Известные библейские стихи из SENESI 3

Поделиться

Pea nee sio leva te fafine nee lelei te akau ki te kai, mo matalelei ki te mata, pea mo mauhiga ki te avahi o te atamai. Nee ina tolii leva he fuai akau, o kai, pea nee ina toe foaki foki ki tona ohoana, ae nee tuu i ona tafa, pea nee kai leva ia ia ki ai.

Nee poto lahi age te gata i te u manu fuli o te vao ae nee fakatupu e te Eteleno Atua. Nee ina ui leva ki te fafine: Pe nee ui mooni atu e te Atua: E mole kolua kai anai ki te u akau fuli o te oloto?

E au tuku anai te fehia ia koe mo te fafine, i tou hakoga mo tona hakoga: e malamalaki anai e te hakoga o te fafine tou ulu, kae e ke uusi anai tona mulivae.

Pea nee ina ui leva ki te fafine: E au fakalahi anai te mamahi o au faitama, pea e ke fanau anai i te mamahi, pea e alu anai ou holi ki tou ohoana, kae e pule anai ia ia kia koe.

E ke kai anai tau pane i te kavakava o tou lae, o kaku ki te aho ae e ke liliu ai anai ki te kele, ae nee too mai ai ia koe; koteuhi ko te efu ia koe, pea e ke liliu anai ki te efu.

Pea nee ina ui leva ki te tagata: O tupu nee ke fakalogo ki te leo o tou ohoana, pea nee ke kai ki te fua o te akau ae nee au fakatotonu atu kia koe: E mole ke kai anai ki ai! E malaia anai te kele o tupu ko koe. E ke gaue kinakina anai ke mau ai tau meakai i te u aho fuli o tou mauli.

Pea nee ui leva e te Eteleno Atua: Ko ai nee ina fakaha kia koe e ke telefua? Pe kua ke kai ki te akau ae nee au tapui atu kia koe?

I te osi o te kapu o Atama, nee fakatuu leva e te Atua i te potu esite o te oloto o Eteni ni selupino, ke natou leo ia te ala ki te akau o te mauli.

Nee foaki leva e Atama ki tona ohoana te higoa ko Eva: koteuhi ko te fae ia ia o te u hahai mauli fuli.