Известные библейские стихи из Kîam 39

Поделиться

Ngai-Mûnene aarî vamwe na Josefu, na nîwatûmire ûtûûro wake wagîre. Josefu eekaraga nyomba kwa mwathi wake Mûmisiri.

Potifa nîwarekerie Josefu indo ciake cionthe nîguo arûmbûyanagie nacio. Potifa nîwatigire kûrûmbûyania na indo ciake cionthe tiga irio irîa aarîcaga cionga. Josefu aarî na mwîrî mwaro na aarî mûthaka mûno.

Mûrûngamîrîri ûcio wa njera nîwatuire Josefu mûmenyereri wa andû onthe arîa moovetwe njera, na mûrûngamîrîri wa maûndû monthe marîa meekagwa kûu njera.

na akîathana Josefu anyitwe na aikue njera kûrîa andû arîa ove a mûnene maaigagwa, na agîkara kuo. Nwatî Ngai-Mûnene aarî vamwe na Josefu na nîwamwonagia wendo ûtathiraga na agîtûma endwe nî mûrûngamîrîri wa njera.

Vuvarî, mûka wa mwathi wake nîwambîrîrie kûmwîrirîria na akîmwîra mamame nake. Nwatî Josefu nîwaregire na agîcokeria mûka wa mwathi wake atîrî, “Nîwîcî atî mwathi wakwa ndarûmbûyanagia na ûndû wana ûrîkû wa mûciî nîûndû nîrî kuo. Nîanduîte mûmenyereri wa indo ciake cionthe. Gûtirî mûndû wîngî mûnene kûngîra mûciî ûyû, na gûtirî kîndû angirîtie tiga we, nîûndû wî mûka. Nie ndingîka ûndû wa waganu mûnene ta ûyû nîûndû nî wîvia kûrî Ngai.”

Nwatî mûthenya ûmwe, Josefu nîwathiîre nyomba kûruta wîra wake, na gûtiarî ndungata îngî kûu nyomba tiga ke. Mûka wa Potifa nîwanyitire nguo ya Josefu na akîmwîra atîrî, “Ûka ûmenyane kîîmwîrî nanie.” Nwatî Josefu nîwetigithirie, akiuma nja avinyûrîte, na agîtiga nguo yake njararî ya mûndûmûka ûcio.