̍ka ɔ̄chɛ odeyīrɛ ɔchi̍ ɔ̍lɔma̍ a̍nɛ.

Ɔ̄chɛ nīi i̍ ge̍ hɔ̄ la ami ni̍, e̍ ge̍ē de ɔlɔjā hɛ̍ ē ta̍anū bāa a̍bɔ̄ yī ɔchi̍ ma̍ nīi o̍ ē de ē ngmo̍ōngmo̍ ju̍wɛ̍ju̍wɛ̍. Ita yī a̍bɔ̄ yī ɔchi̍ ɛla̍ā, āchɛ ē kpo̍ ge̍ē chīyētū la ɔla̍ nīi e̍ ē de ē wɔla̍.

“Onūma̍, n yɛ ē ka ē de ala̍ hɛ̄ɛbɛ nīi ɔwɔ̄wīyā yī u ge̍ē hɔ̄ la ūkpɔ̄tū yī ala̍, hɛ̄ɛbɛ nīi ɔwɔ̄wīyā yī ala̍ ge̍ē gɔ̄grāa.

Ala̍ ge̍ ya̍ lɔkɔ nīi n ka ma̍, ɔ̍lɔma̍ o̍ re̍ka ala̍ ge̍ē hɔ̄ la ɔhɔtū yī u. I̍ngɔ̍ɔ nīi ami titi ya̍ lɔkɔ nīi A̍dā yī u ka ma̍ nīi n hɔ̄ la ɔhɔtū yī nū a̍nɛ.

Ɔjā nīi n ka de ala̍ ka ala̍ ge̍ ya̍ ma̍ hɔ̄ ma̍ a̍nɛ: Ala̍ ā yɔ̍ɔhɔtū yī ɔ̍nyīnū.

O̍ ge̍ re̍ka ala̍ - āchɛ yī yɛchɛ nūma̍ nɛ, yɛchɛ ke̍ ge̍ yɔ̍ɔhɔtū yī ala̍ bāa āchɛ yī nū ma̍. N chī de abɔ̄ ku ala̍ bū la yɛchɛ nūma̍ mɛ̍ ma̍, ala̍ i̍ āchɛ yī nū gɛ ni̍. Ɔla̍ā - ohu̍ nīi ala̍ de ta̍ alyɛchɛ anyī a̍nɛ.