Известные библейские стихи из Matius 10

Поделиться

“Wéan rékén en anio'! Yutus-Ku kamu mangé tanuoka sé domba an uner é serigala. Ampa'paan in itu kamu musti mapinte-pinter tanu ula', wo lekep en até tanu mombo.

Si séike' e menonou asaloke' in owakna in esa, sia itu ra'ica makéré ing katouan akar ing kauré-uré. Taan si séike' e méé ing katouanna eng kumiit Yaku, sia makéré oka ing katouan akar ing kauré-uré.

Tioo kamu maindé' a sé tou sé asalo makawoo maté in owak iow taan ra'ica wana kawasa e maté i mu'kur iow. Taan maindé'o mangé a si Amang Kasuruan si makakawasa e maté in owak wo i mu'kur iow a naraka.

Si séike' ra'ica muléng in salipna in esa wo ra'ica kumiit Yaku, sia ra'ica patus mamuali tou-Ku.

Si séi e mangaku an dior é tou sapaoka sia makiit Yaku, pangakun-Ku oka ka'i sia tou-Ku an dior i Amang-Ku an sorga. Taan si séi en sumangkal Yaku an dior é tou, sia ka'i sangkalen-Ku oka an dior i Amang-Ku an sorga.”

Samaano mangé sé tou sumakit, toueno sé tou imatéo, samaano mangé sé tou kusta wo yuséro sé sétang asé tou. Tinerimao miow waya en itu si asaloke' aitambér, ampa'paan in itu itambéro ka'i mangé en itu a sé tou walina.

Anaé, tioo kamu maindé', ampa'paan kamu en lumébémai asé rincéng.

“Tioo paweroten iow sa Aku maai ang kayo'baan e maali mai ing kaeluran. Yaku maai ra'ica maali mai ing kaeluran taan maali mai ing kaperéndéran.