Известные библейские стихи из DUUCA 7

Поделиться

Yääje yeijäcä edääje wä’döa äwwä, töwö choone’nadiiyö täncwanno’jo na, töwö chäwwä jooje jummadö weijäcä. Ñäädä she’caasa choone’nadiiyö encwanno’jaajä, jummatä’daiche; quee cönä’döaacä Jesuuquidiito. Yääwä wodi wwä Jesuuquidiito cönä’döaacä: —Ocoone’nadiiyö täncwanno’jo na; quee.

Yaawä Jesuuquidiito cönä’döaacä wodi wwä: —Äwwä ecamjödö weijäcä määwanaacai. Täncanoode’da äjääne eduuwä; quee cönä’döaacä Jesuuquidiito.

Yaawä töwaamoancädä töwö cönä’döi Jesuuquidiito ncadheedä, i’judu dö’tä. Cönaajäntäi yaawä i’judu töjöödö tänaacudu que; tuju’jädö que cöncocaacä. Shuumajä’ancädä tönnejöödö juu shimi’jotoojo que i’judu cömjöi yaawä.

Edääje mmaja suddau edhaajotoncomo cöneecammaja’dea töjimmä wwäiñe: —Aashicha’da weijäcä öwö dea adöiña tä’da weiya. Töwa’deuwe mmaane adha’deucä, yaanonö aadoncaiye. Tädhaajäcaato mmaja öwö dea. Yaanonö mmaja töweiye naicho dea, suddau. “Äjääne,” ca’jäcä öwwä anejja wwä, töötä yaawä ñäädä. “Ä’cäde,” ca’jäcä, töwe’e yaawä. “Mädä tödööcä,” ca’jäcä öwwä yaanonö wwä, tönnöe yaawä töwö; quee mmaja suddau edhaajotoncomo cöneecammaja’dea tanoonö wwäiñe. Jesuuquidiito wacö’je cönäätaacä yääje ya’deuwö’jödö. Töwö cönä’jedennacai; cönä’döaacä ñanno töncäconcomo weejödö wwäiñe. —Chäänönge yääje wä’döa äwwäiñe, mädääjato ecaanö’nei aneene’da wäänene, iisadaaediitacoomo jadä’jödöödä; quee cönä’döaacä.

Ñanno wä’dödaawäiñe ñeenedööcomooje Jesuuquidiito jooje cädäija’como cönaadoncaicho, jooje yäntunamjödööcomo mmaja, odo’sha ’ja’como mmaja. Jooje tänuuquemjöncomo cöneenu’täjä’a’to dea. Yaawä Jesuuquidiito cönä’döaacä Juan anoonö wwäiñe: —Aneene’jocoomo ecammajä’tantäcä Juan wwä, aneeta’jocoomo mmaja. Chäwwä ecammajä’täcä’de tänuuquemjöncomo enu’tädööcomo, secumja’como sheecuncadööcomo mmaja, woi ’ja’como ejiichö’tädööcomo mmaja, töjaanaquemjöncomo ijaana’ducaadöcoomo mmaja, yäämaajä adoncadö mmaja, aashichaato wätunnä ecammajäätödö mmaja wentumja’como wwä.