Известные библейские стихи из YOHANES 21

Поделиться

Leka sin nah nalali te, Yesus nak neu Nai Simon Petrus, “Simon, Nai Yohanes anmone, ai hom nek Kau nesin ale i sin ka?” Nai Petrus natae neu In nak, “Koi Uisneno, Ho muhin, nak au nek Ko.” Yesus nak neune, “Mutuku nai Au bibi kase sin.” Yesus nak anteni neune hae nua, “Simon, Nai Yohanes anmone, hom nek Kau ka?” Nai Petrus natae neu In nak, “Koi Uisneno, Ho muhin, nak au nek Ko.” Yesus nak neune, “Mutuku nai Au bibi kase sin.” Yesus nak anteni neune hae tenu, “Simon, Nai Yohanes anmone, hom nek Kau ka?” Nai Petrus nekan antu' fun Usif Yesus na'uab neune, hae tenu nak, “Ai hom nek Kau ka?” Ma in nak neu Yesus, “Uisneno, Ho muhin kum ale sa', Ho muhin, nak au nek Ko.” Yesus nak neune, “Mutuku nai Au bibi kase Sin.

Au ak ko: Tebes leka ho fe munif ko, ho mufutu kum ho tnaman, ma hom nao meu me le hom lomi. Mes leka Ho mumnasi te, of ho menu ho nimam ma atoni bian es anfutu ko ma neki ko neu bale le ho kam lomif.”

Yesus nak neu sin, “Ampolin hi kifkai neu belo' aon bian a'ne'u, of hi mipeni.” Oke te sin anpolin kifkai nane ma sin kan hel nabe'ifa, natuin ika amfau le'uf.

Nai Simon Petrus nak neu sin, “Au he nao kifkai ika.” Sin nak neune, “Hai amsa he mok ko.” Oke te sin naon ma ansae neu belo'. Mes bi fai nane sin kan kifkai nan fa sa'.