Известные библейские стихи из MWAMBĨLĨLYO 6

Поделиться

Na Yeova eelila nũndũ nĩwombie mũndũ ĩũlũ wa nthĩ, na eew’ĩthw’a woo ngoonĩ yake.

Na Yeova oona kana ũthũku wa mũndũ waĩ mũnene kũũ nthĩ, na kĩla kĩsũanĩo kya malilikano ma ngoo yake kyaĩ kyathe vyũ mavinda onthe.

Ĩndĩ Noa nĩwendeesye mbee wa Yeova.

Mosyaanĩo ma Noa nĩmo aa. Noa aĩ mũndũ mũlũngalu, na mwĩanĩu nzyawanĩ sya ĩvinda yake: Noa aendanasya na Ngai.

Na Yeova asya, Ngaananga mũndũ ũla natw’ĩkĩthisye aume ĩũlũ wa nthĩ; mũndũ, vamwe na nyamũ, na kĩla kasamũ katambũkaa, na nyũnyi sya yayaya; nĩkwĩthĩwa nĩngwĩlila nũndũ nĩnasyũmbie.

Na kweethĩwa, yĩla andũ mambĩlĩlye kwĩngiva ĩũlũ wa nthĩ, na masyaĩwa eĩtu, ana ma Ngai moona kana eĩtu ma andũ maĩ aseo; na meetwaĩa aka, onthe ala manyuvie. Na Yeova asya, Veva wakwa ndakakĩlan’ya vinya na mũndũ tene na tene, nũndũ we nake nĩ mwĩĩ: ĩndĩ matukũ make makeethĩwa myaka ĩana na mĩongo ĩlĩ. Nevilimu maĩ kũũ nthĩ matukũ asu, o na ĩtina wa ĩvinda yĩu, yĩla ana ma Ngai malikile kwa eĩtu ma andũ, na mamasyaĩa syana: syo syaĩ ngũmbaũ tene, andũ me nguma.

Noa eeka ũu; kwĩanana na w’onthe ũla Ngai wamwĩaĩe, nĩw’o wekie.

Na Ngai amwĩa Noa, Mũminũkĩlyo wa mĩĩ yonthe nĩwooka mbee wakwa; nũndũ nthĩ nĩyusũĩtwe nĩ ũng’endu kwondũ woo; na, sisya, ngamananga vamwe na nthĩ.

Ĩyakĩe ngalawa ya mũtĩ wa mũkova; na ũtilanga tũsũmba ngalawanĩ, na ũivaka ngalĩ ya nthĩnĩ na ngalĩ ya nza kĩsia.

Na Ngai oona nthĩ, na, sisya, yaĩ nthũku; nũndũ mĩĩ yonthe nĩyathũkisye nzĩa yoo ĩũlũ wa nthĩ.

Na kĩla kĩndũ kĩ thayũ kya mĩĩ yonthe, ilĩ sya kĩla mũthemba ũkaete nthĩnĩ wa ngalawa, kũsyĩkalya thayũ vamwe naku; ikeethĩwa nũme na nga.