Известные библейские стихи из Hechos 1

Поделиться

Ö̦jö ma cui, cafä wamacö nija Yai Bada tä Bufi bälöo däjä, wamacö nö wa̦lojoblobä, wamacö nia bayeliblamou. Ö̦jö däjä, Jelusaleteli bä nija wamale a̦fa nia wäyäö. Judea jamö ma cui, Samalia jamö ma cui, wamale a̦fa wäyäö fa cuaaimadunö, täbä bälöo lä jödödole jamö ma cui, wamale a̦fa nia wäyäö cuaaö —a cuma.

Jesús a wa̦ juo ja, abinaja bä nowa tama. —Ö̦jö tä lä cui wama tä dabä wamacömi. Fayänö ö̦jö tä shino daö ayao. “Fei däjä dodijiwä”, a cubä, ö̦jö a shino.

¿Ö̦jö tawä? Jesúsnö bä ca̦i cuo showao däjä, bä juu wasöma. —Äyämö, Jelusale jamö bä da yanöcöicu —a cuma—. Fayänö tä a̦fa wäyäö lä balöono wei tä ja, bä nö da daicu, cafä wamacö nija ya tä a̦fa da wäyäblei tä lä cui. Juan a lä cuinö, mau u ja bä fe ojomaö ja, mau unö bä jödödöblamama ma cui, tä nö dedejeblou mlai ja, inaja showawä, Yai Bada tä Bufi yainö wamacö nia jödödöblaö nomöjöo —a cuma.

A nö lä bleaamano wejei däjä a fa nomalönö, a demi ca̦i jocädou fa co̦lonö, cama ebä showawä lä cui nija a demi damoa co̦laliyoma. A lä cuaano wei tä blucanö, a nö demi ö̦jöbömolayoma. 40 tä mö didi cublou jaöo mlao däjä, ö̦jö bä nija a dablamou lä cuaale jamö, Yai Badanö cama ebä nia ca̦i lä cuo wei tä a̦ wäyäö cuaama.

Inaja bä nowa fa talönö, bä mamo showao däjä, Yai Bada tänö a ösömalefälöma. Ölajashi anö, a nö daamou mladaliyoma.

Fedu jamö Jesús a lä ösöimadi jamö, bä mö nonoo showao däjä, bolacabö täcöbö bädaliyoma. Camishi shuducaje cäcö labe ja, täcöbö didioma. Abinaja bä nowa taböma. —Calilea tä ulifi jamö wamacö lä bälöle, ¿wedi tä tabä, bei wamacö mö li nonodia cule? Ö̦jö Jesús a lä cui, fedu jamö a lä ösölöfe, wamacö lä dacöfe a lä cui, a nia itou co̦oyoluu. Cafä wamacö mamo showao däjä, fedu jamö a ösöa lä culufenaja, inaja a nia cublou co̦o.