Известные библейские стихи из Luk 7

Поделиться

N'ahabw'ekyo ninkugambira nti: Yaasaasirwa ebibi bye bingi, ahabw'okuba yaayoreka rukundo ye empango. Manya osaasirwa bikye agira rukundo nkye. Mpaho agambira ogwo mukazi ati: Waasaasirwa ebibi byawe.

Kwonka Yesu yaagira ogwo mukazi ati: Okwikiriza kwawe kwakujuna; gyenda n'obusingye.

Ogwo mukazi yaamuguma enyima naarira; amarira nigaitururikira aha bigyere bye, yaabiragarisa eishokye rye, yaabinywegyera, yaabisiiga ago majuta.

Kandi ekyo nikyo kyanzibira kwija okwo kukwehikira; kwonka gira eki waagamba, omuheereza wangye akire. Manya naanye ndi omutegyekwa, kandi nyine abaserukare abu ndikutegyeka. Ku ndikugambira omwe nti: Gyenda, agyenda; n'ondiijo nti: Ija, aija; n'omuheereza wangye nti: Kora eki, akikora. Yesu ku yaahuriire ekyo, yaamutangaarira, yaahinduka yaagambira ekimbuuro ky'abantu abamukuratiire ati: Nimbagambira ku ntakareebaga kwikiriza nk'oku, nobu haakuba omuri Isiraeli!

Omuri ago magingo Yesu yaakiza abantu baingi endwara n'obusaasi n'okunigwa ebyago; kandi n'empumi nyingi yaazihumuura. Yesu yaabagarukamu ati: Nimwirooko mugambire Yohaana ebi mwareeba n'ebi mwahurira muti: empumi nizihumuuka, ebirema nibigyenda, ababembe nibashemezibwa, ebifamatu nibihurira, abafiire nibazoorwa, n'abooro nibarangirirwa amakuru marungi.