Известные библейские стихи из Yohani 3

Поделиться

Hikuva Xikwembu xirhandzile misava, lakakuva, xinyikile N'wana wa xona wa mun'we, lesvaku hinkwavu lava vapfumelaka ka yena vangalovi, kambe vava ni vutomi lebzingaheliki.

Xikwembu axirhumelanga N'wana wa xona misaveni kutayavanyisa misava, kambe akuli kuyendlela lesvaku misava yitaponisiwa ha yena.

Yesu amuhlamula aku: “Nitiyisile nili ka wena, aku na munhu lweyi angatavona Mfumu wa Xikwembu, loko angatlhelanga apsaliwa ra vumbirhi.”

Lweyi apfumelaka ka N'wana angayavanyisiwi, kambe lweyi angapfumeliki ayavanyisiwile ni svosvi, hikuva angapfumelanga ka N'wana-wa-Xikwembu lweyi anga mun'we ka xona.

Kuyavanyisiwa hi loku: Akuvonakala kutile misaveni, kambe vanhu varhandzile ngopfu munyama kutlula kuvonakala, hikuva mitirho ya vona ayibihile.

Yena afanela kuya akula mina niya nitsongahala.

Hikuva, mani na mani lweyi ayendlaka lesvobiha avenga kuvonakala, hi kolaho angati kuvonakaleni lesvaku mitirho ya yena yingati kuvonakaleni.

Lweyi apfumelaka ka N'wana a ni vutomi lebzingaheliki; kambe lweyi angapfumeliki ka N'wana angakala angabzivoni vutomi; kambe avukarhi bza Xikwembu bzitshama ka yena.

Kufana ni lesvi Moxe atshamaka ahayeka nyoka mananga, N'wana-wa-Munhu na yena afanela kuhayekiwa hi mukhuva wolowo.

Tatana arhandza N'wana, hi kolaho asvilo hinkwasvu svinyikiwile mavokweni ya yena.